20.77C Vancouver 20.77C VancouverJan 13, 2022 9:18 PM - The Canadian Press
ਬੀ.ਸੀ. 'ਚ ਲਿਬਰਲ ਪਾਰਟੀ ਦੀ ਮੈਂਬਰਸ਼ਿਪ ਸੰਬੰਧੀ 3,000 ਤੋਂ ਵਧੇਰੇ ਐਪਲੀਕੇਸ਼ਨਾਂ ਰੀਵਿਊ ਕੀਤੀਆਂ ਜਾ ਰਹੀਆਂ ਹਨ।
ਅਜਿਹਾ ਉਸ ਵੇਲੇ ਕੀਤਾ ਜਾ ਰਿਹਾ ਹੈ ਜਦ 5 ਫਰਵਰੀ ਦੀ ਲੀਡਰਸ਼ਿਪ ਵੋਟ ਨੇੜੇ ਪਹੁੰਚ ਰਹੀ ਹੈ।
ਪਾਰਟੀ ਦੀ ਇਲੈਕਸ਼ਨ ਔਰਗੇਨਾਈਜ਼ਿੰਗ ਕਮੇਟੀ ਦੇ ਕੋ-ਚੇਅਰ ਰੋਜ਼ੈਨ ਹੈਲਮ ਅਤੇ ਕੌਲਿਨ ਹੈਨਸਨ ਦਾ ਕਹਿਣਾ ਹੈ ਕਿ 3,025 ਮੈਂਬਰਸ਼ਿਪਸ ਦਾ ਕੰਫਰਮੇਸ਼ਨ ਰੀਵਿਊ ਕੀਤਾ ਜਾ ਰਿਹਾ ਹੈ।
ਇਸ ਤੋਂ ਬਾਅਦ ਇਨ੍ਹਾਂ ਲੋਕਾਂ ਨੂੰ ਲੀਡਰਸ਼ਿਪ ਕੰਟੈਸਟ 'ਚ ਵੋਟ ਕਰਨ ਦੀ ਇਜਾਜਤ ਮਿਲ ਸਕੇਗੀ।
ਯਾਦ ਰਹੇ ਪਾਰਟੀ ਦੇ ਸੂਬੇ 'ਚ ਕਰੀਬ 43,000 ਮੈਂਬਰ ਹਨ।
ਲੀਡਰਸ਼ਿਪ ਕੈਂਡੀਡੇਟ ਵੈਲ ਲਿਟਵਿਨ ਦੇ ਬੁਲਾਰੇ ਦਾ ਕਹਿਣਾ ਹੈ ਕਿ ਕੈਂਪੇਨ ਵੱਲੋਂ ਮੈਂਬਰਸ਼ਿਪ ਸੰਬੰਧੀ ਕੁਝ ਚਿੰਤਾਵਾਂ ਬਾਰੇ ਇੱਕ ਚਿੱਠੀ ਭੇਜੀ ਗਈ ਹੈ।
ਯਾਦ ਰਹੇ ਲਿਬਰਲਸ ਦੇ ਸਾਬਕਾ ਲੀਡਰ ਐਂਡਰਿਊ ਵਿਲਕਿੰਸਨ ਨੇ ਅਕਤੂਬਰ 2020 ਦੀ ਇਲੈਕਸ਼ਨ ਹਾਰ ਤੋਂ ਬਾਅਦ ਅਸਤੀਫਾ ਦੇ ਦਿੱਤਾ ਸੀ।
ਯਾਦ ਰਹੇ ਲੀਡਰਸ਼ਿਪ ਦੌੜ 'ਚ ਗੈਵਿਨ ਡਿਊ, ਮਾਈਕਲ ਲੀ, ਰੇਨੀ ਮੈਰੀਫੀਲਡ, ਐਲਿਸ ਰੌਸ, ਸਟੈਨ ਸੀਪੌਸ ਅਤੇ ਕੈਵਿਨ ਫੈਲਕਨ ਵੀ ਸ਼ਾਮਿਲ ਹਨ।
