23.24C Vancouver 23.24C VancouverApr 5, 2022 9:51 PM - The Canadian Press
ਬੀ.ਸੀ. 'ਚ ਸਿਹਤ ਅਧਿਕਾਰੀਆਂ ਨੇ ਕੋਵਿਡ-19 ਸੰਬੰਧੀ ਅਪਡੇਟ ਸਾਂਝੀ ਕੀਤੀ ਹੈ।
ਇਸੇ ਦੌਰਾਨ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਐਲਾਨ ਕੀਤਾ ਹੈ ਕਿ ਸੂਬੇ 'ਚ ਚੌਥੀ ਬੂਸਟਰ ਖੁਰਾਕ ਪ੍ਰਦਾਨ ਕੀਤੀ ਜਾਵੇਗੀ।
ਡਾ. ਹੈਨਰੀ ਨੇ ਕਿਹਾ ਕਿ ਸੂਬੇ 'ਚ ਕਿਸੇ ਵੀ ਉਮਰ ਦੇ ਲੌਂਗ ਟਰਮ ਅਤੇ ਅਸਿਸਟਿਡ ਕੇਅਰ ਲਿਵਿੰਗ ਦੇ ਨਿਵਾਸੀਆਂ ਲਈ ਕਮਿਊਨਿਟੀ ਸੀਨੀਅਰਸ 'ਚ 70 ਸਾਲ ਤੇ ਉਸ ਤੋਂ ਵਧੇਰੀ ਉਮਰ ਦੇ ਲੋਕਾਂ ਅਤੇ 55 ਸਾਲ ਤੋਂ ਵੱਧ ਉਮਰ ਦੇ ਇੰਡੀਜਨਸ ਲੋਕਾਂ ਲਈ ਇਹ ਖੁਰਾਕਾਂ ਹਾਸਿਲ ਹੋਣਗੀਆਂ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਇਹ ਐਲੀਜੀਬਲ ਲੋਕ ਪਹਿਲੀ ਬੂਸਟਰ ਖੁਰਾਕ ਯਾਨੀ ਕਿ ਵੈਕਸੀਨ ਦੀ ਤੀਜੀ ਖੁਰਾਕ ਤੋਂ 6 ਮਹੀਨੇ ਬਾਅਦ ਇਹ ਦੂਜੀ ਬੂਸਟਰ ਖੁਰਾਕ ਹਾਸਿਲ ਕਰ ਸਕਣਗੇ।
ਇਸ ਤੋਂ ਇਲਾਵਾ ਡਾ. ਬੌਨੀ ਹੈਨਰੀ ਨੇ ਦੱਸਿਆ ਕਿ ਇਮਿਊਨ ਕੌਂਪਰੋਮਾਈਜਡ ਲੋਕਾਂ ਲਈ ਵੀ ਬੂਸਟਰ ਖੁਰਾਕ ਹਾਸਿਲ ਹੋਵੇਗੀ।
ਡਾ. ਬੌਨੀ ਹੈਨਰੀ ਨੇ ਨਾਲ ਹੀ ਦੱਸਿਆ ਕਿ 8 ਅਪ੍ਰੈਲ ਤੋਂ ਸੂਬੇ 'ਚ ਬੀ.ਸੀ. ਵੈਕਸੀਨ ਕਾਰਡ ਦੀ ਲੋੜ ਨਹੀਂ ਹੋਵੇਗੀ।
ਉਨ੍ਹਾਂ ਕਿਹਾ ਕਿ ਇਸ ਸੰਬੰਧੀ ਮੈਂਡੇਟ ਖਤਮ ਕੀਤਾ ਜਾ ਰਿਹਾ ਹੈ ਅਤੇ ਰੈਸਟੂਰੈਂਟਸ ਅਤੇ ਸਿਨੇਮਾ ਘਰਾਂ ਜਿਹੀਆਂ ਥਾਵਾਂ 'ਤੇ ਇਸ ਦੀ ਲੋੜ ਨਹੀਂ ਹੋਵੇਗੀ, ਪਰ ਜੇਕਰ ਕੋਈ ਵਪਾਰ ਇਸ ਨੂੰ ਜਾਰੀ ਰੱਖਣਾ ਚਾਵੇ ਤਾਂ ਉਹ ਸਵੈ-ਇੱਛਾ ਨਾਲ ਅਜਿਹਾ ਕਰ ਸਕਦੇ ਹਨ।
