14.2C Vancouver 14.2C VancouverMay 15, 2020 10:34 PM -
ਬ੍ਰਿਟਿਸ਼ ਕੋਲੰਬੀਆ ਦੀ ਬਹੁਸਭਿਆਚਾਰਕਤਾ ਸੰਬੰਧੀ ਮਾਮਲਿਆਂ ਦੀ ਮੰਤਰੀ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਹਾਲਾਤਾਂ ਦੌਰਾਨ, ਉਹ ਇਲਾਕੇ 'ਚ ਏਸ਼ੀਆਈ ਲੋਕਾਂ ਖਿਲਾਫ਼ ਵੱਧ ਰਹੇ ਨਫਰਤੀ ਅਪਰਾਧਾਂ ਦੇ ਮਾਮਲਿਆਂ ਬਾਰੇ ਹੋਰ ਚੁੱਪ ਨਹੀਂ ਰਹਿ ਸਕਦੀ।
ਇੱਕ ਬਿਆਨ 'ਚ ਐਨੇ ਕੈਂਗ ਨੇ ਆਖਿਆ ਕਿ ਬੀਤੇ ਕੁਝ ਸਮੇਂ ਦੌਰਾਨ ਸ਼ਰੀਰਕ ਅਤੇ ਜ਼ੁਬਾਨੀ ਹਮਲਿਆਂ 'ਚ ਹੋਏ ਵਾਧੇ ਤੋਂ ਉਹ ਬੇਹੱਦ ਨਿਰਾਸ਼ ਹਨ।
ਉਨ੍ਹਾਂ ਕਿਹਾ ਕਿ ਇੱਕ ਸਰਕਾਰੀ ਨੁਮਾਇੰਦੇ, ਇਮੀਗ੍ਰੈਂਟ ਅਤੇ ਬ੍ਰਿਟਿਸ਼ ਕੋਲੰਬੀਅਨ ਦੇ ਤੌਰ 'ਤੇ ਇਨ੍ਹਾਂ ਭੱਦੇ ਮਾਮਲਿਆਂ ਖਿਲਾਫ਼ ਆਵਾਜ਼ ਬੁਲੰਦ ਕਰਨਾ ਉਨ੍ਹਾਂ ਦੀ ਜ਼ਿੰਮੇਵਾਰੀ ਬਣਦੀ ਹੈ।
ਵੈਨਕੂਵਰ ਪੁਲਿਸ ਡਿਪਾਰਟਮੈਂਟ ਨੇ ਵੀ ਇਸ ਮਾਮਲੇ ਨਾਲ ਸੰਬੰਧਤ ਕੁਝ ਅੰਕੜੇ ਸਾਂਝੇ ਕੀਤੇ ਹਨ।
ਪੁਲਿਸ ਵਿਭਾਗ ਅਨੁਸਾਰ ਸਿਰਫ ਅਪ੍ਰੈਲ ਦੇ ਮਹੀਨੇ 'ਚ ਐਂਟੀ-ਏਸ਼ੀਅਨ ਨਫਰਤੀ ਅਪਰਾਧਾਂ ਦੇ 11 ਮਾਮਲੇ ਵਾਪਰੇ ਹਨ।
ਜਦਕਿ ਸਾਲ 2019 'ਚ ਕੁੱਲ 12 ਅਜਿਹੇ ਮਾਮਲੇ ਰਿਪੋਰਟ ਹੋਏ ਸਨ।
ਤਾਇਵਾਨ ਤੋਂ ਕੈਨੇਡਾ ਆਉਣ ਵਾਲੀ ਕੈਂਗ ਦਾ ਕਹਿਣਾ ਹੈ ਕਿ ਪੈਂਡੇਮਿਕ ਨੇ ਸਾਰਿਆਂ ਦੇ ਜੀਵਨ 'ਤੇ ਅਸਰ ਪਾਇਆ ਹੈ, ਅਤੇ ਹਿੰਸਾ ਜਾਂ ਗੁੱਸੇ ਵਾਲੀਆਂ ਘਟਨਾਵਾਂ ਨੂੰ ਝੱਲਿਆ ਨਹੀਂ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਇੱਕ-ਦੂਜੇ ਪ੍ਰਤੀ ਚੰਗਾ ਵਰਤਾਰਾ ਹੀ ਸਾਨੂੰ ਇਸ ਵਿਸ਼ਵ ਪੱਧਰੀ ਮੁਸੀਬਤ ਵਿੱਚੋਂ ਮਜ਼ਬੂਤੀ ਨਾਲ ਬਾਹਰ ਕੱਢ ਸਕਦਾ ਹੈ।
