17.28C Vancouver 17.28C VancouverOct 12, 2020 8:21 PM -
24 ਅਕਤੂਬਰ ਨੂੰ ਹੋਣ ਵਾਲੀਆਂ ਸੂਬਾਈ ਚੋਣਾਂ ਲਈ ਵਾਅਦਿਆਂ ਤਹਿਤ ਅੱਜ ਬੀ.ਸੀ. ਐਨ.ਡੀ.ਪੀ ਵੱਲੋਂ ਰੈਂਟਰਜ਼ ਲਈ ਰੀਬੇਟ ਦੇਣ ਦੀ ਘੋਸ਼ਣਾ ਕੀਤੀ ਗਈ ਹੈ, ਜਿਵੇਂ ਹੀ ਪਾਰਟੀਆਂ ਸੂਬਾਈ ਚੋਣ ਮੁਹਿੰਮ ਤਹਿਤ ਆਪਣੀ ਪਹਿਲੀ ਟੈਲੀਵਾਈਜ਼ਡ ਡੀਬੇਟ ਲਈ ਤਿਆਰ ਹੋ ਰਹੀਆਂ ਹਨ।
ਐਨ.ਡੀ.ਪੀ. ਲੀਡਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਪਾਰਟੀ ਇਸ ਬਾਰੇ ਵੀ ਯੋਜਨਾ ਬਣਾ ਰਹੀ ਹੈ ਕਿ ਰੈਂਟ ਦੇ ਵਾਧੇ ਨੂੰ ਇੱਕ ਸੀਮਾ 'ਤੇ ਸਥਾਈ ਤੌਰ ਲਈ ਰੋਕਿਆ ਜਾਵੇ।
ਰੀਬੇਟ ਪਲੈਨ ਹੇਠ $80,000 ਤੱਕ ਸਾਲਾਨਾ ਕਮਾਉਣ ਵਾਲੇ ਪਰਿਵਾਰ, ਸਾਲ ਦੇ $400 ਤੱਕ ਹੱਕਦਾਰ ਹੋਣਗੇ।
ਹੌਰਗਨ ਵੱਲੋਂ ਇਸ ਮੌਕੇ ਇਹ ਗੱਲ ਵੀ ਦੋਹਰਾਈ ਗਈ ਕਿ ਉਨ੍ਹਾਂ ਦੀ ਪਾਰਟੀ ਸਾਲ 2021 ਦੇ ਅੰਤ ਤੱਕ ਰੈਂਟ ਫ਼ਰੀਜ਼ ਕਰਨ ਦੇ ਹੱਕ ਵਿਚ ਹੈ।
ਉਨ੍ਹਾਂ ਵੱਲੋਂ ਬੀ.ਸੀ. ਲਿਬਰਲਜ਼ 'ਤੇ ਅਮੀਰ ਲੋਕਾਂ ਨੂੰ ਟੈਕਸ ਵਿਚ ਰਾਹਤਾਂ ਦੇਣ ਦਾ ਇਲਜ਼ਾਮ ਲਗਾਇਆ ਗਿਆ ਅਤੇ ਉਨ੍ਹਾਂ ਕਿਹਾ ਕਿ ਐਨ.ਡੀ.ਪੀ. ਦੇ ਬੈਨੇਫਿਟ ਉਨ੍ਹਾਂ ਲੋਕਾਂ ਨੂੰ ਲਾਭ ਪਹੁੰਚਾਉਣਗੇ, ਜਿੰਨ੍ਹਾਂ ਨੂੰ ਸਭ ਤੋਂ ਵੱਧ ਲੋੜ ਹੈ।
ਜ਼ਿਕਰਯੋਗ ਹੈ ਕਿ ਤਿੰਨ ਪ੍ਰਮੁੱਖ ਪਾਰਟੀਆਂ ਦੇ ਲੀਡਰ ਮੰਗਲਵਾਰ ਨੂੰ ਟੈਲੀਵਾਈਜ਼ਡ ਡੀਬੇਟ ਲਈ ਮਿਲਣਗੇ।
