12.26C Vancouver 12.26C VancouverOct 16, 2020 3:39 PM -
ਵੀਰਵਾਰ ਨੂੰ ਇੱਕ ਤਣਾਅਪੂਰਨ ਦਿਨ ਤੋਂ ਬਾਅਦ ਲਿਬਰਲ ਪਾਰਟੀ ਵੱਲੋਂ ਸ਼ੁੱਕਰਵਾਰ ਨੂੰ ਚੋਣ ਪ੍ਰਚਾਰ ਜਾਰੀ ਰਹੇਗਾ।
ਬੀ.ਸੀ. ਲਿਬਰਲ ਪਾਰਟੀ ਵਲੋਂ ਵੀਰਵਾਰ ਨੂੰ ਇਹ ਐਲਾਨ ਕੀਤਾ ਗਿਆ ਕਿ ਚਿਲਿਵੈਕ-ਕੈਂਟ ਤੋਂ ਉਮੀਦਵਾਰ, ਲੌਰੀ ਥਰੌਨੇਸ ਹੁਣ ਪਾਰਟੀ ਦੀ ਨੁਮਾਇੰਦਗੀ ਨਹੀਂ ਕਰਨਗੇ।
ਇੱਕ ਆਲ-ਕੈਂਡੀਡੇਟਸ ਡਿਬੇਟ ਦੌਰਾਨ, ਉਨ੍ਹਾਂ ਐਨ.ਡੀ.ਪੀ. ਦੇ ‘ਫ੍ਰੀ ਕੌਂਟਰਾਸੈਪਸ਼ਨ ਪਲੈਨ’ ਸੰਬੰਧੀ ਕੁਝ ਵਿਵਾਦਿਤ ਟਿੱਪਣੀਆਂ ਕਰ ਦਿੱਤੀਆਂ ਸਨ ਅਤੇ ਇਸ ਪਲੈਨ ਦੀ ਤੁਲਣਾ 'ਯੂਜੈਨਿਕਸ' ਨਾਲ ਕੀਤੀ ਸੀ।
ਥਰੌਨੇਸ 2013 ਤੋਂ ਲੈਜਿਸਲੇਚਰ ਦੇ ਮੈਂਬਰ ਰਹੇ ਹਨ ਅਤੇ ਉਨ੍ਹਾਂ ਦਾ ਨਾਂ 24 ਅਕਤੂਬਰ ਦੀਆਂ ਚੋਣਾਂ ਦੌਰਾਨ ਬੈੱਲਟ ਉੱਤੇ ਰਹੇਗਾ।
ਵੀਰਵਾਰ ਨੂੰ ਇੱਕ ਰੇਡੀਓ ਡਿਬੇਟ ਰਾਹੀਂ ਐਨ.ਡੀ.ਪੀ. ਲੀਡਰ ਜੌਹਨ ਹੋਰਗਨ ਅਤੇ ਲਿਬਰਲ ਲੀਡਰ ਐਂਡਰਿਉ ਵਿਲਕਨਸਨ ਵਿਰੋਧੀ ਪਾਰਟੀ ਦੀ ਆਲੋਚਨਾ ਕਰਦਿਆਂ ਇੱਕ ਦੂਜੇ ‘ਤੇ ਨਿਸ਼ਾਨੇ ਕੱਸਦੇ ਨਜ਼ਰ ਆਏ।
ਹੋਰਗਨ ਨੇ ਵਿਲਕਨਸਨ ਨੂੰ ਚੁਣੌਤੀ ਦਿੰਦਿਆਂ ਕਿਹਾ ਕਿ ਬੀਤੇ ਸਮੇਂ ਦੌਰਾਨ ਲਿਬਰਲ ਸਰਕਾਰਾਂ ਵੱਲੋਂ ਕੀਤੇ ਗਏ ਫ਼ੈਸਲਿਆਂ ਦਾ ਡੂੰਘਾ ਪ੍ਰਭਾਵ ਸੂਬੇ ਉੱਤੇ ਪਿਆ ਹੈ।
ਵਿਲਕਨਸਨ ਨੇ ਜਵਾਬ ਵਿੱਚ ਕਿਹਾ ਕਿ ਹੋਰਗਨ ਦੀ ਪਾਰਟੀ 2017 ਤੋਂ ਸੱਤਾ ਵਿੱਚ ਹੈ ਪਰ ਫਿਰ ਵੀ ਕੁਝ ਖਾਸ ਹਾਸਲ ਨਹੀਂ ਕਰ ਸਕੀ।
ਗ੍ਰੀਨ ਪਾਰਟੀ ਦੀ ਲੀਡਰ ਸੋਨੀਆ ਫਰਸਟਨੋ ਨੇ ਹੋਰਗਨ ਅਤੇ ਵਿਲਕਨਸਨ ਦੀ ਐਨਰਜੀ ਨੀਤੀ ਅਤੇ ਵਾਤਾਵਰਣ ਸੰਬੰਧੀ ਉਪਰਾਲਿਆਂ ਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਉਹ ‘ਗਰੀਨ ਇਕੌਨਮੀ’ ਵਿੱਚ ਨਿਵੇਸ਼ ਕਰਨ ਦੀ ਬਜਾਏ ਐਨਰਜੀ ਇੰਡਸਟਰੀ ਨੂੰ ਸਬਸੀਡਾਈਜ਼ ਕਰਨ ਵਿੱਚ ਯਕੀਨ ਰੱਖਦੇ ਹਨ।
