8.99C Vancouver 8.99C VancouverDec 20, 2023 6:31 PM - Connect News
ਬ੍ਰਿਟਿਸ਼ ਕੋਲੰਬੀਆ ਇੰਟਰ ਪ੍ਰੋਵਿੰਸ਼ੀਅਲ ਮਾਈਗ੍ਰੇਸ਼ਨ ਦਾ ਸਾਹਮਣਾ ਕਰ ਰਿਹਾ ਹੈ ਅਤੇ ਹਾਲ ਹੀ ਵਿੱਚ ਇਸ ਵਿੱਚ ਰਿਕਾਰਡ ਵਾਧਾ ਹੋਇਆ ਹੈ। ਜੁਲਾਈ 2022 ਤੋਂ ਲਗਭਗ 12,800 ਲੋਕ ਬੀ. ਸੀ. ਨੂੰ ਛੱਡ ਕੇ ਕੈਨੇਡਾ ਦੇ ਕਿਸੇ ਹੋਰ ਸੂਬੇ ਵਿੱਚ ਚਲੇ ਗਏ ਹਨ।
ਸਟੈਟਿਸਟਿਕਸ ਕੈਨੇਡਾ ਦੀ ਰਿਪੋਰਟ ਮੁਤਾਬਕ ਇੱਕ ਦਹਾਕੇ ਦੌਰਾਨ ਇਹ ਪਹਿਲੀ ਵਾਰ ਹੈ ਕਿ ਲਗਾਤਾਰ 15 ਮਹੀਨਿਆਂ ਦੌਰਾਨ ਸੂਬੇ ਵਿੱਚ ਆਉਣ ਵਾਲਿਆਂ ਨਾਲੋਂ ਇਸ ਨੂੰ ਛੱਡ ਕੇ ਜਾਣ ਵਾਲਿਆਂ ਦੀ ਗਿਣਤੀ ਵਿੱਚ ਵਾਧਾ ਹੋਇਆ ਹੈ। ਜੁਲਾਈ ਤੋਂ ਸਤੰਬਰ 2023 ਤੱਕ 4,634 ਲੋਕ ਹੋਰ ਸੂਬਿਆਂ ਵਿੱਚ ਗਏ ਹਨ ਅਤੇ ਜ਼ਿਆਦਾਤਰ ਅਲਬਰਟਾ ਵਿੱਚ ਗਏ ਹਨ।
ਇਸ ਦੇ ਬਾਵਜੂਦ ਸੂਬੇ ਵਿੱਚ ਕੈਨੇਡਾ ਤੋਂ ਬਾਹਰਲੇ 1,51,437 ਲੋਕ ਆਏ ਹਨ, ਇਸ ਨਾਲ 2023 ਵਿੱਚ ਸੂਬੇ ਦੀ ਆਬਾਦੀ 5.6 ਮਿਲੀਅਨ ਹੋ ਗਈ ਹੈ। ਸੂਬੇ ਦੀ ਆਬਾਦੀ ਵਿੱਚ ਪਿਛਲੇ ਸਾਲ ਲਗਭਗ 4.2 ਫੀਸਦੀ ਦਾ ਵਾਧਾ ਦਰਜ ਹੋਇਆ ਹੈ। ਗੌਰਤਲਬ ਹੈ ਕਿ ਬੀ. ਸੀ. ਨੂੰ ਛੱਡ ਕੇ ਪੰਜ ਕੁਆਰਟਰਸ ਦੌਰਾਨ ਲਗਭਗ 10,000 ਲੋਕਾਂ ਨੇ ਅਲਬਰਟਾ ਨੂੰ ਆਪਣਾ ਨਵਾਂ ਘਰ ਚੁਣਿਆ ਹੈ। ਹਾਲਾਂਕਿ ਇਸ ਕਾਰਨ ਉੱਥੇ ਹਾਊਸਿੰਗ ਵੱਡੀ ਸਮੱਸਿਆ ਬਣਿਆ ਹੋਇਆ ਹੈ।
ਬੀ. ਸੀ. ਦੇ ਹਾਊਸਿੰਗ ਮਿਨਿਸਟਰ ਰਵੀ ਕਾਹਲੋਂ ਮੁਤਾਬਕ ਇੰਟਰ ਪ੍ਰੋਵਿੰਸ਼ੀਅਲ ਮਾਈਗ੍ਰੇਸ਼ਨ ਦੇ ਬਾਵਜੂਦ ਸੂਬੇ ਵਿੱਚ ਕੈਨੇਡਾ ਤੋਂ ਬਾਹਰਲੇ ਲੋਕਾਂ ਦੀ ਗ੍ਰੋਥ ਵਧੀ ਹੈ।
