12.7C Vancouver 12.7C VancouverDec 28, 2021 8:28 PM - The Canadian Press
ਸੋਮਵਾਰ ਨੂੰ ਬੀ.ਸੀ. 'ਚ ਕੋਵਿਡ-19 ਸੰਬੰਧੀ ਰਿਕਾਰਡਤੋੜ ਮਾਮਲੇ ਰਿਪੋਰਟ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਵੀਕਐਂਡ ਦੌਰਾਨ ਦੇ ਪ੍ਰੀਲਿਮਨਰੀ ਅੰਕੜੇ ਸਾਂਝੇ ਕੀਤੇ ਗਏ ਹਨ।
ਇਸ ਦੌਰਾਨ ਬੀ.ਸੀ. 'ਚ 6,288 ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇੱਕ ਨਿਊਜ ਰਿਲੀਜ਼ 'ਚ ਇਸ ਸੰਬੰਧੀ ਵੇਰਵੇ ਸਾਂਝੇ ਕੀਤੇ ਗਏ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਹਸਪਤਾਲ 'ਚ ਦਾਖਿਲ ਵਾਇਰਸ ਪੀੜਤਾਂ, ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ ਅਤੇ ਵੈਕਸੀਨੇਸ਼ਨ ਸੰਬੰਧੀ ਅੰਕੜੇ ਬੁੱਧਵਾਰ ਨੂੰ ਸਾਂਝੇ ਕੀਤੇ ਜਾਣਗੇ।
3 ਦਿਨਾਂ ਦੌਰਾਨ ਸ਼ੁੱਕਰਵਾਰ ਨੂੰ 2,552, ਸ਼ਨੀਵਾਰ ਨੂੰ 2,023 ਅਤੇ ਐਤਵਾਰ ਨੂੰ 1,713 ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ। ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ ਕਿ ਅਸਲ ਅੰਕੜਾ ਇਸ ਪ੍ਰੀਲਿਮਨਰੀ ਅੰਕੜੇ ਤੋਂ ਵਧੇਰੇ ਹੋ ਸਕਦਾ ਹੈ, ਕਿਉਂਕਿ ਕਈ ਹਸਪਤਾਲਾਂ 'ਚ ਟੈਸਟਿੰਗ ਲਿਮਿਟਸ ਸਿਖਰਾਂ 'ਤੇ ਪਹੁੰਚ ਗਈਆਂ ਹਨ।
ਯਾਦ ਰਹੇ ਸੂਬੇ ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਵੀ ਬੀਤੇ ਹਫ਼ਤੇ ਆਖਿਆ ਸੀ ਕਿ ਕਈ ਟੈਸਟਿੰਗ ਸੈਂਟਰਾਂ 'ਤੇ ਲੰਮੇ ਲਾਈਨਅਪ ਹਨ ਅਤੇ ਜੇਕਰ ਲੱਛਣ ਮਹਿਸੂਸ ਨਾ ਹੋਣ ਤਾਂ ਟੈਸਟਿੰਗ ਲਈ ਨਾ ਪਹੁੰਚਿਆ ਜਾਵੇ।
