11.64C Vancouver 11.64C VancouverJul 29, 2025 4:48 PM - The Canadian Press
ਬੀ. ਸੀ. ਦੇ ਵੱਡੇ ਹਿੱਸੇ ਲਈ heat warnings ਜਾਰੀ ਕੀਤੀਆਂ ਗਈਆਂ ਹਨ। ਮੌਸਮ ਵਿਭਾਗ ਦਾ ਕਹਿਣਾ ਹੈ ਕਿ ਅੰਦਰੂਨੀ ਹਿੱਸੇ ਵਿਚ ਤਾਪਮਾਨ 38 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਸਕਦਾ ਹੈ।
ਵਾਤਾਵਰਣ ਅਤੇ ਜਲਵਾਯੂ ਪਰਿਵਰਤਨ ਕੈਨੇਡਾ ਵਲੋਂ ਦਿੱਤੀ ਗਈ ਚਿਤਾਵਨੀਆਂ ਵਿਚ ਦੱਖਣੀ ਬੀ.ਸੀ. ਦੇ ਅੰਦਰੂਨੀ ਹਿੱਸਿਆਂ ਵਿਚ ਓਕਾਨਾਗਨ ਵੈਲੀ, ਫਰੇਜ਼ਰ ਕੈਨਿਯਨ, ਸਾਊਥ ਥਾਮਸਨ, ਬਾਉਂਡਰੀ ਅਤੇ ਪੱਛਮੀ ਕੂਟੇਨੇ ਖੇਤਰ ਸ਼ਾਮਲ ਹਨ, ਜਿਥੇ ਤਾਪਮਾਨ ਵਧੇਰੇ ਰਹਿਣ ਦੀ ਸੰਭਾਵਨਾ ਹੈ।
ਇਸ ਤੋਂ ਇਲਾਵਾ ਉੱਤਰੀ ਥੌਮਸਨ, ਕੈਰੀਬੂ 100 ਮਾਈਲ, ਪ੍ਰਿੰਸ ਜਾਰਜ ਅਤੇ ਸਟੂਅਰਟ-ਨੇਚਾਕੋ ਖੇਤਰ ਵਿਚ ਤਾਪਮਾਨ 34 ਡਿਗਰੀ ਤੱਕ ਪਹੁੰਚ ਸਕਦਾ ਹੈ। ਮੌਸਮ ਏਜੰਸੀ ਨੇ ਕਿਹਾ ਕਿ ਸ਼ੁੱਕਰਵਾਰ ਤੱਕ ਗਰਮੀ ਵਿਚ ਕਮੀ ਆਉਣ ਦੀ ਉਮੀਦ ਹੈ।
ਵਾਤਾਵਰਣ ਕੈਨੇਡਾ ਨੇ ਕਿਹਾ ਕਿ ਗਰਮੀ ਦਾ ਉੱਚ ਤਾਪਮਾਨ ਖਾਸ ਕਰ ਬਜ਼ੁਰਗਾਂ ਅਤੇ ਪਹਿਲਾਂ ਤੋਂ ਕਿਸੇ ਬਿਮਾਰੀ ਨਾਲ ਗ੍ਰਸਤ ਲੋਕਾਂ ਲਈ ਥੋੜ੍ਹਾ-ਬਹੁਤ ਰਿਸਕ ਪੈਦਾ ਕਰ ਸਕਦਾ ਹੈ।
