13.73C Vancouver 13.73C VancouverMay 17, 2022 12:09 AM - The Canadian Press
ਅੱਜ ਵਿਕਟੋਰੀਆ 'ਚ ਬੀ.ਸੀ. ਦੇ ਨਵੇਂ ਲਿਬਰਲ ਲੀਡਰ ਲਈ ਇੱਕ ਸਹੁੰ ਚੁੱਕ ਸਮਾਗਮ ਹੋਇਆ।
ਇਸ ਦੇ ਨਾਲ ਹੀ ਉਹ ਅਧਿਕਾਰਿਤ ਤੌਰ 'ਤੇ ਲੈਜਿਸਲੇਚਰ 'ਚ ਲੀਡਰ ਆਫ ਔਪੋਜਿਸ਼ਨ ਦੇ ਤੌਰ 'ਤੇ ਦਾਖਿਲ ਹੋ ਗਏ ਹਨ।
ਕੈਵਿਨ ਫੈਲਕਨ ਨੇ ਫਰਵਰੀ 'ਚ ਪਾਰਟੀ ਦੀ ਲੀਡਰਸ਼ਿਪ ਜਿੱਤੀ ਸੀ।
ਇਸ ਤੋਂ ਬਾਅਦ ਉਨ੍ਹਾਂ 30 ਅਪ੍ਰੈਲ ਨੂੰ ਵੈਨਕੂਵਰ ਕਿਲਚੇਨਾ ਦੀ ਰਾਈਡਿੰਗ ਤੋਂ ਬਾਈਇਲੈਕਸ਼ਨ 'ਚ ਬਾਜੀ ਮਾਰੀ ਸੀ।
59 ਸਾਲਾ ਫੈਲਕਨ ਵੱਲੋਂ ਅੱਜ ਦੁਪਹਿਰ 12.45 ਵਜੇ ਸਹੁੰ ਚੁੱਕੀ ਗਈ ਅਤੇ ਦੁਪਹਿਰ ਕਰੀਬ 1.30 ਵਜੇ ਉਨ੍ਹਾਂ ਦਾ ਵਿਧਾਨ ਸਭਾ 'ਚ ਸਵਾਗਤ ਹੋਇਆ।
ਫੈਲਕਨ ਨੇ ਕਿਹਾ ਕਿ ਉਨ੍ਹਾਂ ਦੀ ਪਾਰਟੀ ਲਈ ਸਭ ਤੋਂ ਅਹਿਮ ਮਾਮਲਾ ਅਫੋਰਡੇਬਿਲਿਟੀ ਦਾ ਰਹਿਣ ਵਾਲਾ ਹੈ।
ਉਨ੍ਹਾਂ ਕਿਹਾ ਕਿ ਐਨ.ਡੀ.ਪੀ. ਸਰਕਾਰ ਲਈ ਜਰੂਰੀ ਹੈ ਕਿ ਲੋਕਾਂ ਨੂੰ ਗੈਸ ਦੀਆਂ ਵਧਦੀਆਂ ਕੀਮਤਾਂ ਵਿਚਾਲੇ ਰਾਹਤ ਲਈ ਗੈਸ 'ਤੇ ਲੱਗਣ ਵਾਲੇ ਸਾਰੇ ਟੈਕਸ ਹਟਾਏ ਜਾਣ।
