19.34C Vancouver 19.34C VancouverFeb 27, 2021 1:48 AM -
ਕੈਨੇਡਾ ਰੈਵੀਨਿਊ ਏਜੈਂਸੀ ਦਾ ਕਹਿਣਾ ਹੈ ਕਿ ਵੈਸਟ ਵੈਨਕੂਵਰ ਦੇ ਇੱਕ ਵਿਅਕਤੀ ਨੂੰ 29 ਮਹੀਨੇ ਦੀ ਕੈਦ ਅਤੇ ਵੱਡਾ ਜੁਰਮਾਨਾ ਠੋਕਿਆ ਗਿਆ ਹੈ।
ਕੋਰਟ ਦਸਤਾਵੇਜਾਂ ਅਨੁਸਾਰ ਮਾਈਕਲ ਸਕੋਲਜ਼ ਨੂੰ ਬੁੱਧਵਾਰ ਨੂੰ ਵੈਨਕੂਵਰ 'ਚ ਪ੍ਰੋਵਿੰਸ਼ੀਅਲ ਕੋਰਟ ਨੇ ਸਜ਼ਾ ਸੁਣਾਈ।
ਸਕੋਲਜ਼ ਦੀ ਉਮਰ 60 ਤੋਂ 70 ਸਾਲ ਦਰਮਿਆਨ ਦੱਸੀ ਗਈ।
ਉਸ ਨੂੰ ਜੂਨ 2020 'ਚ 3 ਟੈਕਸ ਸੰਬੰਧੀ ਅਪਰਾਧਾਂ 'ਚ ਦੋਸ਼ੀ ਪਾਇਆ ਗਿਆ ਸੀ।
ਏਜੈਂਸੀ ਵੱਲੋਂ ਜਾਰੀ ਇੱਕ ਬਿਆਨ ਅਨੁਸਾਰ ਇਸ ਵਿਅਕਤੀ ਨੂੰ 29 ਮਹੀਨੇ ਦੀ ਕੈਦ ਤੋਂ ਇਲਾਵਾ $6,44,975 ਦਾ ਜੁਰਮਾਨਾ ਵੀ ਠੋਕਿਆ ਗਿਆ ਹੈ।
ਇੱਕ ਬਿਆਨ 'ਚ ਦੱਸਿਆ ਗਿਆ ਕਿ ਜਾਂਚ ਦੌਰਾਨ ਪਤਾ ਚਲਦਾ ਹੈ ਕਿ ਸਕੋਲਜ਼ ਨੇ ਅਜਿਹੇ ਦਸਤਾਵੇਜ਼ ਪੇਸ਼ ਕੀਤੇ, ਜਿਸ ਨਾਲ ਗਲਤ ਟੈਕਸ ਕ੍ਰੈਡਿਟ ਦਰਸ਼ਾਏ ਗਏ ਜੋ ਕਿ ਇੱਕ ਘਰ ਦੀ ਮਲਕੀਅਤ, ਕੰਸਟ੍ਰਕਸ਼ਨ, ਅਤੇ ਡਿਜ਼ਾਈਨ ਨਾਲ ਸੰਬੰਧਤ ਸਨ।
ਕੈਨੇਡਾ ਰੈਵੀਨਿਊ ਏਜੈਂਸੀ ਨੇ ਦੱਸਿਆ ਕਿ ਅਪ੍ਰੈਲ 2019 ਤੋਂ ਮਾਰਚ 2020 ਵਿਚਾਲੇ 32 ਲੋਕ ਟੈਕਸ ਫਰੌਡ ਦੋਸ਼ੀ ਪਾਏ ਗਏ।
ਇਸ ਦੌਰਾਨ 13 ਲੋਕਾਂ ਨੂੰ ਕੁੱਲ 18.5 ਸਾਲ ਦੀ ਕੈਦ ਹੋਈ।
ਮਰਜ਼ੀ ਦੇ ਨਾਲ $7.4 ਮਿਲੀਅਨ ਦੇ ਟੈਕਸਾਂ ਦੀ ਭਰਪਾਈ ਨਾ ਕਰਨ ਲਈ ਇਹ ਸਜ਼ਾਵਾਂ ਹੋਈਆਂ ਹਨ।
