10.4C Vancouver 10.4C VancouverNov 30, 2023 7:22 PM - Connect News
ਬੀਸੀ ਵਿੱਚ ਪਿਛਲੇ ਸਾਲ ਦੌਰਾਨ ਕਤਲ ਦੀਆਂ ਵਾਰਦਾਤਾਂ ਵਿੱਚ 21% ਦਾ ਵਾਧਾ ਦੇਖਿਆ ਗਿਆ ਹੈ। ਇਹ ਅੰਕੜੇ ਸਟੈਟਿਸਟਿਕਸ ਕੈਨੇਡਾ ਵੱਲੋਂ ਕੱਲ ਜਾਰੀ ਕੀਤੇ ਗਏ ਸਨ।
ਇਹ ਅੰਕੜੇ ਦਰਸਾਉਂਦੇ ਹਨ ਕਿ ਸੂਬੇ ਵਿੱਚ 2022 ਦੌਰਾਨ ਕਤਲ ਦੀਆਂ 155 ਵਾਰਦਾਤਾਂ ਹੋਈਆਂ ਜੋ ਪਿਛਲੇ ਸਾਲ ਨਾਲੋਂ 30 ਅਤੇ 2020 ਨਾਲੋਂ 55 ਜ਼ਿਆਦਾ ਸਨ। ਇਹ ਕਤਲ ਦੇ ਮਾਮਲੇ ਸਾਲ-ਦਰ-ਸਾਲ 21% ਦੇ ਵਾਧੇ ਨੂੰ ਦਰਸਾਉਂਦੇ ਹਨ।
ਪਿਛਲੇ ਸਾਲ ਪੂਰੇ ਕੈਨੇਡਾ ਵਿੱਚ ਕਤਲ ਦੇ ਮਾਮਲਿਆਂ ਦੀ ਦਰ ਵਿੱਚ 8% ਵਾਧਾ ਹੋਇਆ ਸੀ। ਪਿਛਲੇ ਸਾਲ ਸਾਰੇ ਸੂਬਿਆਂ ਨਾਲੋਂ ਮੈਨੀਟੋਬਾ ਵਿੱਚ ਇਹ ਵਾਧਾ ਸਭ ਤੋਂ ਜ਼ਿਆਦਾ 40% ਰਿਹਾ ਸੀ। ਉਸ ਸੂਬੇ ਵਿੱਚ ਕਤਲ 2021 ਵਿੱਚ 4.45% ਪ੍ਰਤੀ 100,000 ਆਬਾਦੀ ਤੋਂ ਵੱਧ ਕੇ 2022 ਵਿੱਚ 6.24% ਹੋ ਗਏ।
ਨਿਊ ਬਰੰਜ਼ਵਿਕ 33% ਦੇ ਵਾਧੇ ਨਾਲ ਦੂਜੇ ਨੰਬਰ 'ਤੇ ਰਿਹਾ ਜਿਸ ਤੋਂ ਬਾਅਦ ਬੀਸੀ ਅਤੇ ਕਿਊਬੈਕ ਦੋਵਾਂ ਵਿੱਚ 21% ਵਾਧਾ ਦਰਜ ਕੀਤਾ ਗਿਆ। ਮੈਟਰੋ ਵੈਨਕੂਵਰ ਵਿੱਚ ਪਿਛਲੇ ਸਾਲ 73 ਕਤਲ ਹੋਏ, ਜੋ ਪਿਛਲੇ ਸਾਲ ਨਾਲੋਂ 13 ਵੱਧ ਹਨ। ਇਹ ਪਿਛਲੇ ਸਾਲ ਦੇ ਮੁਕਾਬਲੇ 18.3% ਦੇ ਕਤਲ ਦਰ ਵਾਧੇ ਨੂੰ ਦਰਸਾਉਂਦਾ ਹੈ।
