14.77C Vancouver 14.77C VancouverAug 16, 2022 12:30 AM - Connect News
ਬੀ.ਸੀ. ਆਰ.ਸੀ.ਐਮ.ਪੀ. ਵੱਲੋਂ ਬੀ.ਸੀ. ਦੇ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ ਯਾਨੀ ਕਿ ਆਈ.ਆਈ.ਓ. ਨੂੰ ਇੱਕ ਘਟਨਾ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ, ਜਿਸ ਦੌਰਾਨ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਮਾਮਲਾ ਐਤਵਾਰ ਦਾ ਦੱਸਿਆ ਗਿਆ ਹੈ।
ਸ਼ਾਮ ਕਰੀਬ 5.20 ਵਜੇ ਇੱਕ ਔਰਤ ਨੇ 911 ਕਾਲ ਜਰੀਏ ਮਦਦ ਦੀ ਮੰਗ ਕੀਤੀ ਸੀ।
ਕਾਲ ਆਪਰੇਟਰਸ ਨੂੰ ਆਵਾਜ਼ ਅਨੁਸਾਰ ਮਾਮਲਾ ਕਿਸੇ ਵਾਹਨ ਨਾਲ ਸੰਬੰਧਤ ਲੱਗਿਆ ਸੀ।
ਕੁਝ ਹੀ ਸਮੇਂ ਬਾਅਦ ਇੱਕ ਹੋਰ ਕਾਲ ਜਰੀਏ ਦੱਸਿਆ ਗਿਆ ਕਿ ਕੋਈ ਵਾਹਨ ਚਾਲਕ ਗਲਤ ਢੰਗ ਨਾਲ ਗੱਡੀ ਚਲਾ ਰਿਹਾ ਹੈ ਅਤੇ ਇੱਕ ਔਰਤ ਗੱਡੀ ਵਿੱਚੋਂ ਬਾਹਰ ਨਿਕਲਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਕਰੀਬ 5.45 ਵਜੇ ਇੱਕ ਹੋਰ ਕਾਲ ਜਰੀਏ ਦੱਸਿਆ ਗਿਆ ਕਿ ਇੱਕ ਪਰਿਵਾਰਿਕ ਮੈਂਬਰ ਅਤੇ ਇੱਕ ਬੱਚੇ ਨੂੰ ਅਗਵਾ ਕਰ ਲਿਆ ਗਿਆ ਹੈ।
ਅਫ਼ਸਰ ਮੌਕੇ 'ਤੇ ਪਹੁੰਚੇ ਅਤੇ ਉਨ੍ਹਾਂ ਵੇਖਿਆ ਕਿ ਗੱਡੀ 'ਚ ਇੱਕ ਕਥਿਤ ਹਥਿਆਰ ਪਿਆ ਹੈ ਅਤੇ ਵਾਹਨ ਖਾਲੀ ਮਿਲਿਆ।
ਰਾਤ ਕਰੀਬ 9 ਵਜੇ ਇਲਾਕੇ ਦੀ ਇੱਕ ਰੂਰਲ ਪ੍ਰਾਪਰਟੀ ਕੋਲ ਪਹਿਲਾਂ ਦੀ ਘਟਨਾ 'ਚ ਸ਼ਾਮਿਲ ਇੱਕ ਵਾਹਨ ਵੇਖਿਆ ਗਿਆ ਅਤੇ ਇਲਾਕੇ ਨੂੰ ਘੇਰ ਲਿਆ ਗਿਆ।
ਮੌਕੇ 'ਤੇ ਐਮਰਜੈਂਸੀ ਰਿਸਪਾਂਸ ਟੀਮ ਨੂੰ ਸੱਦਿਆ ਗਿਆ।
ਤੜਕੇ ਕਰੀਬ 3 ਵਜੇ ਅਫਸਰਾਂ ਨਾਲ ਹੋਏ ਟਕਰਾ 'ਚ ਸ਼ੱਕੀ ਵਿਅਕਤੀ ਦੀ ਮੌਤ ਹੋ ਗਈ।
ਪੁਲਿਸ ਅਨੁਸਾਰ ਘਟਨਾ 'ਚ ਬੱਚੇ ਨੂੰ ਸੱਟਫੇਟ ਤੋਂ ਬਚਾਅ ਰਿਹਾ।
ਉਸ ਦੇ ਨਾਲ ਸੰਬੰਧਤ ਇੱਕ ਟਰੇਲਰ ਵਿੱਚੋਂ ਔਰਤ ਵੀ ਸੁਰੱਖਿਅਤ ਮਿਲੀ।
ਇਸੇ ਦੌਰਾਨ ਸ਼ੱਕੀ ਦੇ ਦੂਜੇ ਘਰ ਤਕ ਵੀ ਪਹੁੰਚ ਕੀਤੀ ਗਈ ਸੀ ਅਤੇ ਉਸ ਜਗ੍ਹਾ ਇੱਕ ਔਰਤ ਬੰਧਕ ਹਾਲਤ 'ਚ ਮਿਲੀ।
ਉਸ ਨੂੰ ਸੱਟਾਂ ਲੱਗੀਆਂ ਸਨ।
ਦੋਵਾਂ ਔਰਤਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ।
ਮਾਮਲੇ 'ਚ ਆਈ.ਆਈ.ਓ. ਵੱਲੋਂ ਪੁਲਿਸ ਐਕਸ਼ਨ ਦੀ ਜਾਂਚ ਕੀਤੀ ਜਾ ਰਹੀ ਹੈ।
