13.14C Vancouver 13.14C VancouverMar 31, 2021 9:32 PM -
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਅਤੇ ਸਵੀਡਨ ਦੀ ਵਾਤਾਵਰਨ ਸੰਬੰਧੀ ਐਕਟੀਵਿਸਟ, ਗਰੇਟਾ ਥਨਬਰਗ ਨੂੰ ਯੂਨੀਵਰਸਿਟੀ ਆਫ ਬ੍ਰਿਟਿਸ਼ ਕੋਲੰਬੀਆ ਵੱਲੋਂ ਔਨਰੇਰੀ ਡਿਗਰੀਆਂ ਨਾਲ ਸਨਮਾਨਿਤ ਕੀਤਾ ਜਾ ਰਿਹਾ ਹੈ।
ਡਾ. ਬੌਨੀ ਹੈਨਰੀ ਅਤੇ ਗਰੇਟਾ ਥਨਬਰਗ ਉਨ੍ਹਾਂ 18 ਲੋਕਾਂ ਦੀ ਸੂਚੀ 'ਚ ਸ਼ਾਮਿਲ ਹਨ ਜਿੰਨਾ ਨੂੰ ਇਹ ਸਨਮਾਨ ਹਾਸਿਲ ਹੋਵੇਗਾ।
ਸਮਾਜ 'ਚ ਆਪਣੇ ਬੇਹਤਰੀਨ ਯੋਗਦਾਨ ਦੇ ਲਈ ਇਹਨਾਂ 18 ਲੋਕਾਂ ਨੂੰ ਔਨਰੇਰੀ ਡਿਗਰੀਆਂ ਨਵਾਜ਼ੀਆਂ ਜਾਣਗੀਆਂ।
ਯੂ.ਬੀ.ਸੀ. ਪ੍ਰੈਜ਼ੀਡੈਂਟ ਸੈਂਟਾ ਓਨੋ ਦਾ ਕਹਿਣਾ ਹੈ ਕਿ ਡਾ. ਬੌਨੀ ਹੈਨਰੀ ਨੇ ਪੈਂਡੈਮਿਕ ਦੌਰਾਨ ਸੂਬੇ 'ਚ ਇੱਕ ਮਜ਼ਬੂਤ ਆਵਾਜ਼ ਦਾ ਕੰਮ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ 18 ਸਾਲਾ ਗਰੇਟਾ ਥਨਬਰਗ ਮੌਸਮ ਤਬਦੀਲੀ ਦੇ ਮਾਮਲੇ 'ਚ ਲੋਕਾਂ ਲਈ ਪ੍ਰੇਰਨਾ ਸਾਬਿਤ ਹੋਈ ਹੈ।
ਡਾ. ਹੈਨਰੀ ਨੂੰ ਆਪਣੀ ਔਨਰੇਰੀ ਡਿਗਰੀ ਯੂਨੀਵਰਸਿਟੀ ਦੇ ਵੈਨਕੂਵਰ ਕੈਂਪਸ 'ਚ ਮਿਲੇਗੀ।
ਗਰੇਟਾ ਥਨਬਰਗ ਨੂੰ ਔਨਰੇਰੀ ਡਿਗਰੀ ਕੈਲੋਨਾ ਦੀ ਓਕਾਨਾਗਨ ਲੋਕੇਸ਼ਨ 'ਚ ਦਿੱਤੀ ਜਾਵੇਗੀ।
