30.04C Vancouver 30.04C VancouverJun 2, 2025 9:20 PM -
ਬੀ.ਸੀ. ਸਰਕਾਰ ਨੇ ਬਰੌਡਵੇ ਸਬਵੇ ਟਨਲ ਸੰਬੰਧੀ ਅਪਡੇਟ 'ਚ ਆਖਿਆ ਹੈ ਕਿ ਇਸ ਨਾਲ ਮੈਟਰੋ ਵੈਨਕੂਵਰ ਦੀ ਸਕਾਈਟਰੇਨ ਸਮਰੱਥਾ ਵਿੱਚ ਵਾਧਾ ਹੋਵੇਗਾ।
ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਦੀ ਸ਼ੁਰੂਆਤ 2027 ਵਿੱਚ ਹੋ ਜਾਵੇਗੀ। ਅੱਜ ਟ੍ਰਾਂਸਪੋਰਟੇਸ਼ਨ ਮੰਤਰੀ ਮਾਈਕ ਫਾਰਨਵਰਥ ਨੇ ਟਨਲ ਕੰਸਟ੍ਰਕਸ਼ਨ ਦੇ ਸੰਬੰਧ 'ਚ ਇੱਕ ਮੀਡੀਆ ਟੂਰ ਦੀ ਅਗਵਾਈ ਕੀਤੀ।
ਇਹ ਟਨਲ 5 ਪਾਇੰਟ 7 ਕਿਲੋਮੀਟਰ ਦੇ ਸਕਾਈਟਰੇਨ ਮਿਲੈਨੀਅਮ ਲਾਈਨ ਦੀ ਐਕਸਟੈਂਸ਼ਨ ਦਾ ਹਿੱਸਾ ਹੈ।
ਇਹ ਐਕਸਟੈਂਸ਼ਨ ਵੈਨਕੂਵਰ ਦੇ ਵੈਸਟ ਸਾਈਡ ਇਲਾਕੇ 'ਚ ਵੀ.ਸੀ.ਸੀ. ਕਲਾਰਕ ਸਟੇਸ਼ਨ ਤੋਂ ਅਰਬਿਊਟਸ ਸਟ੍ਰੀਟ ਤਕ ਕੀਤੀ ਜਾ ਰਹੀ ਹੈ।
ਫਾਰਨਵਰਥ ਨੇ ਦੱਸਿਆ ਕਿ 2 ਪਾਇੰਟ 95 ਬਿਲੀਅਨ ਡਾਲਰ ਦੇ ਇਸ ਪ੍ਰੋਜੈਕਟ 'ਚ 700 ਮੀਟਰ ਦਾ ਐਲੀਵੇਟਿਡ ਟਰੈਕ ਵੀ ਹਿੱਸਾ ਹੈ ਅਤੇ ਇਸ ਪ੍ਰੋਜੈਕਟ 'ਚ 750 ਵਰਕਰ ਕੰਮ ਕਰ ਰਹੇ ਹਨ।
ਯਾਦ ਰਹੇ ਮਿਲੈਨੀਅਮ ਲਾਈਨ ਐਕਸਪੈਂਸ਼ਨ ਅਤੇ ਐਕਸਪੋ ਲਾਈਨ ਦੀ ਲੈਂਗਲੀ ਤਕ ਦੀ ਐਕਸਟੈਂਸ਼ਨ ਨਾਲ ਸਕਾਈਟਰੇਨ ਕਪੈਸਟੀ 'ਚ 27 ਫੀਸਦੀ ਦੇ ਵਾਧੇ ਦਾ ਅਨੁਮਾਨ ਹੈ।
