12.7C Vancouver 12.7C VancouverDec 29, 2021 2:38 AM - Connect News
ਬੀ.ਸੀ. 'ਚ ਇੱਕ ਵਾਰ ਫਿਰ ਤੋਂ ਕੋਵਿਡ-19 ਸੰਬੰਧੀ ਵੱਡੀ ਗਿਣਤੀ 'ਚ ਕੋਵਿਡ-19 ਮਾਮਲੇ ਰਿਪੋਰਟ ਹੋਏ ਹਨ।
ਮੰਗਲਵਾਰ ਦੀ ਅਪਡੇਟ 'ਚ ਦੱਸਿਆ ਗਿਆ ਕਿ 1,785 ਨਵੇਂ ਕੋਵਿਡ-19 ਮਾਮਲੇ ਸਾਹਮਣੇ ਆਏ ਹਨ। ਹਾਲਾਂਕਿ ਇਹ ਪ੍ਰੀਲਿਮਨਰੀ ਅੰਕੜਾ ਹੈ ਅਤੇ ਹਸਪਤਾਲ 'ਚ ਦਾਖਿਲ ਵਾਇਰਸ ਪੀੜਤਾਂ, ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ ਅਤੇ ਵੈਕਸੀਨੇਸ਼ਨ ਸੰਬੰਧੀ ਪੂਰੇ ਅੰਕੜੇ ਬੁੱਧਵਾਰ ਨੂੰ ਸਾਂਝੇ ਕੀਤੇ ਜਾਣਗੇ।
ਇਸ ਤੋਂ ਪਹਿਲਾਂ ਸੋਮਵਾਰ ਨੂੰ ਬੀ.ਸੀ. 'ਚ ਕੋਵਿਡ-19 ਸੰਬੰਧੀ ਰਿਕਾਰਡਤੋੜ ਮਾਮਲੇ ਰਿਪੋਰਟ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਵੀਕਐਂਡ ਦੌਰਾਨ ਦੇ ਵੀ ਪ੍ਰੀਲਿਮਨਰੀ ਅੰਕੜੇ ਸਾਂਝੇ ਕੀਤੇ ਗਏ ਸਨ।
ਇਸ ਦੌਰਾਨ ਬੀ.ਸੀ. 'ਚ 6,288 ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
3 ਦਿਨਾਂ ਦੌਰਾਨ ਸ਼ੁੱਕਰਵਾਰ ਨੂੰ 2,552, ਸ਼ਨੀਵਾਰ ਨੂੰ 2,023 ਅਤੇ ਐਤਵਾਰ ਨੂੰ 1,713 ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ।
ਯਾਦ ਰਹੇ ਸੂਬੇ ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਵੀ ਬੀਤੇ ਹਫ਼ਤੇ ਆਖਿਆ ਸੀ ਕਿ ਕਈ ਟੈਸਟਿੰਗ ਸੈਂਟਰਾਂ 'ਤੇ ਲੰਮੇ ਲਾਈਨਅਪ ਹਨ ਅਤੇ ਜੇਕਰ ਲੱਛਣ ਮਹਿਸੂਸ ਨਾ ਹੋਣ ਤਾਂ ਟੈਸਟਿੰਗ ਲਈ ਨਾ ਪਹੁੰਚਿਆ ਜਾਵੇ।
