12.97C Vancouver 12.97C VancouverSep 15, 2023 5:32 PM - The Canadian Press
ਪੰਜਾਬ ਇੰਡੀਪੈਂਡੈਂਸ ਰੈਫਰੰਡਮ ਕਰਵਾਉਣ ਵਾਲੇ ਸਿੱਖ ਫਾਰ ਜਸਟਿਸ ਦਾ ਕਹਿਣਾ ਹੈ ਕਿ ਇਸ ਰੈਫਰੰਡਮ ਵਿੱਚ ਹੁਣ ਹਰਦੀਪ ਸਿੰਘ ਨਿੱਝਰ ਦੇ ਕਤਲ ਨਾਲ ਜੁੜੇ ਸਵਾਲ ਵੀ ਜੋੜ੍ਹੇ ਜਾਣਗੇ।
ਇੰਡੀਪੈਂਡੈਂਟ ਪੰਜਾਬ ਵਾਸਤੇ ਕਰਵਾਏ ਜਾ ਰਹੇ ਰੈਫਰੰਡਮ ਦੇ ਅਗਲੇ ਗੇੜ ਵਿੱਚ ਹੁਣ ਇਹ ਸਵਾਲ ਕੀਤੇ ਜਾਣਗੇ ਕਿ ਬੀਸੀ ਵਿੱਚ ਕਤਲ ਕੀਤੇ ਗਏ ਹਰਦੀਪ ਸਿੰਘ ਨਿੱਝਰ ਦੀ ਹੱਤਿਆ ਲਈ ਭਾਰਤ ਦੇ ਹਾਈ ਕਮਿਸ਼ਨਰ ਸੰਜੇ ਵਰਮਾ ਨੂੰ ਜ਼ਿੰਮੇਵਾਰ ਠਹਿਰਾਇਆ ਜਾਵੇਗਾ ਜਾਂ ਨਹੀਂ।
ਹਾਲਾਂਕਿ ਪੁਲਿਸ ਦਾ ਕਹਿਣਾ ਹੈ ਕਿ ਨਿੱਝਰ ਦੀ ਮੌਤ ਦਾ ਵਿਦੇਸ਼ੀ ਦਖਲ ਨਾਲ ਕੋਈ ਸਬੰਧ ਨਹੀਂ ਹੈ।
ਸਰੀ ਵਿੱਚ 29 ਅਕਤੂਬਰ ਨੂੰ ਦੂਜੇ ਗੇੜ ਦੀ ਵੋਟਿੰਗ ਹੋਣੀ ਹੈ।
ਪਿਛਲੇ ਹਫ਼ਤੇ ਇਸ ਰੈਫਰੰਡਮ 'ਤੇ ਵੋਟਾਂ ਸਰੀ ਦੇ ਗੁਰੂ ਨਾਨਕ ਸਿੱਖ ਗੁਰੂਦੁਆਰਾ ਸਾਹਿਬ ਵਿਖੇ ਹੋਈਆਂ ਸਨ।
29 ਅਕਤੂਬਰ ਨੂੰ ਹੋਣ ਵਾਲੀਆਂ ਵੋਟਾਂ ਵੀ ਗੁਰੂਦੁਆਰਾ ਸਾਹਿਬ ਵਿਖੇ ਹੋਣਗੀਆਂ।
ਸਿੱਖ ਫਾਰ ਜਸਟਿਸ ਦਾ ਦਾਅਵਾ ਹੈ ਕਿ ਪਹਿਲੇ ਗੇੜ ਵਿੱਚ 135,000 ਦੇ ਕਰੀਬ ਸਿੱਖਾਂ ਨੇ ਵੋਟ ਪਾਈ ਹੈ।
ਜ਼ਿਕਰਯੋਗ ਹੈ ਕਿ ਜਿਸ ਦਿਨ ਸਰੀ ਵਿੱਚ ਇਹ ਰੈਫਰੰਡਮ ਚੋਣਾਂ ਹੋਈਆਂ ਸਨ ਉਸ ਦਿਨ ਇੰਡੀਆ ਵਿੱਚ ਜੀ 20 ਸੰਮੇਲਨ ਦੌਰਾਨ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਕੋਲ ਇਸ ਸੰਬੰਧੀ ਆਪਣੀ ਚਿੰਤਾ ਵੀ ਪ੍ਰਗਟਾਈ ਸੀ।
ਦੱਸ ਦਈਏ ਕਿ ਹਰਦੀਪ ਸਿੰਘ ਨਿੱਝਰ ਦਾ ਕਤਲ 18 ਜੂਨ ਦੀ ਰਾਤ ਗੁਰੂ ਨਾਨਕ ਸਿੱਖ ਗੁਰਦੁਆਰਾ ਸਾਹਿਬ ਦੀ ਪਾਰਕਿੰਗ ਵਿਚ ਹੋਇਆ ਸੀ।
