9.52C Vancouver 9.52C VancouverMar 28, 2022 10:46 PM - Connect News
ਬੀ.ਸੀ. ਦੀ ਵਿੱਤ ਮੰਤਰੀ ਸਿਲੀਨਾ ਰੌਬਿਨਸਨ ਨੇ ਇੱਕ ਕਨੂੰਨ 'ਚ ਬਦਲਾਅ ਸੰਬੰਧੀ ਜਾਣਕਾਰੀ ਦਿੱਤੀ ਹੈ।
ਇਸ ਤਹਿਤ ਘਰਾਂ ਦੀ ਖਰੀਦ ਕਰਨ ਵਾਲੇ ਲੋਕਾਂ ਲਈ 'ਕੂਲਿੰਗ ਆਫ' ਪੀਰੀਅਡ ਸੰਬੰਧੀ ਐਲਾਨ ਕੀਤਾ ਗਿਆ ਹੈ।
ਇਸ ਦੇ ਤਹਿਤ ਘਰਾਂ ਨੂੰ ਖਰੀਦਣ ਵਾਲੇ ਲੋਕ ਡੀਲ ਤੋਂ ਪਿੱਛੇ ਹਟ ਸਕਣਗੇ ਅਤੇ ਉਨ੍ਹਾਂ 'ਤੇ ਬਹੁਤ ਘੱਟ ਜਾਂ ਕੋਈ ਵੀ ਲੀਗਲ ਕੌਂਸਿਕੁਐਂਸੀਸ ਨਹੀਂ ਹੋਣਗੇ।
ਵਿੱਤ ਮੰਤਰੀ ਸਿਲੀਨਾ ਰੌਬਿਨਸਨ ਵੱਲੋਂ ਪ੍ਰਾਪਰਟੀ ਲਾਅ ਐਕਟ 'ਚ ਬਦਲਾਅ ਸੰਬੰਧੀ ਜਾਣਕਾਰੀ ਦਿੱਤੀ ਗਈ।
ਉਨ੍ਹਾਂ ਦੱਸਿਆ ਕਿ ਇਸ ਪ੍ਰੀਕਿਰਿਆ ਦਾ ਫਰੇਮਵਰਕ ਤਿਆਰ ਹੋ ਗਿਆ ਹੈ।
ਹਾਲਾਂਕਿ ਉਨ੍ਹਾਂ ਦੱਸਿਆ ਕਿ ਲੈਜਿਸਲੇਸ਼ਨ ਨੂੰ ਐਨੇਬਲ ਕਰਨ ਸੰਬੰਧੀ ਫੈਸਲਾ ਲੈ ਲਿਆ ਗਿਆ ਹੈ ਪਰ ਇਸ ਸੰਬੰਧੀ ਸਪੈਸੀਫਿਕ ਰੈਗੂਲੇਸ਼ਨ ਇਸੇ ਸਾਲ ਦੇ ਅੰਤ ਤੋਂ ਪਹਿਲਾਂ ਜਾਰੀ ਕਰ ਦਿੱਤੇ ਜਾਣਗੇ।
ਬੀ.ਸੀ. ਦੀ ਭਖੀ ਹੋਈ ਰੀਅਲ ਐਸਟੇਟ ਮਾਰਕਿਟ 'ਚ ਰਿਸਕ ਨੂੰ ਘਟਾਉਣ ਲਈ ਹੋਮਬਾਇਰ ਪ੍ਰੋਟੈਕਸ਼ਨ ਪੀਰੀਅਡ ਦਾ ਪ੍ਰਪੋਜਲ ਦਿੱਤਾ ਗਿਆ ਸੀ।
ਸਰਕਾਰ ਦਾ ਕਹਿਣਾ ਹੈ ਕਿ ਬਦਲਾਅ ਇਸਲਈ ਲਿਆਂਦਾ ਜਾ ਰਿਹਾ ਹੈ ਕਿ ਘਰ ਖਰੀਦਣ ਵਾਲੇ ਲੋਕਾਂ 'ਤੇ ਔਫਰ ਦਾਖਿਲ ਕਰਨ ਦਾ ਦਬਾਅ ਬਣ ਜਾਂਦਾ ਹੈ ਜਦਕਿ ਉਨ੍ਹਾਂ ਦੇ ਹਿੱਤਾਂ ਦੀ ਰੱਖਿਆ ਲਈ ਕੋਈ ਕੰਡੀਸ਼ਨ ਸਥਾਪਿਤ ਨਹੀਂ ਕੀਤੇ ਜਾਂਦੇ।
ਇਸ 'ਕੂਲਿੰਗ ਆਫ' ਪੀਰੀਅਡ ਜਰੀਏ ਘਰ ਖਰੀਦਣ ਵਾਲਿਆਂ ਲਈ ਆਪਣੇ ਔਫਰਸ ਨੂੰ ਪਰਖਣ ਦਾ ਵਧੇਰੇ ਸਮਾਂ ਹੋਵੇਗਾ ਅਤੇ ਉਹ ਪੁਖਤਾ ਕਰ ਸਕਣਗੇ ਕਿ ਉਹ ਘਰ ਦੀ ਫਾਈਨੈਂਸਿੰਗ ਕਰ ਸਕਦੇ ਹਨ।
