17.33C Vancouver 17.33C VancouverApr 26, 2022 1:01 AM - The Canadian Press
ਬੀ.ਸੀ. 'ਚ ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਪੁਲਿਸ ਵਾਚਡੌਗ ਨੂੰ ਵੈਨਕੂਵਰ ਆਈਲੈਂਡ 'ਤੇ ਅਫਸਰਾਂ ਨਾਲ ਸੰਬੰਧਤ 2 ਘਟਨਾਵਾਂ ਬਾਰੇ ਨੋਟੀਫਾਈ ਕੀਤਾ ਗਿਆ ਹੈ।
ਇਸ 'ਚ ਇੱਕ ਅਜਿਹੀ ਘਟਨਾ ਵੀ ਸ਼ਾਮਿਲ ਹੈ ਜਿਸ 'ਚ ਇੱਕ ਆਦਮੀ ਦੀ ਮੌਤ ਹੋ ਗਈ।
ਪੁਲਿਸ ਦਾ ਕਹਿਣਾ ਸੀ ਕਿ ਕੋਮੌਕਸ ਵੈਲੀ ਡਿਟੈਚਮੈਂਟ ਦੇ ਅਫਸਰਾਂ ਨੂੰ ਇੱਕ ਅਣਜਾਣ ਵਿਅਕਤੀ ਦੇ ਇੱਕ ਪ੍ਰਾਪਰਟੀ 'ਤੇ ਹੋਣ ਦੀ ਜਾਣਕਾਰੀ ਮਿਲੀ ਸੀ।
ਮਾਮਲਾ ਸ਼ਨੀਵਾਰ ਸਵੇਰ ਕਰੀਬ 4.30 ਵਜੇ ਦਾ ਦੱਸਿਆ ਗਿਆ।
ਮੌਕੇ ਤੋਂ ਇੱਕ ਅਜਿਹੇ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਜਿਸ ਨੂੰ ਕਿ ਇਨਟੌਕਸੀਕੇਟਿਡ ਮੰਨਿਆ ਜਾ ਰਿਹਾ ਸੀ।
ਇੱਕ ਬਿਆਨ 'ਚ ਦੱਸਿਆ ਗਿਆ ਕਿ ਆਦਮੀ ਨੂੰ ਆਰ.ਸੀ.ਐਮ.ਪੀ. ਦੇ ਸੈਲ ਤਕ ਪਹੁੰਚਾਇਆ ਗਿਆ ਪਰ ਵੈਲਨੈਸ ਚੈਕ ਦੌਰਾਨ ਇੱਕ ਗਾਰਡ ਨੇ ਵੇਖਿਆ ਕਿ ਵਿਅਕਤੀ ਹਿੱਲ-ਜੁਲ ਨਹੀਂ ਰਿਹਾ।
ਇਸ ਆਦਮੀ ਨੂੰ ਮੌਕੇ 'ਤੇ ਮਦਦ ਪ੍ਰਦਾਨ ਕੀਤੀ ਗਈ ਅਤੇ ਫਿਰ ਉਸ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਜਿੱਥੇ ਉਸ ਨੂੰ ਮ੍ਰਿਤ ਐਲਾਨ ਦਿੱਤਾ ਗਿਆ।
ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫਿਸ ਯਾਨੀ ਕਿ ਆਈ.ਆਈ.ਓ. ਵੱਲੋਂ ਜਾਂਚ ਕੀਤੀ ਜਾਵੇਗੀ ਕਿ ਵਿਅਕਤੀ ਦੀ ਮੌਤ 'ਚ ਪੁਲਿਸ ਦੀ ਭੂਮਿਕਾ ਸੀ ਜਾਂ ਨਹੀਂ।
ਇਸ ਤੋਂ ਇਲਾਵਾ ਨਨਾਈਮੋ 'ਚ ਇੱਕ ਵਿਅਕਤੀ ਦੇ ਝਗੜਾ ਕਰਨ ਦੀ ਰਿਪੋਰਟ ਸੀ।
ਪੁਲਿਸ ਨੇ ਵਿਅਕਤੀ ਨੂੰ ਕਾਬੂ ਕੀਤਾ ਪਰ ਜੇਲ੍ਹ 'ਚ ਅਫ਼ਸਰ ਨਾਲ ਕਿਸੇ ਪ੍ਰਕਾਰ ਦੀ ਤਕਰਾਰ 'ਚ ਉਸ ਨੂੰ ਸੱਟਾਂ ਲੱਗੀਆਂ।
ਇਸ ਮਾਮਲੇ ਦੀ ਵੀ ਜਾਂਚ ਕੀਤੀ ਜਾਵੇਗੀ।
