19.56C Vancouver 19.56C VancouverJul 30, 2022 12:08 AM - Connect News
ਬੀ.ਸੀ. 'ਚ ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ ਲੋਕਾਂ ਲਈ ਮੰਕੀਪੌਕਸ ਵੈਕਸੀਨ ਉਪਲਬਧ ਕਰਵਾਈ ਜਾ ਰਹੀ ਹੈ।
ਬੀ.ਸੀ. ਦਾ ਕਹਿਣਾ ਹੈ ਕਿ ਸੂਬੇ 'ਚ ਇਸ ਬਿਮਾਰੀ ਦਾ ਟ੍ਰਾਂਸਮਿਸ਼ਨ ਬਹੁਤਾ ਨਹੀਂ ਹੈ ਪਰ ਕਮਿਊਨਿਟੀ 'ਚ ਕੁਝ ਸੰਕ੍ਰਮਣ ਵੇਖਣ ਨੂੰ ਮਿਲਿਆ ਹੈ।
ਸੂਬਾ ਸਰਕਾਰ ਅਨੁਸਾਰ 27 ਜੁਲਾਈ ਤਕ ਬੀ.ਸੀ. 'ਚ ਮੰਕੀਪੌਕਸ ਦੇ 61 ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਇਸ 'ਚ ਵੈਨਕੂਵਰ ਕੋਸਟਲ ਹੈਲਥ 'ਚ 54 ਮਾਮਲੇ ਅਤੇ ਫਰੇਜ਼ਰ ਹੈਲਥ 'ਚ 3 ਮਾਮਲੇ ਰਿਪੋਰਟ ਹੋਏ ਹਨ।
ਆਈਲੈਂਡ ਹੈਲਥ 'ਚ 4 ਮਾਮਲੇ ਰਿਪੋਰਟ ਹੋਣ ਦੀ ਜਾਣਕਾਰੀ ਦਿੱਤੀ ਗਈ।
ਯਾਦ ਰਹੇ 23 ਜੁਲਾਈ ਨੂੰ ਵਰਲਡ ਹੈਲਥ ਔਰਗੇਨਾਈਜੇਸ਼ਨ ਵੱਲੋਂ ਮੰਕੀਪੌਕਸ ਨੂੰ ਅੰਤਰਰਾਸ਼ਟਰੀ ਪੱਧਰ 'ਤੇ ਪਬਲਿਕ ਹੈਲਥ ਐਮਰਜੈਂਸੀ ਐਲਾਨ ਦਿੱਤੀ ਗਈ ਸੀ।
ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ ਮੰਕੀਪੌਕਸ ਸੰਬੰਧੀ ਵਾਇਰਸ ਆਸਾਨੀ ਨਾਲ ਨਹੀਂ ਫੈਲਦਾ ਅਤੇ ਹੁਣ ਤਕ ਸਾਹਮਣੇ ਆਏ ਮਾਮਲਿਆਂ 'ਚ ਲੰਮੇ ਸਮੇਂ ਦਾ ਸਕਿਨ ਟੁ ਸਕਿਨ ਸੰਪਰਕ ਵੇਖਣ ਨੂੰ ਮਿਲਿਆ ਹੈ।
ਹੁਣ ਤਕ ਬੀ.ਸੀ. ਕੋਲ ਸਮੌਲਪੌਕਸ ਸੰਬੰਧੀ ਮੰਕੀਪੌਕਸ ਲਈ ਵਰਤੀਆਂ ਜਾਣ ਵਾਲੀਆਂ 14,480 ਖੁਰਾਕਾਂ ਪਹੁੰਚ ਚੁੱਕੀਆਂ ਹਨ।
ਸੂਬਾ ਸਰਕਾਰ ਅਨੁਸਾਰ 25 ਜੁਲਾਈ ਤਕ ਹਾਈ ਰਿਸਕ ਸ਼੍ਰੇਣੀ 'ਚ ਸ਼ਾਮਿਲ ਲੋਕਾਂ ਨੂੰ 7,200 ਖੁਰਾਕਾਂ ਪ੍ਰਦਾਨ ਕਰਵਾਈਆਂ ਜਾ ਚੁੱਕੀਆਂ ਹਨ।
