17.76C Vancouver 17.76C VancouverMar 4, 2026 3:50 PM - Connect Newsroom - Ramandeep Kaur with files from The Canadian Press
ਬੀ. ਸੀ. ਸਰਕਾਰ ਕਰੇਨ ਨਾਲ ਸਬੰਧਤ ਹਾਦਸਿਆਂ ਨੂੰ ਰੋਕਣ ਲਈ ਇੱਕ ਨਵਾਂ ਕਾਨੂੰਨ ਲਿਆ ਰਹੀ ਹੈ। ਇਸ ਕਦਮ ਤਹਿਤ ਵਰਕਸੇਫਬੀਸੀ ਵਲੋਂ ਕ੍ਰੇਨਾਂ ਲਈ ਇੱਕ ਲਾਜ਼ਮੀ ਲਾਇਸੈਂਸਿੰਗ ਐਂਡ ਪਰਮੀਟਿੰਗ ਪ੍ਰੋਗਰਾਮ ਲਾਗੂ ਕੀਤਾ ਜਾਵੇਗਾ।
ਸਰਕਾਰ ਅਨੁਸਾਰ, ਹੁਣ ਤੱਕ ਸਿਰਫ਼ ਕਰੇਨ ਚਲਾਉਣ ਵਾਲਿਆਂ ਲਈ ਹੀ ਸਰਟੀਫਿਕੇਸ਼ਨ ਅਤੇ ਰਜਿਸਟਰਡ ਹੋਣਾ ਜ਼ਰੂਰੀ ਸੀ ਪਰ ਕਰੇਨ ਦੇ ਮਾਲਕਾਂ, ਮੁਰੰਮਤ ਕਰਨ ਵਾਲਿਆਂ ਅਤੇ ਹੋਰ ਜ਼ਿੰਮੇਵਾਰ ਵਿਅਕਤੀਆਂ ਲਈ ਕੋਈ ਲਾਇਸੈਂਸ ਪ੍ਰਣਾਲੀ ਨਹੀਂ ਸੀ, ਇਸੇ ਲੂਪਹੋਲ ਨੂੰ ਹੁਣ ਖ਼ਤਮ ਕੀਤਾ ਜਾ ਰਿਹਾ ਹੈ।
ਨਵੇਂ ਨਿਯਮਾਂ ਮੁਤਾਬਕ, ਕ੍ਰੇਨ ਲਈ ਸਾਰੇ ਜ਼ਿੰਮੇਵਾਰ ਵਿਅਕਤੀਆਂ ਲਈ ਲਾਇਸੈਂਸ ਅਤੇ ਰਜਿਸਟ੍ਰੇਸ਼ਨ ਲਾਜ਼ਮੀ ਹੋਵੇਗਾ। ਪ੍ਰੀਮੀਅਰ ਡੇਵਿਡ ਈਬੀ ਨੇ ਕਿਹਾ ਕਿ ਬੀ.ਸੀ. ਵਿਚ ਵੱਡੇ ਪ੍ਰੋਜੈਕਟ ਚੱਲ ਰਹੇ ਹਨ ਅਤੇ ਇਨ੍ਹਾਂ ਨੂੰ ਬਣਾਉਣ ਵਾਲੇ ਲੋਕਾਂ ਦੀ ਸੁਰੱਖਿਆ ਸਾਡੀ ਪਹਿਲ ਹੈ।
ਉਨ੍ਹਾਂ ਕਿਹਾ ਕਿ ਅਸੀਂ ਕਰੇਨ ਸੇਫਟੀ ਵਿਚ ਮੋਹਰੀ ਬਣਾਂਗੇ ਤਾਂ ਜੋ ਹਰ ਪ੍ਰੋਜੈਕਟ 'ਤੇ ਵਰਕਰਜ਼ ਅਤੇ ਲੋਕਾਂ ਦੀ ਸੇਫਟੀ ਯਕੀਨੀ ਹੋਵੇ। ਇਸ ਸਖ਼ਤ ਫੈਸਲੇ ਦਾ ਮੁੱਖ ਕਾਰਨ ਪਿਛਲੇ ਪੰਜ ਸਾਲਾਂ ਵਿਚ ਬੀ. ਸੀ. ਵਿਚ ਕਰੇਨ ਨਾਲ ਸਬੰਧਤ ਹਾਦਸਿਆਂ ਵਿਚ ਹੋਈਆਂ 7 ਦਰਦਨਾਕ ਮੌਤਾਂ ਹਨ।
