8.09C Vancouver 8.09C VancouverApr 1, 2022 11:13 PM - The Canadian Press
ਮੈਟਰੋ ਵੈਨਕੂਵਰ ਤੋਂ ਵਾਸਤਾ ਰੱਖਣ ਵਾਲੇ ਓਲੰਪਿਕ ਸਵਿਮਰ ਨੇ ਸੰਨਿਆਸ ਲੈਣ ਦਾ ਐਲਾਨ ਕੀਤਾ ਹੈ।
ਸਵਿਮਿੰਗ ਕੈਨੇਡਾ ਦਾ ਕਹਿਣਾ ਹੈ ਕਿ ਬਰੈਂਟ ਹੇਡਨ ਰਿਟਾਇਰ ਹੋਣ ਜਾ ਰਹੇ ਹਨ।
ਹਾਲਾਂਕਿ ਖਾਸ ਗੱਲ ਇਹ ਹੈ ਕਿ ਇਹ ਹੇਡਨ ਦੀ ਦੂਜੀ ਰਿਟਾਇਰਮੈਂਟ ਹੋਵੇਗੀ।
ਬਰੈਂਟ ਹੇਡਨ ਇਸ ਤੋਂ ਪਹਿਲਾਂ ਵੀ ਸੰਨਿਆਸ ਦਾ ਐਲਾਨ ਕਰ ਖੇਡ 'ਚ ਵਾਪਸੀ ਕਰ ਚੁੱਕੇ ਹਨ।
ਹੇਡਨ 100m ਫ੍ਰੀਸਟਾਈਲ ਈਵੈਂਟ ਦੇ ਸਾਬਕਾ ਵਿਸ਼ਵ ਚੈਂਪੀਅਨ ਹਨ।
ਇਸੇ ਈਵੈਂਟ 'ਚ ਉਨ੍ਹਾਂ ਨੇ 2012 ਦੇ ਲੰਡਨ ਓਲੰਪਿਕਸ 'ਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ।
ਅੱਜ ਸਵੇਰੇ ਉਨ੍ਹਾਂ ਸੰਨਿਆਸ ਦਾ ਐਲਾਨ ਕੀਤਾ।
ਇਸ ਤੋਂ ਪਹਿਲਾਂ ਸਾਲ 2019 'ਚ ਹੇਡਨ ਨੇ ਰਿਟਾਇਰਮੈਂਟ ਤੋਂ ਵਾਪਸੀ ਕੀਤੀ ਸੀ ਅਤੇ ਬੀਤੇ ਸਾਲ ਟੋਕੀਓ ਓਲੰਪਿਕਸ 'ਚ ਹਿੱਸਾ ਲਿਆ ਸੀ।
37 ਸਾਲ ਦੀ ਉਮਰ 'ਚ ਉਹ ਟੋਕੀਓ ਓਲੰਪਿਕਸ 'ਚ ਤੈਰਾਕੀ ਕਰਨ ਉੱਤਰੇ ਕੈਨੇਡਾ ਦੇ ਇਤਿਹਾਸ ਦੇ ਸਭ ਤੋਂ ਵੱਧ ਉਮਰ ਦੇ ਤੈਰਾਕ ਸਨ।
