13.9C Vancouver 13.9C VancouverMar 24, 2021 3:30 PM -
ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰੀਮੀਅਰ ਜੌਨ ਹੋਰਗਨ ਅਤੇ ਸੂਬਾਈ ਕੋਵਿਡ -19 ਟੀਕਾਕਰਣ ਟੀਮ ਦੀ ਅਗਵਾਈ ਕਰ ਰਹੇ ਡਾ. ਪੈਨੀ ਬੈਲੇਮ, ਅੱਜ ਟੀਕਾਕਰਣ ਸੰਬੰਧੀ ਵਧੇਰੇ ਜਾਣਕਾਰੀ ਸਾਂਝੀ ਕਰਣਗੇ।
ਇੱਕ ਸਰਕਾਰੀ ਰਿਲੀਜ਼ ਵਿਚ ਕਿਹਾ ਗਿਆ ਹੈ ਕਿ ਉਹ ਟੀਕਾਕਰਣ ਯੋਜਨਾ ਲਈ ਨਵੀਂ ਸਾਂਝੇਦਾਰੀ ਦਾ ਐਲਾਨ ਕਰਨ ਜਾ ਰਹੇ ਹਨ।
ਸਿਹਤ ਅਧਿਕਾਰੀਆਂ ਨੇ ਕੱਲ੍ਹ ਘੋਸ਼ਣਾ ਕੀਤੀ ਕਿ ਗੰਭੀਰ ਬਿਮਾਰੀਆਂ ਤੋਂ ਪੀੜਤ ਹੋਰ 200,000 ਲੋਕ ਸੋਮਵਾਰ ਤੋਂ ਸ਼ੁਰੂ ਹੋ ਕੇ, ਉਮੀਦ ਨਾਲੋਂ ਜਲਦੀ ਟੀਕਾ ਬੁੱਕ ਕਰਾਉਣ ਦੇ ਯੋਗ ਹੋ ਜਾਣਗੇ।
ਸਿਹਤ ਮੰਤਰੀ ਐਡਰਿਅਨ ਡਿਕਸ ਦਾ ਕਹਿਣਾ ਹੈ ਕਿ ਉਮਰ ਅਧਾਰਤ ਟੀਕੇ ਪ੍ਰੋਗਰਾਮ ਨੂੰ ਬੇਹੱਦ ਸਫਲਤਾ ਮਿਲ ਰਹੀ ਹੈ, ਜਿਸ ਸਦਕਾ ਸਰਕਾਰ ਉਨ੍ਹਾਂ ਲੋਕਾਂ ਨੂੰ ਨਿਰਧਾਰਤ ਸਮੇਂ ਤੋਂ ਪਹਿਲਾਂ ਟੀਕੇ ਉਪਲੱਭਦ ਕਰਵਾ ਸਕੇਗੀ ਜਿਨ੍ਹਾਂ ਨੂੰ ਕੋਵਿਡ-19 ਤੋਂ ਸਭ ਤੋਂ ਵੱਧ ਖ਼ਤਰਾ ਹੈ।
ਵੱਖ ਵੱਖ ਕਿਸਮਾਂ ਦੇ ਕੈਂਸਰ, ਟ੍ਰਾਂਸਪਲਾਂਟ ਪ੍ਰਾਪਤ ਕਰਨ ਵਾਲੇ, ਸਾਹ ਦੀ ਗੰਭੀਰ ਸਮੱਸਿਆ, ਗੁਰਦੇ ਦੀ ਬਿਮਾਰੀ ਅਤੇ ਹੋਰ ਹਾਲਤਾਂ ਨਾਲ ਗ੍ਰਸਤ ਲੋਕਾਂ ਨੂੰ ਟੀਕੇ ਬੁੱਕ ਕਰਨ ਲਈ ਇੱਕ ਪੱਤਰ ਭੇਜਿਆ ਜਾਵੇਗਾ।
ਉਮਰ ਅਧਾਰਤ ਟੀਕਾਕਰਣ ਵਿੱਚ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ ਅਤੇ 76 ਤੋਂ ਵੱਧ ਉਮਰ ਦੇ ਲੋਕ 24 ਮਾਰਚ, ਦੁਪਹਿਰ 12 ਵਜੇ ਤੋਂ ਟੀਕੇ ਲਈ ਸਮਾਂ ਬੁੱਕ ਕਰ ਸਕਦੇ ਹਨ।
