14.51C Vancouver 14.51C VancouverJun 30, 2021 1:16 AM -
ਬੀ.ਸੀ. 'ਚ ਪ੍ਰੀਮਿਅਰ ਜੌਨ ਹੌਰਗਨ ਅਤੇ ਸੂਬੇ ਦੇ ਸਿਹਤ ਅਧਿਕਾਰੀਆਂ ਵੱਲੋਂ ਰੀਓਪਨਿੰਗ ਪਲੈਨ ਦੇ ਤੀਜੇ ਪੜ੍ਹਾਅ ਦੇ ਵੇਰਵੇ ਸਾਂਝੇ ਕੀਤੇ ਗਏ ਹਨ।
ਪ੍ਰੀਮਿਅਰ ਹੌਰਗਨ ਨੇ ਕਿਹਾ ਹੈ ਕਿ ਬੀ.ਸੀ. 1 ਜੁਲਾਈ ਤੋਂ ਪਬੰਦੀਆਂ ਤੋਂ ਰਾਹਤ ਦੇ ਤੀਜੇ ਪੜ੍ਹਾਅ 'ਚ ਦਾਖਿਲਾ ਕਰੇਗਾ।
ਡਾ. ਬੌਨੀ ਹੈਨਰੀ ਨੇ ਦੱਸਿਆ ਹੈ ਕਿ ਇਸ ਫੇਜ਼ ਦੌਰਾਨ ਬੀ.ਸੀ. ਦੀਆਂ ਇੰਡੋਰ ਥਾਵਾਂ 'ਤੇ 50 ਵਿਅਕਤੀ ਅਤੇ ਆਊਟਡੋਰ ਥਾਵਾਂ 'ਤੇ ਵੱਧ ਤੋਂ ਵੱਧ 5,000 ਜਾਂ 50% ਕਪੈਸਟੀ ਤਕ ਲੋਕਾਂ ਦੇ ਇਕੱਠ ਹੋ ਸਕਣਗੇ।
ਬੀ.ਸੀ. 'ਚ ਮੇਲਿਆਂ, ਕਸੀਨੋਸ ਅਤੇ ਨਾਈਟਕਲੱਬਸ ਦੀ ਵੀ ਵਾਪਸੀ ਹੋਵੇਗੀ।
ਸੂਬੇ 'ਚ ਹੁਣ ਕੰਮ ਦੀਆਂ ਥਾਵਾਂ 'ਤੇ ਪੈਂਡੈਮਿਕ ਸੰਬੰਧੀ ਪਬੰਦੀਆਂ ਦੀ ਲੋੜ ਨਹੀਂ ਹੋਵੇਗੀ ਅਤੇ ਇਸ ਦੀ ਜਗ੍ਹਾ 'ਤੇ ਸਾਫ-ਸਫਾਈ ਸੰਬੰਧੀ ਧਿਆਨ ਰੱਖਣ ਦੀ ਲੋੜ ਹੋਵੇਗੀ।
ਰੈਗੂਲਰ ਕਪੈਸਟੀ 'ਤੇ ਇੰਡੋਰ ਫਿਟਨੈਸ ਥਾਵਾਂ 'ਤੇ ਵੀ ਵਾਪਸੀ ਹੋ ਸਕੇਗੀ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਸੂਬੇ 'ਚ ਵਧਦੀ ਵੈਕਸੀਨੇਸ਼ਨ ਅਤੇ ਵਾਇਰਸ ਸੰਬੰਧੀ ਮਾਮਲਿਆਂ ਦੀ ਘਟਦੀ ਗਿਣਤੀ ਵਿਚਾਲੇ ਕੋਵਿਡ ਸੰਬੰਧੀ ਪਲੈਨਸ ਤੋਂ ਹਟ ਕੇ ਕਮਿਊਨੀਕੇਬਲ ਡਿਜ਼ੀਜ਼ ਸੰਬੰਧੀ ਪਲੈਨਸ ਦੀ ਪ੍ਰੀਕਿਰਿਆ 'ਤੇ ਸ਼ਿਫਟ ਕੀਤਾ ਜਾਵੇਗਾ।
ਸੂਬੇ 'ਚ ਜਾਰੀ ਪਬਲਿਕ ਹੈਲਥ ਐਮਰਜੈਂਸੀ ਨੂੰ ਜਾਰੀ ਰੱਖਿਆ ਜਾਵੇਗਾ।
ਸੂਬੇ 'ਚ ਮਾਸਕ ਪਹਿਨਣ ਦੀ ਪ੍ਰੀਕਿਰਿਆ ਨੂੰ ਵੀ ਘਟਾਇਆ ਜਾ ਰਿਹਾ ਹੈ।
ਸੂਬੇ 'ਚ ਮਾਸਕ ਪਹਿਨਣ ਲਈ ਕਨੂੰਨੀ ਤੌਰ 'ਤੇ ਲੋੜ ਨਹੀਂ ਹੋਵੇਗੀ ਹਾਲਾਂਕਿ ਕਈ ਪਬਲਿਕ ਥਾਵਾਂ ਅਤੇ ਟ੍ਰਾਂਜ਼ਿਟ ਅਤੇ ਹੋਰ ਥਾਵਾਂ 'ਤੇ ਮਾਸਕ ਪਹਿਨਣ ਦੀ ਪ੍ਰੀਕਿਰਿਆ ਜਾਰੀ ਰੱਖੀ ਜਾਵੇਗੀ।
ਤੀਜੇ ਪੜ੍ਹਾਅ 'ਚ ਕੈਨੇਡਾ ਭਰ 'ਚ ਮਨੋਰੰਜਨ ਲਈ ਯਾਤਰਾ ਜਾਰੀ ਰੱਖਣ ਦੀ ਇਜਾਜ਼ਤ ਹੋਵੇਗੀ।
ਇਸੇ ਦੌਰਾਨ ਪ੍ਰੀਮਿਅਰ ਹੌਰਗਨ ਨੇ ਦੱਸਿਆ ਹੈ ਕਿ ਸੂਬੇ 'ਚ ਅੱਜ ਕੋਵਿਡ-19 ਦੇ 29 ਮਾਮਲੇ ਰਿਪੋਰਟ ਹੋਏ ਹਨ ਜਿਸ 'ਚ ਫਰੇਜ਼ਰ ਹੈਲਥ 'ਚ 7 ਮਾਮਲੇ ਰਿਪੋਰਟ ਹੋਣ ਬਾਰੇ ਦੱਸਿਆ ਹੈ।
