ਯੂਕੋਨ ਨਦੀ ਵਿਚ ਡਿਗਿਆ ਅਮਰੀਕੀ ਵਿਅਕਤੀ ਅਜੇ ਵੀ ਲਾਪਤਾ

ਯੂਕੋਨ ਨਦੀ ਵਿਚ ਬੀਤੇ ਦਿਨੀਂ ਡਿੱਗੇ ਇਕ ਟਰੱਕ ਵਿਚ ਸਵਾਰ ਇਕ ਅਮਰੀਕੀ ਵਿਅਕਤੀ ਅਜੇ ਵੀ ਲਾਪਤਾ ਦੱਸਿਆ ਜਾ ਰਿਹਾ ਹੈ। ਯੂਕੋਨ ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਮਾਹਿਰ ਗੋਤਾਖੋਰ ਉਸ ਅਮਰੀਕੀ ਵਿਅਕਤੀ ਨੂੰ ਲੱਭਣ ਵਿਚ ਅਸਫਲ ਰਹੇ ਹਨ ਜਿਸਦਾ ਟਰੱਕ ਯੂਕੋਨ ਨਦੀ ਵਿਚ ਡਿੱਗ ਗਿਆ ਸੀ।

ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਇਹ ਹਾਦਸਾ ਸੋਮਵਾਰ ਨੂੰ ਉਸ ਸਮੇਂ ਵਾਪਰਿਆ ਜਦੋਂ ਇੱਕ ਟ੍ਰੇਲਰ ਖਿੱਚ ਰਿਹਾ ਇੱਕ ਪਿਕਅਪ ਟਰੱਕ ਅਲਾਸਕਾ ਹਾਈਵੇਅ 'ਤੇ ਵ੍ਹਾਈਟਹੋਰਸ ਦੇ ਦੱਖਣ ਵਿੱਚ ਸਥਿਤ ਲੇਵਿਸ ਰਿਵਰ ਬ੍ਰਿਜ ਵਿਚ ਡਿੱਗ ਗਿਆ ਸੀ।

ਪੁਲਿਸ ਦੇ ਬਿਆਨ ਮੁਤਾਬਿਕ ਇਸ ਹਾਦਸੇ ਵਿਚ ਸ਼ਾਮਿਲ ਦੋਵੇਂ ਵਿਅਕਤੀ ਫੀਨਿਕਸ, ਐਰਿਜ਼ ਦੇ ਰਹਿਣ ਵਾਲੇ ਸਨ ਅਤੇ ਜਿਨ੍ਹਾਂ ਵਿਚੋਂ ਇਕ ਬਚ ਗਿਆ ਅਤੇ ਉਸਦਾ ਡਾਕਟਰੀ ਇਲਾਜ ਵੀ ਕੀਤਾ ਗਿਆ ਸੀ ਜਦਕਿ ਦੂਜੇ ਵਿਅਕਤੀ ਦੀ ਅਜੇ ਵੀ ਤਲਾਸ਼ ਕੀਤੀ ਜਾ ਰਹੀ ਹੈ।

ਪੁਲਿਸ ਦਾ ਕਹਿਣਾ ਹੈ ਕਿ ਬੀ.ਸੀ. ਆਰ.ਸੀ.ਐਮ.ਪੀ. ਦੀ ਅੰਡਰਵਾਟਰ ਰਿਕਵਰੀ ਟੀਮ ਦੇ ਗੋਤਾਖੋਰ ਬੁੱਧਵਾਰ ਨੂੰ ਉਸ ਵਿਅਕਤੀ ਨੂੰ ਲੱਭਣ ਵਿੱਚ ਨਾਕਾਮਯਾਬ ਰਹੇ ਸਨ ਪਰ ਉਸ ਦੀ ਤਲਾਸ਼ੀ ਦੀਆਂ ਕੋਸ਼ਿਸ਼ਾਂ ਅਜੇ ਵੀ ਜਾਰੀ ਹਨ।