13.28C Vancouver 13.28C VancouverDec 10, 2024 5:16 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਸਰਕਾਰ ਵਲੋਂ ਸੂਬੇ ਵਿਚ 9 ਪੌਣ ਊਰਜਾ ਪ੍ਰਾਜੈਕਟ ਨੂੰ ਹਰੀ ਝੰਡੀ ਦਿੱਤੀ ਗਈ ਹੈ, ਜਿਸ ਨਾਲ ਹਾਈਡਰੋ-ਇਲੈਕਟ੍ਰਿਕ ਗਰਿੱਡ ਵਿਚ ਪ੍ਰਤੀ ਸਾਲ 8 ਫੀਸਦੀ ਬਿਜਲੀ ਉਤਪਾਦਨ ਵਿਚ ਵਾਧਾ ਹੋਵੇਗਾ।
ਪ੍ਰੀਮੀਅਰ ਡੇਵਿਡ ਈਬੀ ਸਰਕਾਰ ਮੁਤਾਬਕ, ਇਹ ਪ੍ਰੋਜੈਕਟ 500,000 ਘਰਾਂ ਨੂੰ ਬਿਜਲੀ ਦੇਣ ਵਿਚ ਸਮਰਥ ਹੋਵੇਗਾ। ਪ੍ਰੀਮੀਅਰ ਨੇ ਕਿਹਾ ਕਿ ਹਵਾ ਦੇ ਪ੍ਰੋਜੈਕਟ ਨੂੰ 2031 ਤੱਕ ਪੂਰਾ ਕਰਨ ਦੀ ਯੋਜਨਾ ਹੈ। ਉਥੇ ਹੀ, ਬੀ.ਸੀ. ਗ੍ਰੀਨ ਪਾਰਟੀ ਨੇ ਵੀ ਇਸ ਕਦਮ ਦੀ ਸ਼ਲਾਘਾ ਕੀਤੀ ਹੈ, ਪਾਰਟੀ ਨੇ ਕਿਹਾ ਕਿ ਸੂਬੇ ਵਿਚ 9 ਪੌਣ ਊਰਜਾ ਪ੍ਰਾਜੈਕਟ ਦੀ ਘੋਸ਼ਣਾ ਸਾਫ਼ ਊਰਜਾ ਦੀ ਵਧਦੀ ਮੰਗ ਵਿਚ ਇੱਕ ਮਹੱਤਵਪੂਰਨ ਕਦਮ ਹੈ।
ਪ੍ਰੀਮੀਅਰ ਨੇ ਕਿਹਾ ਕਿ ਪ੍ਰਾਜੈਕਟ ’ਤੇ $5 ਤੋਂ $6 ਬਿਲੀਅਨ ਪ੍ਰਾਈਵੇਟ ਖਰਚ ਹੋਵੇਗਾ, ਇਨ੍ਹਾਂ ਵਿਚੋਂ 4 ਪੌਣ ਊਰਜਾ ਪ੍ਰੋਜੈਕਟ ਬੀ.ਸੀ. ਅੰਦਰੂਨੀ ਵਿਚ, 4 ਨਾਰਥ ਵਿਚ ਅਤੇ ਇੱਕ ਵੈਨਕੂਵਰ ਆਈਲੈਂਡ ਵਿਚ ਸਥਾਪਤ ਹੋਵੇਗਾ।
