B.C. NDP government, Greens reach 'shared priorities' agreement

ਬੀ.ਸੀ. ਦੀ ਐੱਨ. ਡੀ. ਪੀ. ਸਰਕਾਰ ਨੂੰ ਵਿਧਾਨ ਸਭਾ ਵਿਚ ਬਿੱਲ ਪਾਸ ਕਰਨ ਲਈ ਗ੍ਰੀਨ ਪਾਰਟੀ ਦਾ ਮਿਲਿਆ ਸਹਿਯੋਗ

Share On

b-c-ndp-government-greens-reach-shared-priorities-agreement

A statement from Premier David Eby's office says the two parties are distinct, and they won't always agree, but they have "many shared values" and the deal will help stabilize the New Democrats' slim majority government.(Photo: The Canadian Press)

ਬੀ.ਸੀ. ਦੀ ਐੱਨ. ਡੀ. ਪੀ. ਸਰਕਾਰ ਨੂੰ ਵਿਧਾਨ ਸਭਾ ਵਿਚ ਮਹੱਤਵਪੂਰਨ ਬਿੱਲ ਪਾਸ ਕਰਨ ਲਈ ਗ੍ਰੀਨ ਪਾਰਟੀ ਦਾ ਸਹਿਯੋਗ ਮਿਲ ਗਿਆ ਹੈ। ਦੋਵਾਂ ਧਿਰਾਂ ਅੱਜ ਇਸ ਸਬੰਧੀ ਇੱਕ ਆਮ ਸਹਿਮਤੀ 'ਤੇ ਪਹੁੰਚੀਆਂ ਹਨ। ਪ੍ਰੀਮੀਅਰ ਡੇਵਿਡ ਈਬੀ ਨੇ ਇਸ ਦੀ ਘੋਸ਼ਣਾ ਕਰਦੇ ਹੋਏ ਕਿਹਾ ਕਿ ਗ੍ਰੀਨ ਪਾਰਟੀ ਨਾਲ ਸਮਝੌਤਾ ਸਰਕਾਰ ਦੀ ਸਥਿਰਤਾ ਨੂੰ ਮਜਬੂਤ ਕਰੇਗਾ ਅਤੇ ਸੂਬਾ ਵਾਸੀਆਂ ਦੀਆਂ ਤਰਜੀਹਾਂ ਨੂੰ ਪੂਰਾ ਕਰਨ ਵਿਚ ਮਦਦ ਮਿਲੇਗੀ।

ਈਬੀ ਨੇ ਕਿਹਾ ਕਿ ਅਸੀਂ ਦੋ ਵੱਖ-ਵੱਖ ਪਾਰਟੀਆਂ ਹਾਂ ਪਰ ਸਾਡੇ ਕਈ ਸਾਂਝੀਆਂ ਤਰਜੀਹਾਂ ਹਨ, ਜਿਵੇਂ ਕਿ ਸਿਹਤ ਸੰਭਾਲ ਨੂੰ ਮਜਬੂਤ ਕਰਨਾ, ਕਿਫਾਇਤੀ ਰਿਹਾਇਸ਼ ਲਈ ਕਦਮ ਚੁੱਕਣਾ, ਜਿਨ੍ਹਾਂ 'ਤੇ ਹੁਣ ਅਸੀਂ ਮਿਲ ਕੇ ਕੰਮ ਕਰਾਂਗੇ।

ਗੌਰਤਲਬ ਹੈ ਕਿ ਬੀ. ਸੀ. ਐੱਨ. ਡੀ. ਪੀ. ਕੋਲ ਵਿਧਾਨ ਸਭਾ ਵਿਚ 47 ਸੀਟਾਂ ਨਾਲ ਪੂਰਾ-ਪੂਰਾ ਬਹੁਮਤ ਹੀ ਹੈ, ਗ੍ਰੀਨ ਪਾਰਟੀ ਕੋਲ ਦੋ ਵਿਧਾਇਕ ਹਨ,ਜਿਸ ਦੇ ਸਮਰਥਨ ਨਾਲ ਐੱਨ.ਡੀ.ਪੀ.ਨੂੰ ਵਿਸ਼ਵਾਸਮਤ ਸਾਬਤ ਕਰਨ ਦੀ ਨੌਬਤ ਵਿਚ ਵੀ ਵੱਡੀ ਸਪੋਰਟ ਮਿਲ ਗਈ ਹੈ। ਦੱਸ ਦੇਈਏ ਕਿ ਬੀ. ਸੀ. ਐੱਨ. ਡੀ. ਪੀ. ਅਤੇ ਬੀ. ਸੀ. ਗ੍ਰੀਨਸ ਨੇ ਪਿਛਲੀ ਵਾਰ ਸਾਬਕਾ ਪ੍ਰੀਮੀਅਰ ਜੌਨ ਹੌਰਗਨਦੇ ਪਹਿਲੇ ਕਾਰਜਕਾਲ ਦੌਰਾਨ ਮਿਲ ਕੇ ਕੰਮ ਕੀਤਾ ਸੀ।

ਕੈਮਲੂਪਸ ਵਿਚ ਨਵੇਂ ਬੀਸੀ ਕੈਂਸਰ ਕੇਅਰ ਸੈਂਟਰ ਦੀ ਉਸਾਰੀ ਸ਼ੁਰੂ ਹੋ ਗਈ ਹੈ। ਸੂਬੇ ਦੀ ਇਨਫਰਾਸਟਕਚਰ ਮਿਨਿਸਟਰ ਬੋਵਿਨ ਮਾ ਨੇ ਕਿਹਾ ਕਿ ਇਹ ਕੈਮਲੂਪਸ ਰੀਜ਼ਨ ਵਿਚ ਕੈਂਸਰ ਕੇਅਰ ਦੇ ਵਿਸਥਾਰ ਲਈ ਸਭ ਤੋਂ ਵੱਡਾ ਪੂੰਜੀ ਨਿਵੇਸ਼ ਹੈ। ਉਨ੍ਹਾਂ ਕਿਹਾ ਕਿ ਇਸ ਖਿੱਤੇ ਦੇ ਕੈਂਸਰ ਮਰੀਜ਼ਾਂ ਦੀਆਂ ਵਧਦੀਆਂ ਇਲਾਜ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਇਹ ਸਹੂਲਤ ਨਵੀਨਤਮ ਤਕਨਾਲੋਜੀ ਨਾਲ ਲੈੱਸ ਹੋਵੇਗੀ।