13.14C Vancouver 13.14C VancouverJan 4, 2024 5:52 PM - The Canadian Press
ਬੀ.ਸੀ ਦੇ ਇਕ ਸਕੂਲ ਡਿਸਟ੍ਰਿਕ ਨੂੰ ਇਕ ਵਿਦਿਆਰਥੀ ਦੀ ਮਾਨਸਿਕ ਤਣਾਅ ਵਿਚ ਮਦਦ ਨਾ ਕਰਨ ’ਤੇ $5K ਦਾ ਭੁਗਤਾਨ ਕਰਨ ਲਈ ਕਿਹਾ ਗਿਆ ਹੈ। ਇਹ ਫੈਸਲਾ ਸੂਬੇ ਦੇ ਮਨੁੱਖੀ ਅਧਿਕਾਰ ਟ੍ਰਿਬਿਊਨਲ ਵਲੋਂ ਕੀਤਾ ਗਿਆ ਹੈ।
ਟ੍ਰਿਬਿਊਨਲ ਦੀ ਵਾਈਸ ਚੇਅਰ ਡੇਵਿਨ ਕਜ਼ਨਿਊ ਵਲੋਂ ਪਿਛਲੇ ਮਹੀਨੇ ਜਾਰੀ ਕੀਤੇ ਇਕ ਆਦੇਸ਼ ਵਿਚ ਕਿਹਾ ਗਿਆ ਹੈ ਕਿ ਸਕੂਲ ਡਿਸਟ੍ਰਿਕ 2018 ਦੀ ਪਤਝੜ ਵਿੱਚ ਹਾਈ ਸਕੂਲ ਵਿੱਚ ਆਈ ਮਹਿਲਾ ਵਿਦਿਆਰਥੀ ਦੀ ਮਾਨਸਿਕ ਤਣਾਅ ਦੀ ਜਾਂਚ ਕਰਨ ਅਤੇ ਉਸਦੀ ਮਦਦ ਕਰਨ ਲਈ ਉੱਚਿਤ ਕਦਮ ਚੁੱਕਣ ਵਿਚ ਅਸਫਲ ਰਿਹਾ।
ਪਰਿਵਾਰ ਵਲੋਂ 2020 ਵਿੱਚ ਇਸ ਮਾਮਲੇ ਸੰਬੰਧੀ ਮਨੁੱਖੀ ਅਧਿਕਾਰ ਟ੍ਰਿਬਿਊਨਲ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ। ਸ਼ਿਕਾਇਤ ਵਿੱਚ ਸਕੂਲ ਡਿਸਟ੍ਰਿਕ ਵਿੱਚ ਉਸਦੀ ਭਾਸ਼ਾ ਕਲਾਸ ਵਿੱਚ ਪਲੇਸਮੈਂਟ ਦੇ ਆਧਾਰ ’ਤੇ ਵਿਤਕਰੇ ਦਾ ਦੋਸ਼ ਲਗਾਇਆ ਗਿਆ ਸੀ ਜਿਸ ਕਾਰਨ ਉਸਦੀ ਹਾਲਤ ਹੋਰ ਵਿਗੜ ਗਈ ਅਤੇ ਉਸਦੀ ਪੜ੍ਹਾਈ ਵੀ ਪ੍ਰਭਾਵਿਤ ਹੋ ਗਈ।
ਫੈਸਲੇ ਵਿਚ ਇਹ ਵੀ ਕਿਹਾ ਗਿਆ ਕਿ ਵਿਦਿਆਰਥੀ ਅਨੁਸਾਰ ਵਿਦਿਆਰਥੀ ਨੂੰ ਇਹ ਵੀ ਲੱਗਾ ਕਿ ਅਧਿਆਪਕ ਉਸ ’ਤੇ ਹੱਸਿਆ ਸੀ ਪਰ ਅਧਿਆਪਕ ਵਲੋਂ ਇਹ ਦੋਸ਼ ਨਕਾਰ ਦਿੱਤੇ ਗਏ ਹਨ।
