13.2C Vancouver 13.2C VancouverDec 21, 2021 11:28 PM - The Canadian Press
ਬੀ.ਸੀ. ਦੇ ਵਿੱਚ ਕੋਵਿਡ-19 ਦੇ ਨਵੇਂ ਵੇਰੀਐਂਟ ਓਮੀਕਰੌਨ ਸੰਬੰਧੀ ਵਧਦੇ ਮਾਮਲਿਆਂ ਵਿਚਾਲੇ ਨਵੀਆਂ ਪਬੰਦੀਆਂ ਐਲਾਨ ਦਿੱਤੀਆਂ ਗਈਆਂ ਹਨ।
ਸੂਬੇ ਦੇ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਐਲਾਨ ਕੀਤਾ।
ਇਹ ਪਬੰਦੀਆਂ 22 ਦਿਸੰਬਰ ਰਾਤ 11.59 ਵਜੇ ਤੋਂ ਲਾਗੂ ਹੋ ਰਹੀਆਂ ਹਨ ਅਤੇ 18 ਜਨਵਰੀ ਤਕ ਜਾਰੀ ਰਹਿਣਗੀਆਂ।
ਬੀ.ਸੀ. ਦੇ ਵਿੱਚ ਨਾਈਟਕਲੱਬਸ, ਬਾਰਸ ਅਤੇ ਜਿੰਮਸ ਨੂੰ ਬੰਦ ਕੀਤਾ ਜਾ ਰਿਹਾ ਹੈ।
ਜਿੰਮ, ਫਿਟਨੈਸ ਸੈਂਟਰ ਅਤੇ ਡਾਂਸ ਸਟੂਡੀਓਸ ਨੂੰ ਵੀ ਬੰਦ ਕਰਨ ਦਾ ਐਲਾਨ ਕੀਤਾ ਗਿਆ ਹੈ।
ਸਿਨੇਮਾ ਘਰਾਂ, ਥੀਏਟਰਸ ਅਤੇ ਸਪੋਰਟਸ ਅਰੀਨਾਸ ਵਿੱਚ ਇਕੱਠ ਨੂੰ 50% ਤਕ ਸੀਮਤ ਕਰਨ ਦੇ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ।
ਰੈਸਟੂਰੈਂਟਾਂ ਵਿੱਚ ਇੱਕ ਟੇਬਲ 'ਤੇ ਵੱਧ ਤੋਂ ਵੱਧ 6 ਲੋਕਾਂ ਦੇ ਬੈਠਣ ਦੀ ਇਜਾਜਤ ਹੋਵੇਗੀ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਬੀ.ਸੀ. ਵੈਕਸੀਨ ਕਾਰਡ ਅਤੇ ਕਿਊ.ਆਰ. ਕੋਡਸ ਦੀ ਜਾਂਚ ਨੂੰ ਪੁਖਤਾ ਕਰਨਾ ਬੇਹੱਦ ਜਰੂਰੀ ਹੋਵੇਗਾ।
ਇਸ ਤੋਂ ਇਲਾਵਾ ਇੰਡੋਰ ਵਿਆਹਾਂ, ਨਵੇਂ ਸਾਲ ਦੀਆਂ ਪਾਰਟੀਆਂ ਅਤੇ ਹੋਰ ਅਜਿਹੇ ਈਵੈਂਟਸ 'ਤੇ ਵੀ ਪਬੰਦੀ ਲਗਾਈ ਜਾ ਰਹੀ ਹੈ।
ਇਹ ਈਵੈਂਟ ਰੱਦ ਕੀਤੇ ਜਾ ਰਹੇ ਹਨ ਅਤੇ ਇਸ 'ਚ ਕਿਸੇ ਵੀ ਪੱਧਰ ਦੇ ਇਕੱਠ ਦੀ ਇਜਾਜਤ ਨਹੀਂ ਦਿੱਤੀ ਜਾ ਰਹੀ ਹੈ।
ਹਾਲਾਂਕਿ ਨਿਜੀ ਇਕੱਠਾਂ ਸੰਬੰਧੀ ਸ਼ੁੱਕਰਵਾਰ ਨੂੰ ਐਲਾਨੀਆਂ ਪਬੰਦੀਆਂ ਹੀ ਜਾਰੀ ਰਹਿਣਗੀਆਂ।
ਇਸ ਦਾ ਅਰਥ ਹੈ ਕਿ ਜੇਕਰ ਸਾਰੇ ਲੋਕ ਵੈਕਸੀਨੇਟਿਡ ਹੋਣ ਤਾਂ ਰੈਂਟਲ, ਵਕੇਸ਼ਨ ਪ੍ਰਾਪਰਟੀਆਂ ਅਤੇ ਰਿਜ਼ੌਰਟਸ ਸਮੇਤ ਇੰਡੋਰ ਇਕੱਠਾਂ ਨੂੰ ਹਾਊਸਓਲਡਸ ਅਤੇ ਰੈਜ਼ੀਡੈਂਟਸ ਤੋਂ ਇਲਾਵਾ 10 ਹੋਰ ਲੋਕਾਂ ਤਕ ਸੀਮਤ ਰੱਖਿਆ ਗਿਆ ਹੈ।
ਅਨਵੈਕਸੀਨੇਟਿਡ ਲੋਕਾਂ ਸੰਬੰਧੀ ਅਜਿਹੀ ਕਿਸੇ ਵੀ ਇਕੱਤਰਤਾ 'ਤੇ ਰੋਕ ਲਗਾਈ ਗਈ ਹੈ।
ਬੀ.ਸੀ. 'ਚ ਓਮੀਕਰੌਨ ਵੇਰੀਐਂਟ ਦੇ ਮਾਮਲਿਆਂ 'ਚ ਹੋ ਰਿਹਾ ਵਾਧਾ
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਇਹ ਨਵਾਂ ਵੇਰੀਐਂਟ ਤੇਜੀ ਨਾਲ ਡੈਲਟਾ ਵੇਰੀਐਂਟ ਦੀ ਜਗ੍ਹਾ ਲੈਣ ਲੱਗਿਆ ਹੈ।
ਉਨ੍ਹਾਂ ਕਿਹਾ ਕਿ ਇਸ ਵੇਰੀਐਂਟ ਦੀ ਟਰਾਂਸਮਿਸ਼ਨ ਡੈਲਟਾ ਵੇਰੀਐਂਟ ਤੋਂ ਵਧੇਰੇ ਹੈ।
ਇਸ ਵੇਰੀਐਂਟ ਨਾਲ ਪਹਿਲਾਂ ਕੋਵਿਡ-19 ਤੋਂ ਇੰਫੈਕਟ ਹੋ ਚੁੱਕੇ ਲੋਕ ਅਤੇ ਵੈਕਸੀਨ ਹਾਸਿਲ ਕਰ ਚੁੱਕੇ ਲੋਕ ਵੀ ਫਿਰ ਤੋਂ ਇੰਫੈਕਟ ਹੋ ਰਹੇ ਹਨ।
ਇਸ ਵੇਰੀਐਂਟ ਦੇ ਬੀ.ਸੀ. 'ਚ 18 ਤੋਂ 35 ਸਾਲ ਦੇ ਉਮਰ ਵਰਗ ਵਿਚਾਲੇ ਬਹੁਤੇ ਮਾਮਲੇ ਰਿਪੋਰਟ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਸ ਦੇ ਵੈਨਕੂਵਰ ਕੋਸਟਲ ਹੈਲਥ ਅਤੇ ਫਰੇਜ਼ਰ ਹੈਲਥ 'ਚ ਮਾਮਲੇ ਤੇਜੀ ਨਾਲ ਵਧਣ ਦੀ ਜਾਣਕਾਰੀ ਵੀ ਦਿੱਤੀ ਗਈ ਹੈ।
ਇਸ ਵਿਚਾਲੇ ਹਸਪਤਾਲਾਂ 'ਚ ਦਾਖਲਿਆਂ ਦੇ ਵਧਣ ਦਾ ਖਤਰਾ ਮੰਡਰਾ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਇਹ ਪਬੰਦੀਆਂ ਲਗਾਉਣੀਆਂ ਇਸਲਈ ਵੀ ਜਰੂਰੀ ਹਨ ਕਿ ਇਸ ਵੇਰੀਐਂਟ ਬਾਰੇ ਹੋਰ ਜਾਨਣ ਲਈ ਸਮਾਂ ਮਿਲ ਸਕੇ।
