13.36C Vancouver 13.36C VancouverSep 17, 2020 10:31 PM -
ਬੀ.ਸੀ. ਦੀ ਮਾਨਸਿਕ ਸਿਹਤ ਅਤੇ ਐਡਿਕਸ਼ਨਸ ਸੰਬੰਧੀ ਮੰਤਰੀ, ਜੁਡੀ ਡਾਰਸੀ ਦਾ ਕਹਿਣਾ ਹੈ ਕਿ, ਉਹ ਰੀ-ਇਲੈਕਸ਼ਨ ਲਈ ਨਹੀਂ ਖੜ੍ਹਨਗੇ।
ਵਿਧਾਨ ਸਭਾ 'ਚ ਨਿਊ ਵੈਸਟਮਿਨਸਟਰ ਦੀ ਨੁਮਾਇੰਦਗੀ ਕਰਨ ਵਾਲੀ ਜੁਡੀ ਡਾਰਸੀ ਨੇ ਕਿਹਾ ਕਿ ਬੀ.ਸੀ. ਦੀ ਪਹਿਲੀ ਮਾਨਸਿਕ ਸਿਹਤ ਅਤੇ ਐਡਿਕਸ਼ਨਸ ਸੰਬੰਧੀ ਮੰਤਰੀ ਵਜੋਂ ਸੇਵਾਵਾਂ ਨਿਭਾਉਣਾ ਉਨ੍ਹਾਂ ਲਈ ਮਾਣ ਦੀ ਗੱਲ ਰਹੀ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ, ਬੀ.ਸੀ. 'ਚ ਕੋਵਿਡ-19 ਪੈਂਡੇਮਿਕ ਨਾਲ ਨਜਿੱਠਣ ਲਈ ਯੋਗ ਕਦਮ ਚੁੱਕੇ ਗਏ ਹਨ।
ਇਲਾਕੇ ਦੀ ਨੁਮਾਇੰਦਗੀ ਲਈ ਚੋਣ ਤੋਂ ਪਹਿਲਾਂ, ਜੁਡੀ ਡਾਰਸੀ, ਕਨੇਡੀਅਨ ਯੂਨੀਅਨ ਆਫ ਪਬਲਿਕ ਐਂਪਲਾਈਜ਼ ਲਈ ਕੰਮ ਕਰਦੇ ਸਨ। ਯਾਦ ਰਹੇ ਸੂਬੇ ਦੇ ਕਈ ਕੈਬਿਨੇਟ ਮੰਤਰੀ, ਦੁਬਾਰਾ ਚੋਣਾਂ ਲੜਨ ਤੋਂ ਇਨਕਾਰ ਕਰ ਚੁੱਕੇ ਹਨ, ਜਿਸ ਵਿੱਚ ਮਿਸ਼ੇਲ ਮੰਗਲ, ਡੱਗ ਡੌਨਲਡਸਨ, ਸ਼ੇਨ ਸਿੰਪਸਨ, ਸਕੌਟ ਫਰੇਜ਼ਰ ਅਤੇ ਵਿੱਤ ਮੰਤਰੀ ਕਾਰਲ ਜੇਮਜ਼ ਸ਼ਾਮਿਲ ਹਨ।
