9.18C Vancouver 9.18C VancouverJan 3, 2024 4:55 PM - The Canadian Press
ਮੈਟਰੋ ਵੈਨਕੂਵਰ ਵਿੱਚ ਟ੍ਰਾਂਜ਼ਿਟ ਵਰਕਰ ਯੂਨੀਅਨ ਵੱਲੋਂ 72 ਘੰਟੇ ਦੀ ਹੜਤਾਲ ਦਾ ਨੋਟਿਸ ਜਾਰੀ ਕੀਤਾ ਗਿਆ ਹੈ। ਇਹ ਨੋਟਿਸ ਲੋਅਰ ਮੇਨਲੈਂਡ ਵਿੱਚ 180 ਤੋਂ ਵੱਧ ਟ੍ਰਾਂਜ਼ਿਟ ਵਰਕਰਾਂ ਦੀ ਨੁਮਾਇੰਦਗੀ ਕਰਨ ਵਾਲੀ CUPE ਲੋਕਲ 4500 ਵਲੋਂ ਜਾਰੀ ਕੀਤਾ ਗਿਆ ਹੈ।
ਇਹ ਨੋਟਿਸ ਅੱਜ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 8 ਵਜੇ ਤੋਂ ਪ੍ਰਭਾਵੀ ਹੈ। CUPE ਲੋਕਲ 4500, ਕੋਸਟ ਮਾਉਂਟੇਨ ਬੱਸ ਕੰਪਨੀ ਵੱਲੋਂ ਨਿਯੁਕਤ ਕਰਮਚਾਰੀਆਂ ਦੀ ਨੁਮਾਇੰਦਗੀ ਕਰਦੀ ਹੈ ਜੋ ਮੈਟਰੋ ਵੈਨਕੂਵਰ ਵਿੱਚ ਸਾਰੇ ਟ੍ਰਾਂਜ਼ਿਟ ਆਪਰੇਸ਼ਨ ਚਲਾਉਂਦੀ ਹੈ।
ਯੂਨੀਅਨ ਦਾ ਕਹਿਣਾ ਹੈ ਕਿ ਉਹ ਅਜੇ ਵੀ ਸੇਵਾ ਵਿੱਚ ਰੁਕਾਵਟਾਂ ਤੋਂ ਬਚਣ ਲਈ ਇਕ ਸਮੂਹਿਕ ਸਮਝੌਤੇ 'ਤੇ ਗੱਲਬਾਤ ਕਰਨ ਲਈ ਤਿਆਰ ਹੈ। ਯੂਨੀਅਨ ਅਨੁਸਾਰ ਜੌਬ ਐਕਸ਼ਨ ਸ਼ਨੀਵਾਰ ਸਵੇਰੇ 8 ਵਜੇ ਇੱਕ ਓਵਰਟਾਈਮ ਪਾਬੰਦੀ ਨਾਲ ਸ਼ੁਰੂ ਹੋ ਸਕਦੀ ਹੈ ਜੋ ਕੋਸਟ ਮਾਉਂਟੇਨ ਸਿਸਟਮ ਵਿੱਚ ਸਾਰੇ ਕਾਰਜਾਂ ਨੂੰ ਪ੍ਰਭਾਵਤ ਕਰੇਗੀ।
ਯੂਨੀਅਨ ਦਾ ਕਹਿਣਾ ਹੈ ਕਿ ਆਖਰੀ ਸਮੂਹਿਕ ਸਮਝੌਤਾ 2022 ਦੇ ਅੰਤ ਵਿੱਚ ਖਤਮ ਹੋ ਗਿਆ ਸੀ ਅਤੇ ਪਿਛਲੇ ਅਕਤੂਬਰ ਤੱਕ ਸੌਦੇਬਾਜ਼ੀ ਸ਼ੁਰੂ ਨਹੀਂ ਹੋਈ ਸੀ। ਪਿਛਲੇ ਮਹੀਨੇ ਮੈਂਬਰਾਂ ਵਲੋਂ ਹੜਤਾਲ ਦੇ ਪੱਖ ਵਿੱਚ 100% ਵੋਟ ਦਿੱਤੀ ਗਈ ਸੀ।
