17.58C Vancouver 17.58C VancouverNov 8, 2020 4:04 PM -
ਕੋਵਿਡ-19 ਦੀਆਂ ਵਧ ਰਹੀਆਂ ਇਨਫੈਕਸ਼ਨਾਂ ਕਾਰਣ ਬੀ.ਸੀ. ਦੇ ਫ਼ਰੇਜ਼ਰ ਹੈਲਥ ਅਤੇ ਵੈਨਕੂਵਰ ਕੋਸਟਲ ਹੈਲਥ ਇਲਾਕਿਆਂ ਵਿੱਚ 23 ਨਵੰਬਰ ਤਕ ਲਾਗੂ ਰਹਿਣ ਵਾਲੀਆਂ ਬੰਦਿਸ਼ਾਂ ਇਸ ਪ੍ਰਕਾਰ ਹਨ:
- ਆਪਣੇ ਘਰ ਵਿੱਚ ਕੋਵੀ ਵੀ ਇਕੱਠ ਨਾ ਕਰੋ। ਸਿਰਫ਼ ਉਹੀ ਲੋਕ ਮੌਜੂਦ ਹੋਣ ਜੋ ਤੁਹਾਡੇ ਘਰ ਵਿੱਚ ਤੁਹਾਡੇ ਨਾਲ ਰਹਿੰਦੇ ਹਨ।
- ਵਿਆਹ ਵਿੱਚ ਸਿਰਫ਼ ਉਹੀ ਪਰਿਵਾਰਕ ਮੈਂਬਰ ਸ਼ਾਮਲ ਹੋ ਸਕਦੇ ਹਨ ਜੋ ਤੁਹਾਡੇ ਨਾਲ ਰਹਿੰਦੇ ਹਨ। ਕੋਈ ਮਹਿਮਾਨ ਨਹੀਂ ਸੱਦਿਆ ਜਾ ਸਕਦਾ ਅਤੇ ਵਿਆਹ ਤੋਂ ਬਾਅਦ ਕਿਸੇ ਕਿਸਮ ਦੀ ਰਿਸੈਪਸ਼ਨ ਵੀ ਨਹੀਂ ਕੀਤੀ ਜਾ ਸਕਦੀ।
- ਫਿਊਨਰਲ ਵਿੱਚ ਵੀ ਤੁਹਾਡੇ ਨਾਲ ਰਹਿਣ ਵਾਲੇ ਪਰਿਵਾਰਕ ਮੈਂਬਰ ਹੀ ਸ਼ਾਮਲ ਹੋ ਸਕਣਗੇ। ਕੋਈ ਵੀ ਹੋਰ ਦੋਸਤ ਜਾਂ ਰਿਸ਼ਤੇਦਾਰ ਸ਼ਾਮਲ ਨਹੀਂ ਹੋ ਸਕਣਗੇ।
- ਯੋਗਾ ਸਟੂਡਿਓ, ਸਪਿੰਨ ਸਟੂਡਿਓ ਅਤੇ ਡਾਂਸ ਕਲਾਸਾਂ ਜਾਂ ਗਰੁੱਪ ਫਿਟਨੈੱਸ ਦੇ ਸੈਸ਼ਨ ਲਗਾਉਣ ਵਾਲੇ ਅਦਾਰੇ ਵੀ ਬੰਦ ਰੱਖੇ ਜਾਣ। ਕੋਈ ਵੀ 'ਇਨਡੋਰ' ਖੇਡਾਂ ਦੇ ਅਦਾਰੇ ਜਿੱਥੇ ਸਰੀਰਕ ਦੂਰੀ ਬਰਕਰਾਰ ਨਹੀਂ ਰੱਖੀ ਜਾ ਸਕਦੀ (ਜਿਵੇਂ ਬਾਕਸਿੰਗ, ਮਾਰਸ਼ਲ ਆਰਟਸ, ਹਾਕੀ, ਵਾਲੀਬਾਲ, ਬਾਸਕੇਟਬਾਲ) ਵੀ ਬੰਦ ਰੱਖੇ ਜਾਣ।
- ਪਾਰਟੀ ਬੱਸਾਂ ਅਤੇ ਲਿਮੋਜ਼ੀਨਾਂ ਵੀ ਆਪਣੀਆਂ ਸੇਵਾਵਾਂ ਬੰਦ ਕਰਨ।
- ਰੈਸਟੋਰੈਂਟਾਂ ਵਿੱਚ ਜਾ ਕੇ ਖਾਣਾ ਖਾ ਸਕਦੇ ਹੋ ਪਰ ਇਕੱਠ ਨਹੀਂ ਕਰ ਸਕਦੇ, ਅਤੇ ਵਰਕਸੇਫ਼ ਬੀ.ਸੀ. ਵੱਲੋਂ ਇਨਸਪੈਸ਼ਨਾਂ ਕੀਤੀਆਂ ਜਾਣਗੀਆਂ।
- ਕੰਮ ਵਾਲੀਆਂ ਥਾਵਾਂ ਵਿਖੇ ਕਾਮਿਆਂ ਦਰਮਿਆਨ 6 ਫੁੱਟ ਦੀ ਦੂਰੀ ਯਕੀਨੀ ਬਣਾਈ ਜਾਵੇ। ਦਫ਼ਤਰਾਂ ਵਿੱਚ ਲੰਚ ਰੂਮ ਵਿੱਚ ਕਾਮਿਆਂ ਦੇ ਇਕੱਠੇ ਹੋਣ ਵੱਲ ਅਤੇ ਹੋਰ ਸਾਂਝੀਆਂ ਥਾਵਾਂ ਦੀ ਵਰਤੋਂ ਵੱਲ ਵਿਸ਼ੇਸ਼ ਧਿਆਨ ਦਿੱਤਾ ਜਾਵੇ।
ਇਹ ਹੁਕਮ ਜਿਨ੍ਹਾਂ ਸ਼ਹਿਰਾਂ ਉੱਪਰ ਲਾਗੂ ਹੁੰਦੇ ਹਨ ਉਨ੍ਹਾਂ ਵਿੱਚੋਂ ਕੁਝ ਪ੍ਰਮੁੱਖ ਸ਼ਹਿਰ ਹਨ: ਸਰ੍ਹੀ, ਡੈਲਟਾ, ਲੈਂਗਲੀ, ਵ੍ਹਾਈਟ ਰੌਕ, ਮੇਪਲ ਰਿੱਜ, ਮਿਸ਼ਨ, ਐਬਟਸਫੋਰਡ, ਚਿਲਾਵੈਕ, ਵੈਨਕੂਵਰ, ਵੈਸਟ ਵੈਨਕੂਵਰ, ਨੌਰਥ ਵੈਨਕੂਵਰ, ਬਰਨਬੀ, ਰਿੱਚਮੰਡ, ਕੋਕਿਟਲਮ, ਪੋਰਟ ਕੋਕਿਟਲਮ, ਨਿਊ ਵੈਸਟਮਿੰਸਟਰ, ਪਿੱਟ ਮੈਡੋਜ਼, ਪੋਰਟ ਮੂਡੀ, ਸਕਵਾਮਿਸ਼, ਵ੍ਹਿਸਲਰ ਅਤੇ ਕੁਝ ਹੋਰ।
