20.61C Vancouver 20.61C VancouverJul 23, 2021 10:28 PM -
ਬੀ.ਸੀ. 'ਚ ਵਾਈਲਡਫਾਇਰਸ ਦਾ ਸੰਕਟ ਜਾਰੀ ਹੈ।
ਸੂਬੇ 'ਚ 250 ਤੋਂ ਵਧੇਰੇ ਅੱਗਾਂ ਬਲ ਰਹੀਆਂ ਹਨ।
ਹਾਲਾਂਕਿ ਕੁਝ ਇਲਾਕਿਆਂ ਲਈ ਰਾਹਤ ਦੀ ਖਬਰ ਉਜਾਗਰ ਹੋਈ ਹੈ।
ਸੰਨ ਪੀਕਸ ਦੀ ਰਿਜ਼ਾਰਟ ਮਿਊਨਿਸੀਪੈਲਿਟੀ ਲਈ ਜਾਰੀ ਘਰ ਅਤੇ ਪ੍ਰਾਪਰਟੀਆਂ ਖਾਲੀ ਕਰਨ ਦੇ ਐਲਰਟ ਹਟਾ ਦਿੱਤੇ ਗਏ ਹਨ।
ਕੈਮਲੂਪਸ ਦੇ ਉੱਤਰ 'ਚ ਸਥਿਤ ਕੁਝ ਪ੍ਰਾਪਰਟੀਆਂ ਲਈ ਜਾਰੀ ਐਲਰਟ ਨੂੰ ਵੀ ਰੱਦ ਕੀਤਾ ਗਿਆ ਹੈ।
ਇਸ ਇਲਾਕੇ 'ਚ 9 ਸਕਵੇਅਰ ਕਿਲੋਮੀਟਰ ਦੀ ਅੱਗ ਬਲ ਰਹੀ ਹੈ।
ਸਲੋਕੈਨ ਰਿਵਰ ਕੋਲ ਸਥਿਤ 200 ਪ੍ਰਾਪਰਟੀਆਂ ਲਈ ਜਾਰੀ ਇਵੈਕੂਏਅਸ਼ਨ ਆਰਡਰ ਨੂੰ ਹਟਾ ਕੇ ਹੁਣ ਇਵੈਕੂਏਅਸ਼ਨ ਐਲਰਟ 'ਚ ਤਬਦੀਲ ਕਰ ਦਿੱਤਾ ਗਿਆ ਹੈ।
ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਸਿਕਾਮਸ ਦੇ ਇਲਾਕੇ 'ਚ ਬਲ ਰਹੀ 10 ਸਕਵੇਅਰ ਕਿਲੋਮੀਟਰ ਦੀ ਅੱਗ 'ਤੇ ਕਾਬੂ ਪਾਉਣ ਲਈ ਯਤਨ ਕੀਤੇ ਜਾ ਰਹੇ ਹਨ।
ਸਰਵਿਸ ਦਾ ਕਹਿਣਾ ਹੈ ਕਿ ਮੰਗਲਵਾਰ ਨੂੰ ਸ਼ੁਰੂ ਹੋਈ ਇਹ ਅੱਗ ਹੁਣ ਵੀ ਬੇਕਾਬੂ ਹੈ।
ਹਾਲਾਂਕਿ ਦੱਸਿਆ ਗਿਆ ਕਿ ਇਹ ਅੱਗ ਸ਼ਸਵੱਪ ਕਮਿਊਨਿਟੀ ਤੋਂ ਦੂਰ ਜਾ ਰਹੀ ਹੈ ਅਤੇ ਕਰਿਊਸ ਵੱਲੋਂ ਇਸ 'ਤੇ ਕਾਬੂ ਪਾਉਣ ਲਈ ਅਹਿਮ ਕਦਮ ਪੁੱਟੇ ਜਾ ਰਹੇ ਹਨ।
ਇਸ ਅੱਗ ਨੂੰ ਸੂਬੇ ਦੀਆਂ ਖਤਰਨਾਕ ਮੰਨੀਆਂ ਜਾ ਰਹੀਆਂ 39 ਅੱਗਾਂ 'ਚ ਸ਼ਾਮਿਲ ਮੰਨਿਆ ਜਾ ਰਿਹਾ ਹੈ।
