12.67C Vancouver 12.67C VancouverMay 3, 2022 1:25 AM - The Canadian Press
ਬੀ.ਸੀ. 'ਚ ਪ੍ਰੋਵਿੰਸ਼ੀਅਲ ਸਰਕਾਰ ਦਾ ਕਹਿਣਾ ਹੈ ਕਿ ਅੱਜ ਪੇਸ਼ ਕੀਤੇ ਗਏ 'ਐਂਟੀ ਰੇਸਿਸਮ ਡਾਟਾ ਐਕਟ' ਆਸਰੇ ਇੰਡੀਜਨਸ ਅਤੇ ਸਿਆਹ ਰੰਗ ਦੇ ਲੋਕਾਂ ਲਈ ਜਾਰੀ ਪ੍ਰੋਗਰਾਮਸ ਅਤੇ ਸੇਵਾਵਾਂ 'ਚ ਗੈਪ ਲੱਭਣ 'ਚ ਮਦਦ ਹੋ ਸਕੇਗੀ।
ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਨਾਲ ਸੂਬੇ 'ਚ ਭੇਦਭਾਵ ਦਾ ਸਾਹਮਣਾ ਕਰ ਰਹੇ ਹੋਰ ਲੋਕਾਂ ਲਈ ਵੀ ਮਦਦ ਹੋ ਸਕੇਗੀ।
ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਸਿਸਟਮਿਕ ਨਸਲਵਾਦ ਅਤੇ ਕੋਲੋਨੀਅਲਿਜਮ ਦੇ ਅੰਤ ਲਈ ਇਹ ਲੈਜਿਸਲੇਸ਼ਨ ਇੱਕ ਅਹਿਮ ਕਦਮ ਹੈ।
ਉਨ੍ਹਾਂ ਕਿਹਾ ਕਿ ਸਿਸਟਮਿਕ ਨਸਲਵਾਦ ਅਤੇ ਕੋਲੋਨੀਅਲਿਜਮ ਕਾਰਨ ਲੋਕਾਂ ਨੂੰ ਸਿੱਖਿਆ, ਐਂਪਲਾਇਮੈਂਟ ਅਤੇ ਹਾਊਸਿੰਗ ਜਿਹੇ ਮਸਲਿਆਂ 'ਚ ਵੀ ਨੁਕਸਾਨ ਝੱਲਣਾ ਪਿਆ ਹੈ।
ਹੌਰਗਨ ਨੇ ਕਿਹਾ ਕਿ ਐਂਟੀ-ਰੇਸਿਸਮ ਕਾਰਜਾਂ ਲਈ ਇਕੱਤਰ ਕੀਤੇ ਡਾਟਾ ਆਸਰੇ ਕੁਝ ਅੜਿੱਕਿਆਂ ਬਾਰੇ ਤਸਵੀਰ ਸਪਸ਼ਟ ਹੋਵੇਗੀ ਅਤੇ ਸੂਬਾ ਸਰਕਾਰ ਇਨ੍ਹਾਂ ਅੜਿੱਕਿਆਂ ਨੂੰ ਦੂਰ ਕਰਨ ਦਾ ਕੰਮ ਕਰੇਗੀ।
ਸਰਕਾਰ ਦਾ ਕਹਿਣਾ ਹੈ ਕਿ ਇੱਕ ਸਰਵੇਖਣ 'ਚ ਸ਼ਾਮਿਲ ਹੋਏ 90% ਤੋਂ ਵੀ ਵਧੇਰੇ ਰੇਸ਼ੀਅਲਾਈਜਡ ਲੋਕਾਂ ਦਾ ਕਹਿਣਾ ਸੀ ਕਿ ਐਥਨੀਸਿਟੀ, ਜੈਂਡਰ ਆਈਡੈਂਟਟੀ ਅਤੇ ਫੇਥ ਸੰਬੰਧੀ ਇਕੱਤਰ ਕੀਤੇ ਡਾਟਾ ਆਸਰੇ ਬੀ.ਸੀ. 'ਚ ਬਦਲਾਅ ਆਵੇਗਾ ਅਤੇ ਸਰਕਾਰ 'ਚ ਭਰੋਸਾ ਵਧੇਗਾ।
