20.68C Vancouver 20.68C VancouverMay 21, 2025 7:32 PM -
ਅੰਤਰਰਾਸ਼ਟਰੀ ਸਲੈਕਲਾਈਨ ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਸਕਵਾਮਿਸ਼ ਕੋਲ ਜਾਨਲੇਵਾ ਘਟਨਾ ਉਸ ਵੇਲੇ ਵਾਪਰੀ ਜਦ ਔਰਤ ਸੇਫਟੀ ਲੀਸ਼ ਨੂੰ ਮੁੜ ਤੋਂ ਬੰਨਣਾ ਭੁੱਲ ਗਈ ਸੀ।
ਨਤੀਜੇ ਵਜੋਂ ਸਲੈਕਲਾਈਨ 'ਤੇ ਤੁਰਦੀ 22 ਸਾਲਾ ਔਰਤ 80 ਮੀਟਰ ਹੇਠਾਂ ਆ ਡਿੱਗੀ ਸੀ ਅਤੇ ਉਸ ਦੀ ਮੌਤ ਹੋ ਗਈ ਸੀ।
ਪੀੜਤ ਨੇ ਹਾਲ 'ਚ ਯੂਨੀਵਰਸਿਟੀ ਆਫ ਬ੍ਰਿਟਿਸ਼ ਕੋਲੰਬੀਆ (ਯੂ.ਬੀ.ਸੀ.) ਤੋਂ ਗਰੈਜੂਏਸ਼ਨ ਕੀਤੀ ਸੀ।
ਸਕਵਾਮਿਸ਼ ਆਰ.ਸੀ.ਐਮ.ਪੀ. ਕੋਲ ਘਟਨਾ ਸੰਬੰਧੀ ਸ਼ਨੀਵਾਰ ਨੂੰ ਦੁਪਹਿਰ ਦੇ ਸਮੇਂ ਜਾਣਕਾਰੀ ਪਹੁੰਚੀ ਸੀ। ਘਟਨਾ ਚੈਕ ਕੈਨੇਅਨ ਰੈਕਰੀਏਸ਼ਨ ਏਰੀਆ ਕੋਲ ਵਾਪਰੀ ਸੀ।
ਫਰਸਟ ਰਿਸਪਾਂਡਰਸ ਦਾ ਕਹਿਣਾ ਸੀ ਕਿ ਪੀੜਤ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ ਸੀ।
ਅੰਤਰਰਾਸ਼ਟਰੀ ਸਲੈਕਲਾਈਨ ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਔਰਤ ਨੇ ਪਹਿਲਾਂ ਲਾਈਨ ਦੇ ਨਾਲ ਸੇਫਟੀ ਲੀਸ਼ ਲਗਾਈ ਹੋਈ ਸੀ, ਪਰ ਕਸਣ ਦੀ ਕੋਸ਼ਿਸ਼ ਦੌਰਾਨ ਉਸ ਨੇ ਲੀਸ਼ ਖੋਲ੍ਹ ਲਈ ਸੀ ਅਤੇ ਫਿਰ ਲੀਸ਼ ਬੰਨਣਾ ਭੁੱਲ ਗਈ। ਐਸੋਸੀਏਸ਼ਨ ਅਨੁਸਾਰ ਲੀਸ਼ ਬੰਨਣਾ ਭੁੱਲ ਜਾਣਾ ਹਾਈਲਾਈਨਿੰਗ 'ਚ ਮੌਤਾਂ ਦੇ ਵੱਡੇ ਕਾਰਨਾਂ ਵਿੱਚ ਸ਼ਾਮਿਲ ਹੈ।
