11.36C Vancouver 11.36C VancouverMay 3, 2021 10:36 PM -
ਬੀ.ਸੀ. 'ਚ ਇਸ ਹਫ਼ਤੇ ਇੱਕ ਐਮਰਜੈਂਸੀ ਐਲਰਟ ਸਿਸਟਮ ਦਾ ਟੈਸਟ ਕੀਤਾ ਜਾਵੇਗਾ।
ਇਸ ਦੇ ਚਲਦਿਆਂ ਸੂਬੇ ਦੇ ਲੋਕਾਂ ਦੀਆਂ ਵਾਇਰਲੈਸ ਡਿਵਾਇਸਾਂ 'ਤੇ ਇੱਕ ਐਮਰਜੈਂਸੀ ਐਲਰਟ ਭੇਜਿਆ ਜਾਵੇਗਾ।
ਕਿਸੇ ਐਮਰਜੈਂਸੀ ਦੇ ਹਾਲਾਤਾਂ 'ਚ ਸੁਰੱਖਿਆ ਸੰਬੰਧੀ ਸਾਵਧਾਨ ਕਰਨ ਦੇ ਲਈ ਭੇਜੇ ਜਾਣ ਵਾਲੇ ਐਲਰਟ ਦੇ ਤਹਿਤ, ਇਹ ਟੈਸਟ ਕੀਤਾ ਜਾ ਰਿਹਾ ਹੈ।
ਬੁੱਧਵਾਰ ਦੁਪਹਿਰ 1.55 ਮਿੰਟ 'ਤੇ ਇਹ ਐਮਰਜੈਂਸੀ ਐਲਰਟ ਭੇਜਿਆ ਜਾਵੇਗਾ।
ਇਹ ਐਲਰਟ ਹਾਸਿਲ ਕਰਨ ਲਈ ਵਾਇਰਲੈਸ ਡਿਵਾਈਸ ਔਨ ਹੋਣੀ ਚਾਹੀਦੇ ਹੈ ਅਤੇ ਇਸ ਨੂੰ 'ਡੂ-ਨੌਟ-ਡਿਸਟਰਬ' ਮੋਡ ਜਾਂ 'ਏਅਰਪਲੇਨ ਮੋਡ' 'ਤੇ ਨਹੀਂ ਲੱਗਿਆ ਹੋਣਾ ਚਾਹੀਦਾ।
ਇਸ ਐਲਰਟ ਨੂੰ ਰੇਡੀਓ ਅਤੇ ਟੀ.ਵੀ. 'ਤੇ ਵੀ ਬ੍ਰੌਡਕਸਟ ਕੀਤਾ ਜਾਵੇਗਾ।
ਯਾਦ ਰਹੇ ਐਲਰਟ ਰੈਡੀ ਇੱਕ ਕੈਨੇਡਾ-ਵਾਈਡ ਸਿਸਟਮ ਹੈ ਜਿਸ ਦੇ ਆਸਰੇ ਕਿਸੇ ਵੀ ਸੂਬੇ ਅਤੇ ਟੈਰੀਟਰੀ ਦੇ ਅਧਿਕਾਰੀ ਐਲਰਟ ਜਾਰੀ ਕਰ ਸਕਦੇ ਹਨ।
ਇਸ ਸਿਸਟਮ ਦੀ ਵਰਤੋਂ ਸਿਰਫ ਵੱਡੇ ਪੱਧਰ ਦੀ ਤਬਾਹੀ ਜਾਂ ਐਮਰਜੈਂਸੀ ਲਈ ਸਾਵਧਾਨ ਕਰਨ ਲਈ ਹੀ ਕੀਤੀ ਜਾਂਦੀ ਹੈ।
