13.54C Vancouver 13.54C VancouverDec 21, 2021 2:11 AM - Connect News
ਅੱਜ ਬੀ.ਸੀ. 'ਚ ਕੋਵਿਡ-19 ਦੇ 2,550 ਮਾਮਲੇ ਰਿਪੋਰਟ ਹੋਏ ਹਨ।
3 ਵਾਇਰਸ ਪੀੜਤਾਂ ਦੀ ਮੌਤ ਰਿਪੋਰਟ ਹੋਈ ਹੈ।
ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 228,335 ਤਕ ਪਹੁੰਚ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 2,402 ਹੋ ਚੁੱਕੀ ਹੈ।
ਬੀ.ਸੀ. 'ਚ ਵਾਇਰਸ ਸੰਬੰਧੀ ਐਕਟਿਵ ਮਾਮਲਿਆਂ ਦੀ ਗਿਣਤੀ 5,000 ਦਾ ਅੰਕੜਾ ਪਾਰ ਕਰਦੇ ਹੋਏ 5,435 ਤਕ ਪਹੁੰਚ ਗਈ ਹੈ।
ਕੁੱਲ 185 ਲੋਕ ਹਸਪਤਾਲ 'ਚ ਦਾਖਿਲ ਹਨ ਤੇ ਇਸ 'ਚ 77 ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
ਯਾਦ ਰਹੇ ਇਹ ਮਾਮਲੇ ਬੀਤੇ 3 ਦਿਨਾਂ ਦਾ ਅੰਕੜਾ ਦਰਸ਼ਾਉਂਦੇ ਹਨ ਜਿਸ ਦੌਰਾਨ ਸ਼ੁੱਕਰਵਾਰ ਨੂੰ 911, ਸ਼ਨੀਵਾਰ ਨੂੰ 832 ਅਤੇ ਐਤਵਾਰ ਨੂੰ 807 ਮਾਮਲੇ ਰਿਪੋਰਟ ਹੋਏ ਹਨ।
ਸੂਬੇ 'ਚ ਓਮੀਕਰੌਨ ਵੇਰੀਐਂਟ ਦੇ ਮਾਮਲਿਆਂ ਦੀ ਕੱਲ ਸਾਂਝੀ ਕੀਤੀ ਜਾਵੇਗੀ ਅਪਡੇਟ
ਸੋਮਵਾਰ ਨੂੰ ਬੀ.ਸੀ. 'ਚ ਸਾਂਝੀ ਕੀਤੀ ਗਈ ਕੋਵਿਡ-19 ਸੰਬੰਧੀ ਅਪਡੇਟ 'ਚ ਦੱਸਿਆ ਗਿਆ ਕਿ ਓਮੀਕਰੌਨ ਵੇਰੀਐਂਟ ਦੇ ਮਾਮਲਿਆਂ ਸੰਬੰਧੀ ਅਪਡੇਟ ਮੰਗਲਵਾਰ ਨੂੰ ਸਾਂਝੀ ਕੀਤੀ ਜਾਵੇਗੀ।
ਸੋਮਵਾਰ ਨੂੰ ਇਸ ਸੰਬੰਧੀ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਗਈ।
ਯਾਦ ਰਹੇ ਬੀ.ਸੀ. 'ਚ ਕੋਵਿਡ-19 ਦੇ ਨਵੇਂ ਵੇਰੀਐਂਟ ਓਮੀਕਰੌਨ ਦੇ 302 ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
ਇਹ ਸ਼ੁੱਕਰਵਾਰ ਤਕ ਦਾ ਅੰਕੜਾ ਹੈ।
ਸ਼ੁੱਕਰਵਾਰ ਦੀ ਸੂਬੇ ਦੀ ਕੋਵਿਡ-19 ਸੰਬੰਧੀ ਅਪਡੇਟ 'ਚ ਦੱਸਿਆ ਗਿਆ ਸੀ ਕਿ ਸੂਬੇ 'ਚ ਵੈਨਕੂਵਰ ਕੋਸਟਲ ਹੈਲਥ ਵਿੱਚ 93, ਫਰੇਜ਼ਰ ਹੈਲਥ ਵਿੱਚ 58, ਇੰਟੀਰੀਅਰ ਹੈਲਥ ਵਿੱਚ 5, ਨੌਰਦਰਨ ਹੈਲਥ ਵਿੱਚ 1 ਅਤੇ ਆਈਲੈਂਡ ਹੈਲਥ ਵਿੱਚ ਵੇਰੀਐਂਟ ਦੇ 145 ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
