15.63C Vancouver 15.63C VancouverAug 9, 2021 10:19 PM -
ਬੀ.ਸੀ. 'ਚ ਵੈਕਸੀਨੇਸ਼ਨ ਪ੍ਰੀਕਿਰਿਆ 'ਚ ਕੁਝ ਬਦਲਾਅ ਕੀਤਾ ਗਿਆ ਹੈ।
ਪਹਿਲੀ ਅਤੇ ਦੂਜੀ ਵੈਕਸੀਨ ਖੁਰਾਕ ਦੀ ਸਮੇਂ-ਸੀਮਾ 'ਚ ਬਦਲਾਅ ਦਾ ਫੈਸਲਾ ਲਿਆ ਗਿਆ ਹੈ।
ਸੋਮਵਾਰ ਨੂੰ ਇਸ ਦੀ ਜਾਣਕਾਰੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਵੱਲੋਂ ਸਾਂਝੀ ਕੀਤੀ ਗਈ ਇੱਕ ਵੈਕਸੀਨ ਅਪਡੇਟ 'ਚ ਸਾਂਝੀ ਕੀਤੀ ਗਈ।
ਇਸ ਬਦਲਾਅ ਤੋਂ ਬਾਅਦ ਹੁਣ ਲੋਕਾਂ ਨੂੰ ਦੂਜੀ ਖੁਰਾਕ ਹਾਸਿਲ ਕਰਨ ਲਈ 28 ਦਿਨ ਤੋਂ ਬਾਅਦ ਹੀ ਸੱਦਾ ਦਿੱਤਾ ਜਾਵੇਗਾ। ਇਸ ਤੋਂ ਪਹਿਲਾਂ 49 ਦਿਨਾਂ ਦੇ ਫਰਕ 'ਤੇ ਦੂਜੀ ਖੁਰਾਕ ਦੀ ਐਲੀਜੀਬਿਲਿਟੀ ਹੁੰਦੀ ਸੀ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਇਹ ਬਦਲਾਅ ਇਸ ਉਮੀਦ ਨਾਲ ਕੀਤਾ ਜਾ ਰਿਹਾ ਹੈ ਕਿ ਇੰਟੀਰੀਅਰ ਇਲਾਕਿਆਂ ਦੀ ਤਰ੍ਹਾਂ ਆਊਟਬ੍ਰੇਕਸ ਦਾ ਸਾਹਮਣਾ ਕਰ ਰਹੇ ਖੇਤਰਾਂ 'ਚ ਮਦਦ ਹੋ ਸਕੇ।
ਡਾ. ਹੈਨਰੀ ਨੇ ਕਿਹਾ ਕਿ ਦੂਜੀ ਵੈਕਸੀਨ ਲਈ ਉਡੀਕ ਦਾ ਚੰਗਾ ਸਮਾਂ 6 ਤੋਂ 10 ਹਫ਼ਤੇ ਦੇ ਦਰਮਿਆਨ ਮੰਨਿਆ ਜਾਂਦਾ ਹੈ।
ਇਸ ਬਦਲਾਅ ਤੋਂ ਬਾਅਦ ਸੂਬੇ ਦੇ 170,000 ਦੇ ਕਰੀਬ ਲੋਕਾਂ ਨੂੰ ਵੈਕਸੀਨ ਦੀਆਂ ਦੂਜੀਆਂ ਖੁਰਾਕਾਂ ਹਾਸਿਲ ਕਰਨ ਲਈ ਸੱਦਾ ਦਿੱਤਾ ਜਾਵੇਗਾ।
ਡਾ. ਹੈਨਰੀ ਨੇ ਕਿਹਾ ਕਿ ਕੋਵਿਡ-19 ਤੋਂ ਵਧੇਰੇ ਪੀੜਤ ਲੋਕਾਂ 'ਚ ਉਹ ਲੋਕ ਹਨ ਜਿੰਨਾ ਨੇ ਕਿ ਵੈਕਸੀਨ ਹਾਸਿਲ ਨਹੀਂ ਕੀਤੀ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਡੈਲਟਾ ਵੇਰੀਐਂਟ ਦੇ ਕਾਰਨ ਇਮਿਊਨਾਈਜ ਹੋ ਚੁੱਕੇ ਲੋਕ ਵੀ ਪ੍ਰਭਾਵਿਤ ਹੋ ਸਕਦੇ ਹਨ।
