10.98C Vancouver 10.98C VancouverSep 10, 2024 7:57 PM - The Canadian Press
ਬੀ.ਸੀ. ਸਰਕਾਰ ਵਲੋਂ 6 ਮਹੀਨਿਆਂ ’ਚ 154 ਭਾਲੂਆਂ ਦੀ ਮੌਤ ਤੋਂ ਬਾਅਦ ਇਕ ਪੈਨਲ ਦਾ ਗਠਨ ਕੀਤਾ ਗਿਆ ਹੈ। ਅਸਲ ਵਿਚ ਸੂਬੇ ਵਿਚ ਭਾਲੂਆਂ ਨੂੰ ਮਾਰਨ ਦੀ ਸੰਖਿਆ ਨੂੰ ਘਟਾਉਣ ਲਈ ਬੀ.ਸੀ. ਸਰਕਾਰ ਵਲੋਂ ਇਕ ਬੀਅਰ ਵੈਲਫੇਅਰ ਗਰੁੱਪ ਨਾਲ ਭਾਈਵਾਲੀ ਕੀਤੀ ਜਾ ਰਹੀ ਹੈ। ਗ੍ਰੀਜ਼ਲੀ ਬੀਅਰ ਫਾਊਂਡੇਸ਼ਨ ਦੇ ਕਾਰਜਕਾਰੀ ਨਿਰਦੇਸ਼ਕ, ਨਿਕੋਲਸ ਸਕੈਪਿਲਾਟੀ ਦਾ ਕਹਿਣਾ ਹੈ ਕਿ ਇਹ ਫੈਸਲਾ ਸੂਬੇ ਨਾਲ ਮਹੀਨਿਆਂ ਦੇ ਲੰਮੇ ਵਿਚਾਰ -ਵਟਾਂਦਰੇ ਤੋਂ ਬਾਅਦ ਆਇਆ ਹੈ ਕਿ ਭਾਲੂਆਂ ਦੀ ਰੱਖਿਆ ਕਿਵੇਂ ਕੀਤੀ ਜਾਵੇ, ਜਿਸ ਦਾ ਟੀਚਾ ਜਾਨਵਰਾਂ ਨੂੰ ਜੰਗਲੀ ਜੀਵਨ ਦਾ ਬਿਹਤਰ ਅਤੇ ਦੂਜਾ ਮੌਕਾ ਦੇਣਾ ਹੈ।
ਵਾਤਾਵਰਣ ਮੰਤਰੀ ਜਾਰਜ ਹੇਮੈਨ ਨੇ ਇਕ ਬਿਆਨ ਵਿਚ ਕਿਹਾ ਕਿ ਉਹ ਇਹ ਯਕੀਨੀ ਬਣਾਉਣ ਲਈ ਨਵੇਂ ਤਰੀਕਿਆਂ ਦੀ ਤਲਾਸ਼ ਕਰ ਰਹੇ ਹਨ ਕਿ ਕੰਜ਼ਰਵੇਸ਼ਨ ਅਫਸਰਾਂ ਨੂੰ ਉਨ੍ਹਾਂ ਕਮਿਊਨਿਟੀਆਂ ਦਾ ਭਰੋਸਾ ਹੋਵੇ ਜਿਨ੍ਹਾਂ ਦੀ ਉਹ ਸੇਵਾ ਕਰਦੇ ਹਨ ਅਤੇ ਪੈਨਲ ਅਧਿਕਾਰੀਆਂ ਦੀ ਸਿਖਲਾਈ ਵਧਾਉਣ ਅਤੇ ਨੀਤੀਆਂ ਵਿਚ ਸੁਧਾਰ ਕਰਨ ਲਈ ਵੀ ਸਿਫਾਰਸ਼ਾਂ ਕਰੇਗਾ।
ਜ਼ਿਕਰਯੋਗ ਹੈ ਕਿ ਬੀ.ਸੀ. ਸਰਕਾਰ ਦੇ ਅੰਕੜੇ ਦਰਸਾਉਂਦੇ ਹਨ ਕਿ ਪਿਛਲੇ ਸਾਲਕੰਜ਼ਰਵੇਸ਼ਨ ਅਫਸਰਾਂ ਨੇ 603 ਕਾਲੇ ਅਤੇ 23 ਗ੍ਰੀਜ਼ਲੀ ਭਾਲੂਆਂ ਨੂੰ ਮਾਰ ਦਿੱਤਾ ਸੀ ਜਿਨ੍ਹਾਂ ਵਿਚੋਂ 154 ਕਾਲੇ ਭਾਲੂਆਂ ਨੂੰ ਤਾਂ ਪਹਿਲੇ 6 ਮਹੀਨਿਆਂ ਵਿਚ ਹੀ ਮਾਰ ਦਿੱਤਾ ਗਿਆ ਸੀ।
