15.25C Vancouver 15.25C VancouverAug 12, 2021 9:10 PM -
ਬੀ.ਸੀ. 'ਚ ਸਿਹਤ ਅਧਿਕਾਰੀਆਂ ਨੇ ਐਲਾਨ ਕੀਤਾ ਹੈ ਕਿ ਸੂਬੇ ਦੇ ਸਾਰੇ ਲੌਂਗ ਟਰਮ ਕੇਅਰ ਵਰਕਰਾਂ ਨੂੰ ਪੂਰੀ ਤਰ੍ਹਾਂ ਵੈਕਸੀਨੇਟ ਹੋਣਾ ਜ਼ਰੂਰੀ ਹੋਵੇਗਾ।
ਇਹ ਐਲਾਨ ਸਿਹਤ ਮੰਤਰੀ ਐਡਰੀਅਨ ਡਿਕਸ ਅਤੇ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਇੱਕ ਨਿਊਜ ਕਾਨਫਰੰਸ ਦੌਰਾਨ ਕੀਤਾ।
ਸਾਰੇ ਲੌਂਗ ਟਰਮ ਕੇਅਰ ਵਰਕਰਾਂ ਨੂੰ 12 ਅਕਤੂਬਰ ਤਕ ਪੂਰੀ ਤਰ੍ਹਾਂ ਵੈਕਸੀਨੇਟ ਹੋਣ ਦਾ ਸਮਾਂ ਦਿੱਤਾ ਗਿਆ ਹੈ।
ਜੇਕਰ ਵਰਕਰ ਅਜਿਹਾ ਨਹੀਂ ਕਰਦੇ ਤਾਂ ਉਨ੍ਹਾਂ ਨੂੰ ਲੌਂਗ ਟਰਮ ਕੇਅਰ ਥਾਵਾਂ 'ਤੇ ਕੰਮ ਕਰਨ ਦੀ ਇਜਾਜਤ ਨਹੀਂ ਮਿਲੇਗੀ।
ਅਜਿਹੇ ਹੀ ਨਿਰਦੇਸ਼ ਵੋਲੰਟੀਅਰਸ ਅਤੇ ਪਰਸਨਲ ਸਰਵਿਸ ਵਰਕਰਾਂ ਲਈ ਵੀ ਜਾਰੀ ਕੀਤੇ ਗਏ ਹਨ ਜੋ ਕਿ ਲੌਂਗ ਟਰਮ ਕੇਅਰ ਸੈਂਟਰਾਂ 'ਚ ਸੇਵਾਵਾਂ ਦਿੰਦੇ ਹਨ।
ਮੈਂਡੇਟੋਰੀ ਵੈਕਸੀਨੇਸ਼ਨ ਨੂੰ ਐਂਪਲਾਇਮੈਂਟ ਦੀ ਕੰਡੀਸ਼ਨ ਬਣਾਇਆ ਜਾ ਰਿਹਾ ਹੈ।
ਅਜਿਹਾ ਸਾਰੀਆਂ ਸੀਨੀਅਰਸ ਅਸਿਸਟਿਡ ਲਿਵਿੰਗ ਅਤੇ ਲੌਂਗ ਟਰਮ ਕੇਅਰ ਸੈਂਟਰਸ ਲਈ ਹੋਵੇਗਾ।
ਡਾ. ਹੈਨਰੀ ਨੇ ਕਿਹਾ ਕਿ ਪਬਲਿਕ ਹੈਲਥ ਨੂੰ ਸਾਰੇ ਲੌਂਗ ਟਰਮ ਕੇਅਰ ਵਰਕਰਾਂ ਦੀ ਵੈਕਸੀਨੇਸ਼ਨ ਸੰਬੰਧੀ ਜਾਣਕਾਰੀ ਉਪਲਬਧ ਕਰਵਾਉਣੀ ਹੋਵੇਗੀ।
