According to police, they received a tip in January 2023 that fentanyl was being made at a home on McLeod Court in Richmond.(Photo - The Canadian Press)
ਬੀ.ਸੀ. ਦੇ ਇੱਕ ਵਿਅਕਤੀ ਨੂੰ ਕੋਕੀਨ, ਫੈਂਟਾਨਿਲ ਤਸਕਰੀ ਦੇ ਦੋਸ਼ ਵਿਚ 11 ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ।ਜੇਸਨ ਥਾਮਸ ਹਾਵਰਡ ਕੌਨਰਾਡ ਨੂੰ 2023 ਵਿਚ ਫੈਂਟਾਨਿਲ ਨਾਲ ਭਰੇ ਸ਼ੌਪਿੰਗ ਬੈਗ ਨਾਲ ਫੜਿਆ ਗਿਆ ਸੀ, ਉਸ ਦੀ ਟੇਸਲਾ ਕਾਰ ਵਿਚੋਂ ਕੋਕੀਨ ਅਤੇ ਕੈਸ਼ ਵੀ ਵੱਡੀ ਮਾਤਰਾ ਵਿਚ ਬਰਾਮਦ ਹੋਇਆ ਸੀ।
ਪੁਲਿਸ ਮੁਤਾਬਕ,ਉਨ੍ਹਾਂ ਨੂੰ ਜਨਵਰੀ 2023 ਵਿਚ ਰਿਚਮੰਡ ਦੇ ਮੈਕਲੋਡ ਕੋਰਟ ਵਿਚ ਸਥਿਤ ਇੱਕ ਘਰ ਵਿਚ ਫੈਂਟਾਨਿਲ ਬਣਾਏ ਜਾਣ ਦੀ ਸੂਹ ਮਿਲੀ ਸੀ, ਫਰਵਰੀ ਵਿਚ ਕੌਨਰਾਡ ਨੂੰ ਬਿਨਾਂ ਕੋਈ ਚੀਜ਼ ਦੇ ਘਰ ਵਿਚ ਦਾਖਲ ਹੁੰਦੇ ਹੋਏ ਅਤੇ ਵਾਪਸ ਆਉਂਦੇ ਸਮੇਂ ਇੱਕ ਬੈਕਪੈਕ ਲੈ ਕੇ ਜਾਂਦੇ ਹੋਏ ਦੇਖਿਆ ਗਿਆ ਜੋ ਭਰਿਆ ਅਤੇ ਭਾਰਾ ਜਾਪਦਾ ਸੀ।
ਮਾਰਚ ਵਿਚ ਜਦੋਂ ਉਹ ਫਿਰ ਤੋਂ ਇਸ ਘਰ ਵਿਚੋਂ ਨਿਕਲਿਆਂ ਤਾਂ ਉਸ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਤੇ ਉਸ ਦੇ ਸੌਪਿੰਗ ਬੈਗ ਵਿਚ 15.6 ਕਿਲੋਗ੍ਰਾਮ ਫੈਂਟਾਨਿਲ ਸੀ। ਉਸ ਦੀ ਕਾਰ ਦੀ ਤਲਾਸ਼ੀ ਲੈਣ 'ਤੇ $47,800 ਕੈਸ਼ ਤੇ ਦੋ ਕਿਲੋ ਸ਼ੁੱਧ ਕੋਕੀਨ ਫੜ੍ਹੀ ਗਈ।
ਗ੍ਰਿਫਤਾਰੀ ਤੋਂ ਲਗਭਗ ਇੱਕ ਸਾਲ ਬਾਅਦ ਕੋਨਰਾਡ 'ਤੇ ਦੋਸ਼ ਲਗਾਏ ਅਤੇ ਉਸ ਨੂੰ ਜੇਲ੍ਹ ਲਿਜਾਇਆ ਗਿਆ ਤੇ ਸਜ਼ਾ ਸੁਣਾਏ ਸਮੇਂ ਵੀ ਉਹ ਜੇਲ੍ਹ ਵਿਚ ਸੀ। ਹੁਣ ਉਸ ਦੀ ਲਗਭਗ 9 ਸਾਲ ਦੀ ਸਜ਼ਾ ਬਾਕੀ ਹੈ।
10.85C Vancouver
