13.44C Vancouver 13.44C VancouverApr 28, 2021 10:43 PM -
ਬੀ.ਸੀ. ਦੇ ਇੱਕ ਪ੍ਰੋਵਿੰਸ਼ੀਅਲ ਕੋਰਟ ਨੇ ਕੋਵਿਡ-19 ਸੰਬੰਧੀ ਨਿਯਮਾਂ ਨੂੰ ਤੋੜਨ ਵਾਲੇ ਵਿਅਕਤੀ ਦੇ ਐਕਸ਼ਨਸ ਦੀ ਤੁਲਣਾ ਸਟ੍ਰੀਟ 'ਤੇ ਫੈਂਟਾਨਿਲ ਜਿਹੇ ਨਸ਼ੇ ਨੂੰ ਵੇਚਣ ਜਿਹੇ ਐਕਸ਼ਨਸ ਨਾਲ ਕੀਤੀ ਹੈ।
ਅਜਿਹੀ ਟਿੱਪਣੀ ਤੋਂ ਬਾਅਦ ਇਸ ਵਿਅਕਤੀ ਨੂੰ ਸਜ਼ਾ ਸੁਣਾਈ ਗਈ। ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਮੋਹੰਮਦ ਮੋਵਾਸਾਘੀ ਨੂੰ ਇੱਕ ਦਿਨ ਦੀ ਜੇਲ੍ਹ ਅਤੇ $5,000 ਦਾ ਜੁਰਮਾਨਾ ਲਗਾਇਆ ਗਿਆ ਹੈ।
ਇਸ ਤੋਂ ਇਲਾਵਾ ਦੋਸ਼ੀ ਨੂੰ 18 ਮਹੀਨੇ ਦੀ ਪ੍ਰੋਬੇਸ਼ਨ ਦੀ ਸਜ਼ਾ ਸੁਣਾਈ ਗਈ ਹੈ।
ਇਸ ਵਿਅਕਤੀ ਨੇ ਕੋਰਟ ਆਰਡਰ ਦੀ ਪਾਲਣਾ ਨਾ ਕਰਨ ਅਤੇ ਸਿਹਤ ਅਫ਼ਸਰ ਦੇ ਨਿਰਦੇਸ਼ਾਂ ਦੀ ਪਾਲਣਾ ਕਰਨ 'ਚ ਨਾਕਾਮ ਰਹਿਣ ਦੇ ਦੋਸ਼ ਕਬੂਲੇ ਸਨ।
ਵੈਨਕੂਵਰ ਪੁਲਿਸ ਨੇ ਜਨਵਰੀ ਮਹੀਨੇ 'ਚ ਵੈਨਕੂਵਰ ਡਾਊਨਟਾਊਨ ਇਲਾਕੇ 'ਚ ਇੱਕ ਸਰਚ ਵਾਰੰਟ ਨੂੰ ਅੰਜਾਮ ਦਿੱਤਾ ਸੀ।
ਇਸ ਦੌਰਾਨ ਸਾਹਮਣੇ ਆਏ ਹਾਲਾਤਾਂ ਨੂੰ ਉਨ੍ਹਾਂ 'ਮੇਕਸ਼ਿਫਟ ਨਾਈਟਕਲੱਬ' ਦਾ ਨਾਮ ਦਿੱਤਾ ਸੀ।
ਇਸ ਦੌਰਾਨ ਘਰ 'ਚ ਮੌਜੂਦ ਲੋਕਾਂ ਨੂੰ ਕੁੱਲ $17,000 ਦੇ ਜੁਰਮਾਨੇ ਲਗਾਏ ਗਏ ਸਨ।
ਜੱਜ ਐਲਨ ਗੋਰਡਨ (Judge Ellen Gordon) ਨੇ ਕਿਹਾ ਕਿ ਇਹ ਕੋਈ ਪਾਰਟੀ ਨਹੀਂ ਸਗੋਂ ਅਪਰਾਧ ਸੀ।
ਉਨ੍ਹਾਂ ਅਜਿਹੀ ਜਗ੍ਹਾ 'ਤੇ ਪਹੁੰਚ ਕਰਨ ਵਾਲੇ ਲੋਕਾਂ ਨੂੰ ਬੇਵਕੂਫ ਦੱਸਿਆ।
