11.81C Vancouver 11.81C VancouverDec 8, 2022 2:28 AM - Connect News
ਬੀ.ਸੀ. ਦੇ ਨਵੇਂ ਪ੍ਰੀਮਿਅਰ ਡੇਵਿਡ ਇਬੀ ਦੀ ਕੈਬਿਨੇਟ ਨੇ ਅੱਜ ਸਹੁੰ ਚੁੱਕੀ। ਲਿਊਟਨੈਂਟ ਗਵਰਨਰ ਜੈਨੇਟ ਔਸਟਿਨ ਨੇ ਕੈਬਿਨੇਟ ਨੂੰ ਸਹੁੰ ਚੁਕਾਈ।
ਇਸ ਮੌਕੇ ਪ੍ਰੀਮਿਅਰ ਡੇਵਿਡ ਇਬੀ ਅਤੇ ਉਨ੍ਹਾਂ ਦੇ ਕੈਬਿਨੇਟ ਦੇ ਸਾਥੀ ਇੱਕੋ ਸਟੇਜ 'ਤੇ ਮੌਜੂਦ ਸਨ ਅਤੇ ਸਹੁੰ ਚੁੱਕਣ ਤੋਂ ਬਾਅਦ ਔਸਟਿਨ ਨੇ ਕੈਬਿਨੇਟ ਨੂੰ ਵਧਾਈ ਦਿੱਤੀ ਅਤੇ ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਤਾੜੀਆਂ ਦੀ ਗੜਗੜਾਹਟ ਵਿਚਾਲੇ ਕੈਬਿਨੇਟ ਦਾ ਸਵਾਗਤ ਕੀਤਾ।
ਸੂਬੇ ਦੇ ਕੈਬਿਨੇਟ 'ਚ ਕੁਝ ਅਹਿਮ ਬਦਲਾਅ ਕੀਤੇ ਗਏ ਹਨ ਅਤੇ ਨਵੇਂ ਕੈਬਿਨੇਟ 'ਚ 15 ਔਰਤਾਂ ਅਤੇ 7 ਰੰਗਦਾਰ ਲੋਕਾਂ ਨੂੰ ਜਗ੍ਹਾ ਮਿਲੀ ਹੈ।
ਡੇਵਿਡ ਇਬੀ ਨੇ ਮੰਤਰੀਆਂ ਦੇ ਪੋਰਟਫੋਲੀਓ ਐਲਾਨਣ ਮੌਕੇ ਦੱਸਿਆ ਕਿ ਸੂਬੇ ਦੀ ਨਵੀਂ ਅਟੌਰਨੀ ਜਨਰਲ ਹੁਣ ਨਿੱਕੀ ਸ਼ਰਮਾ ਹੋਵੇਗੀ।
ਨਿੱਕੀ ਸ਼ਰਮਾ ਇਸ ਤੋਂ ਪਹਿਲਾਂ ਕਮਿਊਨਿਟੀ ਡਵੈਲਪਮੈਂਟ ਅਤੇ ਨੌਨ-ਪਰੌਫਿਟ ਸੰਬੰਧੀ ਪਾਰਲੀਮਾਨੀ ਸਕੱਤਰ ਸਨ।
ਐਗਰੀਕਲਚਰ ਅਤੇ ਫ਼ੂਡ ਸੰਬੰਧੀ ਮੰਤਰਾਲਾ ਪੈਮ ਅਲੈਕਸਿਸ ਕੋਲ ਪਹੁੰਚ ਰਿਹਾ ਹੈ। ਚਿਲਡਰਨ ਅਤੇ ਫੈਮਿਲੀ ਡਵੈਲਪਮੈਂਟ ਮੰਤਰਾਲਾ, ਮਿਟਜ਼ੀ ਡੀਨ ਸੰਭਾਲਣਗੇ।
ਮਿਨਿਸਟਰ ਆਫ ਸਿਟੀਜ਼ਨ ਸਰਵਿਸਿਜ਼ - ਲੀਜ਼ਾ ਬੇਅਰ
ਐਜੂਕੇਸ਼ਨ ਅਤੇ ਚਾਈਲਡ ਕੇਅਰ ਮੰਤਰਾਲਾ ਰਚਨਾ ਸਿੰਘ ਦੇ ਸਪੁਰਦ ਕੀਤਾ ਗਿਆ ਹੈ, ਉਹ ਪਹਿਲਾਂ Parliamentary Secretary for Anti racism initiatives ਦੀ ਜਿੰਮੇਵਾਰੀ ਸਾਂਭ ਰਹੀ ਸਨ।
ਮਿਨਿਸਟਰ ਆਫ ਸਟੇਟ ਫਾਰ ਚਾਈਲਡ ਕੇਅਰ - ਡਾ. ਗਰੇਸ ਲੋਰ
ਮਿਨਿਸਟਰ ਆਫ ਐਮਰਜੈਂਸੀ ਪ੍ਰਿਪੇਰਡਨੈਸ ਅਤੇ ਕਲਾਈਮੇਟ ਰੈਡੀਨੈਸ - ਬੌਵਿਨ ਮਾ
ਮਿਨਿਸਟਰ ਆਫ ਐਨਰਜੀ, ਮਾਈਨਸ ਐਂਡ ਲੋ ਕਾਰਬਨ ਇਨੋਵੇਸ਼ਨ - ਜੋਜ਼ੀ ਔਸਬੌਰਨ
ਮਿਨਿਸਟਰ ਆਫ ਐਨਵਾਇਰਨਮੈਂਟ ਐਂਡ ਕਲਾਈਮੇਟ ਚੇਂਜ - ਜੌਰਜ ਹੇਮਨ
ਮਿਨਿਸਟਰ ਆਫ ਫਾਈਨੈਂਸ - ਕੈਟਰੀਨਾ ਕੌਨਰੌਏ
ਮਿਨਿਸਟਰ ਆਫ ਫੌਰੈਸਟਸ - ਬਰੂਸ ਰਾਲਸਟਨ
ਸਿਹਤ ਮੰਤਰਾਲਾ ਐਡਰੀਅਨ ਡਿਕਸ ਕੋਲ ਹੀ ਰਵੇਗਾ।
ਹਾਊਸਿੰਗ ਮੰਤਰਾਲਾ ਹੁਣ ਰਵੀ ਕਾਹਲੋਂ ਨੂੰ ਸੌਂਪਿਆ ਜਾ ਰਿਹਾ ਹੈ।
ਮਿਨਿਸਟਰ ਆਫ ਇੰਡੀਜਨਸ ਰਿਲੇਸ਼ਨਸ ਐਂਡ ਰਿਕਨਸੀਲੀਏਸ਼ਨ - ਮਰੇ ਰੈਂਕਿਨ
ਮਿਨਿਸਟਰ ਆਫ ਜੌਬਸ, ਇਕਨੌਮਿਕ ਰਿਕਵਰੀ - ਬ੍ਰੈਂਡਾ ਬੇਲੀ
ਮਿਨਿਸਟਰ ਆਫ ਸਟੇਟ ਫਾਰ ਟਰੇਡ - ਜਗਰੂਪ ਬਰਾੜ
ਲੇਬਰ ਮੰਤਰਾਲਾ ਹੈਰੀ ਬੈਂਸ ਕੋਲ ਹੀ ਰਵੇਗਾ।
ਮਿਨਿਸਟਰ ਆਫ ਮੈਂਟਲ ਹੈਲਥ ਐਂਡ ਐਡਿਕਸ਼ਨਸ - ਜੈਨੀਫਰ ਵਾਈਟਸਾਈਡ
ਮਿਨਿਸਟਰ ਆਫ ਮਿਊਨਿਸਿਪਲ ਅਫੇਅਰਸ - ਐਨ ਕੈਂਗ
ਮਿਨਿਸਟਰ ਆਫ ਪੋਸਟ ਸੈਕੰਡਰੀ ਐਜੂਕੇਸ਼ਨ ਅਤੇ ਫਿਊਚਰ ਸਕਿਲਸ - ਸਿਲੀਨਾ ਰੌਬਿਨਸਨ
ਮਿਨਿਸਟਰ ਆਫ ਪਬਲਿਕ ਸੇਫਟੀ ਅਤੇ ਸੌਲੀਸਿਟਰ ਜਨਰਲ - ਮਾਈਕ ਫਾਰਨਵਰਥ
ਮਿਨਿਸਟਰ ਆਫ ਸੋਸ਼ਲ ਡਵੈਲਪਮੈਂਟ ਅਤੇ ਪ੍ਰਾਪਰਟੀ ਰਿਡਕਸ਼ਨ - ਸ਼ੀਲਾ ਮੈਲਕਮਸਨ
ਮਿਨਿਸਟਰ ਆਫ ਟੂਰਿਜ਼ਮ, ਆਰਟਸ, ਕਲਚਰ ਐਂਡ ਸਪੋਰਟ - ਲਾਨਾ ਪੌਪਹਮ
ਮਿਨਿਸਟਰ ਆਫ ਟਰਾਂਸਪੋਰਟੇਸ਼ਨ - ਰੌਬ ਫਲੈਮਿੰਗ
ਬੀ.ਸੀ. 'ਚ ਨਵੇਂ ਕੈਬਿਨੇਟ ਦੇ ਸਹੁੰ ਚੁੱਕਣ ਮੌਕੇ ਬੀ.ਸੀ. ਗਰੀਨ ਪਾਰਟੀ ਦੀ ਲੀਡਰ ਸੋਨੀਆ ਫਰਸਟੇਨੂੰ ਨੇ ਪੂਰੇ ਬੀ.ਸੀ. ਗਰੀਨ ਕੌਕਸ ਵੱਲੋਂ ਨਵੇਂ ਅਤੇ ਪੁਰਾਣੇ ਮੰਤਰੀਆਂ ਨੂੰ ਜ਼ਿੰਮੇਵਾਰੀ ਸਾਂਭਣ 'ਤੇ ਵਧਾਈ ਦਿੱਤੀ ਹੈ।
ਉਨ੍ਹਾਂ ਕਿਹਾ ਕਿ ਸੂਬੇ 'ਚ ਬਹੁਤ ਸਾਰਾ ਕੰਮ ਕਰਨ ਦੀ ਲੋੜ ਹੈ ਅਤੇ ਉਹ ਨਵੇਂ ਕੈਬਿਨੇਟ ਨਾਲ ਮਿਲ ਕੇ ਬੀ.ਸੀ. ਨੂੰ ਅੱਗੇ ਵਧਾਉਣਾ ਚਾਹੁੰਦੇ ਹਨ।
ਉਨ੍ਹਾਂ ਕਿਹਾ ਕਿ ਅਸੀਂ ਚਾਹੁੰਦੇ ਹਾਂ ਕਿ ਸਰਕਾਰ ਬੀ.ਸੀ. ਦੇ ਲੋਕਾਂ ਦੀਆਂ ਲੋੜਾਂ 'ਤੇ ਧਿਆਨ ਕੇਂਦਰਿਤ ਕਰੇ ਅਤੇ ਉਨ੍ਹਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਲੱਭੇ।
