9.81C Vancouver 9.81C VancouverNov 28, 2020 12:47 AM -
ਬ੍ਰਿਟਿਸ਼ ਕੋਲੰਬੀਆ ਦੀ ਪ੍ਰਮੁੱਖ ਸਿਹਤ ਅਧਿਕਾਰੀ ਡਾ. ਬੌਨੀ ਹੈਨਰੀ ਨੇ ਅੱਜ ਮੁੜ ਸਲਾਹ ਦਿੱਤੀ ਹੈ ਕਿ ਸੂਬਾ ਨਿਵਾਸੀ ਖਾਣਾ 'ਟੇਕਆਊਟ' ਹੀ ਆਰਡਰ ਕਰਨ ਤੇ ਸਾਰੀ ਸ਼ਾਪਿੰਗ ਆਨਲਾਈਨ ਕਰਨ, ਅਤੇ ਜੇ ਇਹ ਮੁਮਕਿਨ ਨਹੀਂ ਹੈ ਤਾਂ ਘਰ ਹੀ ਰਹਿਣ।
ਡਾ. ਹੈਨਰੀ ਨੇ ਕਿਹਾ ਕਿ ਸਟੋਰਾਂ ਵਿਚ ਗਾਹਕਾਂ ਨੂੰ ਮਾਸਕ ਪਹਿਨਣ ਦੀ ਬੇਨਤੀ ਕਰਨ ਵਾਲੇ ਮੁਲਾਜ਼ਮਾਂ ਨਾਲ ਹੋਈਆਂ ਹਿੰਸਕ ਵਾਰਦਾਤਾਂ ਦੀਆਂ ਖਬਰਾਂ ਸੁਣ ਕੇ ਉਹ ਉਦਾਸ ਹਨ।
ਡੌਸਨ ਕਰੀਕ ਵਿਖੇ ਵਾਲਮਾਰਟ ਸਟੋਰ ਵਿੱਚ ਮਾਸਕ ਪਹਿਨਣ ਦੀ ਬੇਨਤੀ ਕਰਨ ਵਾਲੇ ਇੱਕ ਮੁਲਾਜ਼ਮ ਉੱਤੇ ਹਿੰਸਕ ਹਮਲਾ ਕਰਨ ਵਾਲੇ ਇਕ ਵਿਅਕਤੀ ਨੂੰ ਆਰ.ਸੀ.ਐਮ.ਪੀ. ਵੱਲੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
ਡਾ. ਹੈਨਰੀ ਨੇ ਦੱਸਿਆ ਕਿ ਪਿਛਲੇ 24 ਘੰਟਿਆਂ ਵਿੱਚ ਸੂਬੇ ਵਿੱਚ ਕੋਵਿਡ-19 ਦੇ 911 ਮਾਮਲੇ ਸਾਹਮਣੇ ਆਏ ਹਨ ਅਤੇ ਇਕ ਦਿਨ ਵਿਚ ਰਿਪੋਰਟ ਹੋਣ ਵਾਲੇ ਮਾਮਲਿਆਂ ਦਾ ਇਹ ਅਜੇ ਤੱਕ ਦਾ ਸਭ ਤੋਂ ਵੱਡਾ ਅੰਕੜਾ ਹੈ।
ਅਜੇ ਤੱਕ ਸੂਬੇ ਵਿਚ ਕੁੱਲ 30,884 ਵਿਅਕਤੀਆਂ ਨੂੰ ਕੋਵਿਡ-19 ਦੀ ਲਾਗ ਲੱਗ ਚੁੱਕੀ ਹੈ।
ਪਿਛਲੇ ਚੌਵੀ ਘੰਟਿਆਂ ਵਿੱਚ 11 ਹੋਰ ਵਿਅਕਤੀਆਂ ਦੀ ਮੌਤ ਹੋਣ ਤੋਂ ਬਾਅਦ ਇਸ ਬਿਮਾਰੀ ਕਾਰਨ ਜਾਨ ਗਵਾਉਣ ਵਾਲੇ ਵਿਅਕਤੀਆਂ ਦੀ ਕੁੱਲ ਸੰਖਿਆ 395 ਹੋ ਗਈ ਹੈ।
ਇਸ ਵੇਲੇ ਸੂਬੇ ਵਿਚ ਕੋਵਿਡ-19 ਦੇ 301 ਮਰੀਜ਼ ਹਸਪਤਾਲ ਵਿਚ ਭਰਤੀ ਹਨ।
