11.79C Vancouver 11.79C VancouverApr 8, 2022 12:25 AM - Connect News
ਬੀ.ਸੀ. ਸਰਕਾਰ ਨੇ ਕੋਵਿਡ-19 ਸੰਬੰਧੀ ਅਪਡੇਟ ਸਾਂਝੀ ਕਰਨ ਸੰਬੰਧੀ ਇੱਕ ਅਹਿਮ ਬਦਲਾਅ ਕਰ ਦਿੱਤਾ ਹੈ।
ਹੁਣ ਤੋਂ ਕੋਵਿਡ-19 ਸੰਬੰਧੀ ਹਰ ਰੋਜ਼ ਸਾਂਝੀ ਕੀਤੀ ਜਾਣ ਵਾਲੀ ਅਪਡੇਟ ਹਫ਼ਤੇ 'ਚ ਇੱਕੋ ਵਾਰ ਸਾਂਝੀ ਕੀਤੀ ਜਾਇਆ ਕਰੇਗੀ।
ਇਸ ਸੰਬੰਧੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਇਸੇ ਹਫ਼ਤੇ ਦੀ ਪ੍ਰੈਸ ਕਾਨਫਰੰਸ ਦੌਰਾਨ ਵੀ ਜਾਣਕਾਰੀ ਸਾਂਝੀ ਕੀਤੀ ਸੀ।
ਉਨ੍ਹਾਂ ਦਾ ਕਹਿਣਾ ਸੀ ਕਿ ਹੁਣ ਕੇਸ ਮੈਨੇਜਮੈਂਟ ਮਾਡਲ ਦੀ ਜਗ੍ਹਾ ਸਰਵੇਲੈਂਸ ਮੈਨੇਜਮੈਂਟ ਮਾਡਲ ਦੀ ਪਹੁੰਚ ਅਪਣਾਈ ਜਾਵੇਗੀ।
ਵੀਕਲੀ ਰਿਪੋਰਟਸ ਵਿੱਚ ਅਹਿਮ ਕੋਵਿਡ-19 ਨਾਪਤੋਲ ਅਤੇ ਟਰੈਂਡਸ 'ਚ ਅਰਥਪੂਰਨ ਬਦਲਾਅ ਨੂੰ ਆਈਡੈਂਟੀਫਾਈ ਕਰਨ 'ਤੇ ਫੋਕਸ ਕੀਤਾ ਜਾਵੇਗਾ।
ਇਹ ਵੀ ਦੱਸਿਆ ਗਿਆ ਹੈ ਕਿ ਮੌਤਾਂ ਸੰਬੰਧੀ ਹੋਣ ਵਾਲੀ ਰਿਪੋਰਟਿੰਗ 'ਚ ਵੀ ਬਦਲਾਅ ਹੋਵੇਗਾ ਅਤੇ ਕਿਸੇ ਵਿਅਕਤੀ ਦੇ ਪਾਜੀਟਿਵ ਲੈਬ ਟੈਸਟ ਦੇ 30 ਦਿਨਾਂ 'ਚ ਹੋਣ ਵਾਲੀਆਂ ਮੌਤਾਂ ਦਾ ਅੰਕੜਾ ਸਾਂਝਾ ਕੀਤਾ ਜਾਵੇਗਾ।
ਇਸ 'ਚ ਇਹ ਨਹੀਂ ਵੇਖਿਆ ਜਾਵੇਗਾ ਕਿ ਪਾਜੀਟਿਵ ਪਾਏ ਜਾਣ ਤੋਂ ਬਾਅਦ ਮੌਤ ਸੰਬੰਧੀ ਕੋਈ ਹੋਰ ਅੰਡਰਲਾਇੰਗ ਕੰਡੀਸ਼ਨਸ ਤਾਂ ਕਾਰਨ ਨਹੀਂ ਸਨ।
ਹੁਣ ਤਕ ਕਿਸੇ ਵੀ ਕੋਵਿਡ-19 ਪਾਜੀਟਿਵ ਪੀੜਤ ਦੀ ਮੌਤ ਤੋਂ ਬਾਅਦ ਰੀਵਿਊ ਕੀਤਾ ਜਾਂਦਾ ਸੀ ਕਿ ਮੌਤ ਦਾ ਕਾਰਨ ਇਨਫੈਕਸ਼ਨ ਹੀ ਸੀ ਜਾਂ ਕੁਝ ਹੋਰ।
ਮੰਤਰਾਲੇ ਦਾ ਕਹਿਣਾ ਹੈ ਕਿ ਇਸ ਦਾ ਅਰਥ ਹੈ ਕਿ ਕੁਝ ਅਜਿਹੀਆਂ ਮੌਤਾਂ ਵੀ ਰਿਪੋਰਟ ਹੋਣਗੀਆਂ ਜੋ ਕਿ ਸਿੱਧੇ ਤੌਰ 'ਤੇ ਕੋਵਿਡ-19 ਨਾਲ ਸੰਬੰਧਤ ਨਾ ਹੋਣ।
ਬੀ.ਸੀ. ਸਰਕਾਰ ਵੱਲੋਂ ਜਾਰੀ ਜਾਣਕਾਰੀ ਪੜ੍ਹਨ ਲਈ ਲਿੰਕ ਕਲਿਕ ਕਰੋ:
