The speech outlining the government's goals this year comes just ahead of the provincial budget on Thursday and the election this fall.
ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰੀਮੀਅਰ ਡੇਵਿਡ ਏ.ਬੀ. ਦੀ ਐੱਨ.ਡੀ.ਪੀ. ਸਰਕਾਰ ਪਤਝੜ ਵਿਚ ਹੋਣ ਵਾਲੇ ਚੋਣਾਂ ਦੀ ਤਿਆਰੀ ਕਰ ਰਹੀ ਹੈ ਅਤੇ ਅੱਜ ਪ੍ਰੀਮੀਅਰ ਨੇ ਇਸੇ ਨਾਲ ਸਬੰਧਿਤ ਸਪੀਚ ਦਿੱਤੀ। ਇਸ ਵੀਰਵਾਰ ਨੂੰ ਸੂਬਾ ਬਜਟ ਪੇਸ਼ ਕਰੇਗਾ।
ਵਿੱਤ ਮੰਤਰਾਲਾ ਅਤੇ ਨਿੱਜੀ ਮਾਹਿਰਾਂ ਮੁਤਾਬਕ ਇਸ ਸਾਲ ਸੂਬੇ ਦਾ ਆਰਥਿਕ ਵਾਧਾ ਹੌਲੀ ਰਹੇਗਾ। ਪ੍ਰੀਮੀਅਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਆਉਣ ਵਾਲੇ ਸੈਸ਼ਨ ਦੌਰਾਨ 20 ਨਵੇਂ ਕਾਨੂੰਨ ਅਤੇ ਇਕ ਬਜਟ ਪੇਸ਼ ਕਰੇਗੀ ਜੋ ਉੱਚ ਰਹਿਣ ਦੀ ਲਾਗਤ ਦਾ ਸਾਹਮਣਾ ਕਰਨ ਵਾਲੇ ਪਰਿਵਾਰਾਂ ਦੀ ਮਦਦ ’ਤੇ ਕੇਂਦਰਿਤ ਹੋਵੇਗਾ।
ਸੂਬਾ ਸਰਕਾਰ ਨੇ ਪਿਛਲੇ ਪਤਝੜ ਦੌਰਾਨ ਛੋਟੀ ਮਿਆਦ ਦੇ ਕਿਰਾਏ ਨੂੰ ਸੀਮਤ ਕਰਨ ਅਤੇ ਜਨਤਕ ਆਵਾਜਾਈ ਏਰੀਏ ਵਿਚ ਹੋਰ ਘਰ ਬਣਾਉਣ ਨੂੰ ਲੈ ਕੇ ਕਾਨੂੰਨ ਪਾਸ ਕੀਤਾ ਸੀ ਅਤੇ ਇਸ ਸਪਰਿੰਗ ਦੌਰਾਨ ਹਾਊਸਿੰਗ ’ਤੇ ਹੀ ਮੁੜ ਫੌਕਸ ਕੀਤਾ ਜਾਵੇਗਾ।
ਗੌਰਤਲਬ ਹੈ ਕਿ ਵਿਰੋਧੀ ਧਿਰ ਬੀ ਸੀ ਯੂਨਾਈਟਿਡ ਦੇ ਲੀਡਰ ਕੇਵਿਨ ਫਾਲਕਨ ਨੇ ਪਿਛਲੇ ਹਫਤੇ ਵਾਅਦਾ ਕੀਤਾ ਕਿ ਜੇਕਰ ਉਹ ਚੁਣੇ ਜਾਂਦੇ ਹਨ ਤਾਂ ਉਹ ਪਹਿਲੀ ਵਾਰ ਘਰ ਖਰੀਦਣ ਵਾਲਿਆਂ ਨੂੰ ਭੁਗਤਾਨ ਘੱਟ ਕਰਨ ਵਿਚ ਮਦਦ ਕਰਨ ਲਈ ਹਾਊਸਿੰਗ ਪਹਿਲਕਦਮੀ ਸ਼ੁਰੂ ਕਰਨਗੇ ਅਤੇ $1 ਮਿਲੀਅਨ ਤੋਂ ਘੱਟ ਮੁੱਲ ਦੇ ਘਰ ਖਰੀਦਣ ਵਾਲਿਆਂ ਦਾ ਪ੍ਰਾਪਰਟੀ ਟਰਾਂਸਫਰ ਟੈਕਸ ਖਤਮ ਕਰ ਦੇਣਗੇ।
13.82C Vancouver
