17.28C Vancouver 17.28C VancouverOct 13, 2020 3:38 PM -
ਬ੍ਰਿਟਿਸ਼ ਕੋਲੰਬੀਆ ਦੀਆਂ ਤਿੰਨ ਪ੍ਰਮੁੱਖ ਰਾਜਨੀਤਕ ਪਾਰਟੀਆਂ ਦੇ ਲੀਡਰ ਅੱਜ ਚੋਣ ਪ੍ਰਚਾਰ ਦੀ ਪਹਿਲੀ ਡਿਬੇਟ ਵਿੱਚ ਹਿੱਸਾ ਲੈਣ ਜਾ ਰਹੇ ਹਨ।
ਨਿਊ ਡੈਮੋਕ੍ਰੇਟ ਲੀਡਰ ਜੌਹਨ ਹੋਰਗਨ ਵੱਲੋਂ ਕੋਵਿਡ-19 ਦੇ ਚਲਦਿਆਂ ਪਿਛਲੇ ਮਹੀਨੇ ‘ਸਨੈਪ ਇਲੈਕਸ਼ਨ’ ਦਾ ਐਲਾਨ ਕੀਤਾ ਗਿਆ ਸੀ ਅਤੇ 24 ਅਕਤੂਬਰ ਨੂੰ ਬੀ.ਸੀ. ਵਿੱਚ ਚੋਣਾਂ ਹੋਣ ਜਾ ਰਹੀਆਂ ਹਨ।
ਬੀ.ਸੀ. ਲਿਬਰਲ ਲੀਡਰ ਐਂਡਰਿਊ ਵਿਲਕਨਸਨ, ਗ੍ਰੀਨ ਪਾਰਟੀ ਲੀਡਰ, ਸੋਨੀਆ ਫਰਸਟਨੋ ਅਤੇ ਹੋਰਗਨ 90 ਮਿੰਟ ਦੀ ਟੀ.ਵੀ., ਰੇਡੀਓ ਅਤੇ ਆਨਲਾਈਨ ਪ੍ਰਸਾਰਿਤ ਕੀਤੀ ਜਾਣ ਵਾਲੀ ਇਸ ਬਹਿਸ ਵਿੱਚ ਸ਼ਾਮਲ ਹੋਣਗੇ।
ਸਿਆਸੀ ਮਾਹਰਾਂ ਮੁਤਾਬਕ ਵਿਲਕਨਸਨ ਅਤੇ ਫਰਸਟਨੋ ਹੋਰਗਨ ‘ਤੇ ਚੋਣਾਂ ਦੇ ਐਲਾਨ ਦੇ ਫੈਸਲੇ ਦੇ ਸੰਬੰਧ ਵਿੱਚ ਸਵਾਲ ਚੁੱਕਣਗੇ।
ਹੋਰਗਨ ਅਤੇ ਵਿਲਕਨਸਨ ਇਸ ਤੋਂ ਪਹਿਲਾਂ ਵੀ 2018 ਵਿੱਚ ਚੋਣ ਸੁਧਾਰ ਰੈਫਰੈਂਡਮ ਦੇ ਸੰਬੰਧ ਵਿੱਚ ਆਯੋਜਿਤ ਕੀਤੀ ਗਈ ਬਹਿਸ ਵਿੱਚ ਸ਼ਾਮਲ ਹੋ ਚੁੱਕੇ ਹਨ।
ਫਰਸਟਨੋ ਲਈ ਸੂਬਾਈ ਚੋਣਾਂ ਦੀ ਬਹਿਸ ਵਿੱਚ ਸ਼ਮੂਲੀਅਤ ਕਰਨ ਦਾ ਇਹ ਪਹਿਲਾ ਅਵਸਰ ਹੈ।
