12.67C Vancouver 12.67C VancouverMar 14, 2025 7:38 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਵਿਚ ਨਸ਼ੇ ਦੀ ਓਵਰਡੋਜ਼ ਨਾਲ ਹੋਣ ਵਾਲੀਆਂ ਮੌਤਾਂ ਵਿਚ ਗਿਰਾਵਟ ਦਰਜ ਕੀਤੀ ਜਾ ਰਹੀ ਹੈ। ਬੀ.ਸੀ. ਕੋਰੋਨਰ ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਜਨਵਰੀ ਵਿਚ ਨਸ਼ੇ ਦੀ ਓਵਰਡੋਜ਼ ਕਾਰਨ 152 ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ, ਇਹ ਲਗਾਤਾਰ ਚੌਥਾ ਮਹੀਨਾ ਹੈ ਜਦੋਂ ਨਸ਼ੇ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 160 ਤੋਂ ਘੱਟ ਰਹੀ।
ਉਥੇ ਹੀ, ਜਨਵਰੀ ਦਾ ਇਹ ਅੰਕੜਾ ਪਿਛਲੇ ਸਾਲ ਦੇ ਇਸ ਮਹੀਨੇ ਨਾਲੋਂ 30 ਫੀਸਦੀ ਡਿੱਗਿਆ ਹੈ ਉਦੋਂ 219 ਮੌਤਾਂ ਰਿਪੋਰਟ ਹੋਈਆਂ ਸਨ। ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਜਨਵਰੀ ਵਿਚ ਓਵਰਡੋਜ਼ ਕਾਰਨ ਮਰਨ ਵਾਲਿਆਂ ਵਿਚੋਂ ਅੱਧੇ ਲੋਕ 40 ਤੋਂ 59 ਸਾਲ ਦੀ ਉਮਰ ਦੇ ਸਨ, ਜਦੋਂ ਕਿ ਤਿੰਨ 18 ਸਾਲ ਤੋਂ ਘੱਟ ਉਮਰ ਦੇ ਨੌਜਵਾਨ ਸਨ।
ਇਨ੍ਹਾਂ ਵਿਚੋਂ 77 ਫੀਸਦੀ ਲੋਕਾਂ ਵਿਚ ਜਾਨਲੇਵਾ ਫੈਂਟਾਨਾਇਲ ਦੀ ਮੌਜੂਦਗੀ ਪਾਈ ਗਈ, ਇਸ ਤੋਂ ਬਾਅਦ ਮੈਥਾਮਫੇਟਾਮਾਈਨ ਪਾਇਆ ਗਿਆ, ਜਦੋਂ ਕਿ 46 ਫੀਸਦੀ ਦੇ ਸਰੀਰ ਵਿਚ ਬ੍ਰੋਮਾਜ਼ੋਲਮ ਸੀ, ਜੋ ਓਵਰਡੋਜ਼ ਨੂੰ ਉਲਟਾਉਣ ਵਾਲੀਆਂ ਦਵਾਈਆਂ ਦੀ ਪ੍ਰਭਾਵਸ਼ੀਲਤਾ ਨੂੰ ਘੱਟ ਕਰਦਾ ਹੈ।
