12.42C Vancouver 12.42C VancouverOct 21, 2025 4:57 PM - The Canadian Press
ਬੀ.ਸੀ. ਸਰਕਾਰ ਵਲੋਂ ਇੰਪਲਾਇਮੈਂਟ ਸਟੈਂਡਡ ਐਕਟ ਵਿਚ ਸੋਧ ਕੀਤੀ ਜਾਵੇਗੀ, ਜਿਸ ਦਾ ਉਦੇਸ਼ ਮੈਡੀਕਲ ਛੁੱਟੀ 'ਤੇ ਜਾਣ ਵਾਲੇ ਵਰਕਰਾਂ ਨੂੰ ਨੌਕਰੀ ਦੀ ਸੁਰੱਖਿਆ ਦੇਣਾ ਹੈ। ਪ੍ਰਸਤਾਵਿਤ ਬਦਲਾਵਾਂ ਤਹਿਤ ਲੋਕ ਡਾਕਟਰੀ ਇਲਾਜ ਅਤੇ ਰਿਕਵਰੀ ਲਈ 12 ਮਹੀਨਿਆਂ ਅੰਦਰ 27 ਹਫ਼ਤਿਆਂ ਤੱਕ ਦੀ ਬਿਨਾਂ ਤਨਖਾਹ ਵਾਲੀ ਛੁੱਟੀ ਲੈ ਸਕਦੇ ਹਨ।
ਇਹ ਕਾਨੂੰਨ ਸੋਮਵਾਰ ਨੂੰ ਪੇਸ਼ ਕੀਤਾ ਗਿਆ ਹੈ।ਓਨਟਾਰੀਓ, ਮੈਨੀਟੋਬਾ, ਕਿਊਬੈਕ, ਨੋਵਾ ਸਕੋਸ਼ੀਆ ਅਤੇ ਨਿਊਫਾਊਂਡਲੈਂਡ-ਲੈਬਰਾਡੋਰ ਵਿਚ ਇਸ ਤਰ੍ਹਾਂ ਦਾ ਪਹਿਲਾਂ ਹੀ ਕਾਨੂੰਨ ਹੈ। ਲੇਬਰ ਮਨਿਸਟਰੀ ਮੁਤਾਬਕ, ਮੌਜੂਦਾ ਸਮੇਂ ਬੀ. ਸੀ. ਵਿਚ ਕੋਈ ਅਜਿਹਾ ਕਾਨੂੰਨ ਨਹੀਂ ਹੈ ਜੋ ਉਨ੍ਹਾਂ ਵਰਕਰਜ਼ ਨੂੰ ਲੰਮੇ ਸਮੇਂ ਤੱਕ ਨੌਕਰੀ ਦੀ ਸੁਰੱਖਿਆ ਦਿੰਦਾ ਹੋਵੇ ਜੋ ਆਪਣੀ ਗੰਭੀਰ ਬਿਮਾਰੀ ਜਾਂ ਸੱਟ ਕਾਰਨ ਕੰਮ ਕਰਨ ਵਿਚ ਅਸਮਰਥ ਹਨ।
ਪ੍ਰੀਮੀਅਰ ਡੇਵਿਡ ਈਬੀ ਨੇ ਕਿਹਾ ਕਿ ਨਵੇਂ ਨਿਯਮ ਇਹ ਯਕੀਨੀ ਬਣਾਉਣਗੇ ਕਿ ਲੋਕਾਂ ਨੂੰ ਆਪਣੀ ਸਿਹਤ ਅਤੇ ਆਪਣੀ ਨੌਕਰੀ ਵਿਚੋਂ ਕਿਸੇ ਇੱਕ ਦੀ ਚੋਣ ਨਾ ਕਰਨੀ ਪਵੇ। ਇਹ ਛੁੱਟੀ ਅਜਿਹੀਆਂ ਬਿਮਾਰੀਆਂ ਜਾਂ ਸੱਟਾਂ ਲਈ ਹੋਵੇਗੀ ਜੋ ਜਲਦੀ ਠੀਕ ਨਹੀਂ ਹੁੰਦੀਆਂ, ਜਿਵੇਂ ਕਿ ਕੈਂਸਰ ਜਾਂ ਦਿਲ ਦੀ ਬਿਮਾਰੀ ਅਤੇ ਇਹ ਜ਼ਰੂਰੀ ਨਹੀਂ ਕਿ ਇਹ ਸਾਰੀ ਛੁੱਟੀ ਇੱਕੋ ਵਾਰ ਵਿਚ ਲਈ ਜਾਵੇ।
