21.24C Vancouver 21.24C VancouverApr 6, 2022 12:16 AM - Connect News
ਅੱਜ ਬੀ.ਸੀ. 'ਚ ਕੋਵਿਡ-19 ਦੇ 258 ਮਾਮਲੇ ਰਿਪੋਰਟ ਹੋਏ ਹਨ।
ਵਾਇਰਸ ਸੰਬੰਧੀ ਮੌਤਾਂ ਬਾਰੇ ਦੱਸਿਆ ਗਿਆ ਕਿ ਇਸ ਦੀ ਜਾਣਕਾਰੀ 7 ਅਪ੍ਰੈਲ, ਵੀਰਵਾਰ ਨੂੰ ਜਾਰੀ ਕੀਤੀ ਜਾਵੇਗੀ।
ਬੀਤੇ ਸ਼ੁੱਕਰਵਾਰ ਤਕ ਦੀ ਅਪਡੇਟ ਅਨੁਸਾਰ ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 3,002 ਹੋ ਚੁੱਕੀ ਹੈ।
ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 357,758 ਤਕ ਪਹੁੰਚ ਗਈ ਹੈ।
ਕੁੱਲ 334 ਲੋਕ ਹਸਪਤਾਲ 'ਚ ਦਾਖਿਲ ਹਨ ਤੇ ਇਸ ਵਿੱਚ 35 ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
ਇੰਟੀਰੀਅਰ ਹੈਲਥ ਅਤੇ ਆਈਲੈਂਡ ਹੈਲਥ 'ਚ ਸਥਿਤ 2 ਫੈਸਿਲਿਟੀਸ 'ਚ ਕੋਵਿਡ-19 ਆਊਟਬ੍ਰੇਕ ਐਲਾਨੀ ਗਈ ਹੈ।
ਸੂਬੇ 'ਚ ਕੁੱਲ 12 ਲੌਂਗ ਟਰਮ ਅਤੇ ਐਕਿਊਟ ਕੇਅਰ ਫੈਸਿਲਿਟੀਸ 'ਚ ਆਊਟਬ੍ਰੇਕ ਜਾਰੀ ਹਨ।
ਬੀ.ਸੀ. 'ਚ ਕੋਵਿਡ-19 ਸੰਬੰਧੀ ਵਧੇਰੇ ਮਾਮਲੇ ਬੇ.ਏ.2 ਵੇਰੀਐਂਟ ਨਾਲ ਸੰਬੰਧਤ
ਅੱਜ ਦੀ ਪ੍ਰੈਸ ਕਾਨਫਰੰਸ ਦੌਰਾਨ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਜਾਣਕਾਰੀ ਦਿੱਤੀ ਹੈ ਕਿ ਬੀ.ਸੀ. 'ਚ 5 ਤੋਂ 11 ਸਾਲ ਵਿਚਾਲੇ ਦੇ 56% ਬੱਚਿਆਂ ਨੇ ਵੈਕਸੀਨ ਦੀ ਘਟੋ-ਘੱਟ ਇੱਕ ਖੁਰਾਕ ਹਾਸਿਲ ਕਰ ਲਈ ਹੈ।
18 ਸਾਲ ਤੋਂ ਵਧੇਰੀ ਉਮਰ ਦੇ 91% ਲੋਕਾਂ ਨੇ ਵੈਕਸੀਨ ਦੀਆਂ ਦੋਵੇਂ ਖੁਰਾਕਾਂ ਹਾਸਿਲ ਕਰ ਲਈਆਂ ਹਨ।
18 ਸਾਲ ਤੋਂ ਵਧੇਰੀ ਉਮਰ ਦੇ 59% ਲੋਕਾਂ ਨੇ ਬੂਸਟਰ ਖੁਰਾਕਾਂ ਵੀ ਹਾਸਿਲ ਕਰ ਲਈਆਂ ਹਨ।
ਡਾ. ਬੌਨੀ ਹੈਨਰੀ ਨੇ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਸੂਬੇ 'ਚ ਹੁਣ ਕੋਵਿਡ-19 ਸੰਬੰਧੀ ਮੌਤਾਂ ਦੀ ਗਿਣਤੀ 3,000 ਤੋਂ ਪਾਰ ਹੋ ਗਈ ਹੈ।
ਇਸ ਦੇ ਨਾਲ ਹੀ ਉਨ੍ਹਾਂ ਦੱਸਿਆ ਕਿ ਸੂਬੇ 'ਚ ਹਸਪਤਾਲ 'ਚ ਵਾਇਰਸ ਸੰਬੰਧੀ ਹੋ ਰਹੇ ਦਾਖਿਲੇ ਲਗਾਤਾਰ ਘਟ ਰਹੇ ਹਨ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਵੇਸਟਵਾਟਰ ਸਰਵੇਲੈਂਸ 'ਚ ਵਾਇਰਸ ਸੰਬੰਧੀ ਮਾਮਲਿਆਂ 'ਚ ਕੁਝ ਵਾਧਾ ਵਿਖਾਈ ਦੇ ਰਿਹਾ ਹੈ।
ਹਾਲਾਂਕਿ ਡਾ. ਹੈਨਰੀ ਨੇ ਕਿਹਾ ਕਿ ਜਦ ਗਤੀਵਿਧੀਆਂ ਸਮਾਨ ਢੰਗ ਵੱਲ ਪਰਤ ਰਹੀਆਂ ਹਨ ਤਾਂ ਅਜਿਹੇ ਹੋਣਾ ਹੈਰਾਨ ਨਹੀਂ ਕਰਦਾ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਇਸ ਵੇਲੇ ਸਾਹਮਣੇ ਆ ਰਹੇ ਕੋਵਿਡ-19 ਮਾਮਲਿਆਂ 'ਚ ਵਧੇਰੇ ਮਾਮਲੇ ਵਾਇਰਸ ਦੇ ਬੇ.ਏ. ਪਾਇੰਟ 2 ਵੇਰੀਐਂਟ ਨਾਲ ਸੰਬੰਧਤ ਹਨ।
ਇਸ ਵੇਰੀਐਂਟ ਬਾਰੇ ਦੱਸਿਆ ਗਿਆ ਕਿ ਸੂਬੇ 'ਚ ਕਰੀਬ 75% ਮਾਮਲੇ ਇਸ ਨਾਲ ਸੰਬੰਧਤ ਹਨ ਪਰ ਇਹ ਵੇਰੀਐਂਟ ਜਿੱਥੇ ਤੇਜ਼ੀ ਨਾਲ ਫੈਲਦਾ ਹੈ ਉੱਥੇ ਹੀ ਇਸ ਦੇ ਲੱਛਣ ਬਹੁਤੇ ਗੰਭੀਰ ਨਹੀਂ ਹੁੰਦੇ।
