12.58C Vancouver 12.58C VancouverMay 16, 2025 4:31 PM - The Canadian Press
ਬੀ.ਸੀ. ਵਾਈਲਡਫਾਇਰ ਸਰਵਿਸ ਨੇ ਲੰਬੇ ਵੀਕਐਂਡ ਦੌਰਾਨ ਲੋਕਾਂ ਨੂੰ ਬਾਹਰਲੇ ਇਲਾਕਿਆਂ ਵਿਚ ਅੱਗ ਬਾਲਣ ਤੋਂ ਬਚਣ ਦੀ ਸਲਾਹ ਦਿੱਤੀ ਹੈ। ਔਫੀਸ਼ੀਅਲ਼ਜ਼ ਮੁਤਾਬਕ ਸੂਬੇ ਦੇ ਕੁਝ ਇਲਾਕਿਆਂ ਵਿਚ ਪਹਿਲਾਂ ਹੀ ਜੰਗਲੀ ਅੱਗ ਬਲ ਰਹੀ ਹੈ। ਅਜਿਹੇ ਵਿਚ ਹੋਰ ਥਾਵਾਂ ਨੂੰ ਸੁਰੱਖਿਅਤ ਰੱਖਣ ਲਈ ਜਨਤਾ ਦੇ ਸਹਿਯੋਗ ਦੀ ਲੋੜ ਹੈ।
ਵੀਕਐਂਡ ਦੌਰਾਨ ਲੋਕ ਬਾਹਰ ਘੁੰਮਦੇ ਹਨ ਪਰ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਜੰਗਲੀ ਅੱਗ ਦੀ ਗਤੀਵਿਧੀ, ਬੰਦ ਸੜਕਾਂ, ਨਿਕਾਸੀ ਦੇ ਹੁਕਮ ਅਤੇ ਅਲਰਟ ਦੇ ਨਾਲ-ਨਾਲ ਮੌਸਮ ਦੀ ਅਪਡੇਟ ਲੈ ਕੇ ਹੀ ਕੋਈ ਵੀ ਯੋਜਨਾ ਬਣਾਉਣ।
ਸੂਬੇ ਦੇ ਸਰਵਿਸ ਡੈਸ਼ਬੋਰਡ ਮੁਤਾਬਕ ਇਸ ਸਮੇਂ 30 ਜੰਗਲੀ ਅੱਗ ਐਕਟਿਵ ਹਨ। ਔਫੀਸ਼ੀਅਲਜ਼ ਨੇ ਕਿਹਾ ਘੱਟ ਮੀਂਹ ਪੈਣ ਕਾਰਨ ਕੁਝ ਇਲਾਕਿਆਂ ਵਿਚ ਹਰਿਆਲੀ ਘੱਟ ਹੈ। ਖੁਸ਼ਕ ਮੌਸਮ ਅਤੇ ਤੇਜ਼ ਹਵਾਵਾਂ ਜੰਗਲੀ ਅੱਗ ਨੂੰ ਵਧਾਉਣ ਦਾ ਕੰਮ ਕਰਦੇ ਹਨ। ਇਸ ਲਈ ਬਾਹਰੀ ਇਲਾਕਿਆਂ ਵਿਚ ਕੈਂਪ ਆਦਿ ਲਗਾ ਕੇ ਅੱਗ ਨਾ ਬਾਲੀ ਜਾਵੇ ਅਤੇ ਜੇਕਰ ਕਿਤੇ ਅੱਗ ਬਲਦੀ ਦੇਖੀ ਜਾਵੇ ਤਾਂ ਫਾਇਰ ਵਿਭਾਗ ਨੂੰ ਇਸ ਦੀ ਤੁਰੰਤ ਸੂਚਨਾ ਦਿੱਤੀ ਜਾਵੇ।
